You are here

സംസ്ഥാനത്ത്​ സ്വകാര്യ ബസുകൾ സർവീസ്​ നിർത്തി

08:31 AM
01/08/2020
private-bus

കോഴിക്കോട്​: സംസ്ഥാനത്ത്​ സ്വകാര്യ ബസുകൾ സർവീസ്​ നിർത്തി വെച്ചു. സാമ്പത്തിക നഷ്​ടം സഹിച്ച്​ സർവീസ്​ നടത്താൻ ബുദ്ധിമുട്ടായതിനാലാണ്​ തീരുമാനമെന്നാണ്​ ബസുടമകൾ അറിയിക്കുന്നത്​​. ആഗസ്​റ്റ്​ ഒന്നു മുതൽ സർവീസ്​ നിർത്തുകയാണെന്ന്​ ചൂണ്ടിക്കാട്ടി ബസുടമകൾ ഗതാഗത വകുപ്പ്​ മന്ത്രിക്ക്​ കത്ത്​ നൽകിയിരുന്നു. നിലവിൽ കുറച്ച്​ ബസുകളേ സർവീസ്​ നടത്തിയിരുന്നുള്ളൂ. 

രണ്ട്​ മാസത്തെ നികുതി ഒഴിവാക്കി നൽകണമെന്നാണ്​ ബസ്​ ഉടമകൾ മുന്നോട്ടു വെക്കുന്ന പ്രധാന ആവശ്യം. എന്നാൽ ഈ ആവശ്യം ഗതാഗത വകുപ്പ്​ അംഗീകരിച്ചിട്ടില്ല. നികുതി പൂർണമായും ഒഴിവാക്കാനാവില്ലെന്നും കാലാവധി രണ്ട്​ മാസം നീട്ടി നൽകാമെന്നുമുള്ള​ നിലപാടിലാണ്​ ഗതാഗത വകുപ്പ്​. 

ആരോഗ്യ വകുപ്പി​​െൻറ വിയോജിപ്പിനെ തുടർന്ന്​ ഇന്ന്​ മുതൽ ദീർഘദൂര ബസുകൾ സർവീസ്​ പുനരാരംഭിക്കുവാനുള്ള തീരുമാനത്തിൽ നിന്ന് കെ.എസ്​.ആർ.ടി.സിയും​ പിൻമാറിയിരുന്നു. ഇതോടെ ദീർഘദൂര യാത്രക്ക്​ ബസിനെ ആശ്രയിക്കുന്നവർ ബുദ്ധിമുട്ടിലായിരിക്കുകയാണ്​. 
 

Loading...
COMMENTS