സ്വകാര്യ ബസ്​ സമരം: തിരുവനന്തപുരത്ത്​ ബസുകൾ ഒാടി തുടങ്ങി

തിരുവനന്തപുരം: പെർമിറ്റുകൾ റദ്ദാക്കുന്നതടക്കമുള്ള നടപടികൾ സ്വീകരിക്കുമെന്ന്​ സർക്കാർ അറിയിച്ചതോടെ തലസ്ഥാന നഗരമുൾപ്പെടെയുള്ള സ്ഥലങ്ങളിൽ സ്വകാര്യ ബസുകൾ ഒാടി തുടങ്ങി. തിരുവനന്തപുരത്തും മറ്റ്​ ചില ജില്ലകളിലുമാണ്​ സ്വകാര്യ ബസുകൾ സർവീസ്​ നടത്തിയത്​. 

ചാർജ്​ വർധിപ്പിച്ചിട്ടും സ്വകാര്യ ബസുടമകൾ നടത്തുന്ന സമരത്തെ നേരിടാൻ ബസ്​ പിടിച്ചിടുക്കുന്നതടക്കമുള്ള നടപടികൾ ആലോചിക്കാൻ മന്ത്രി എ.കെ ശശീന്ദ്രൻ  ഗതാഗത കമ്മീഷണറോട്​ നേരത്തെ ആവശ്യപ്പെട്ടിരുന്നു. സർക്കാർ നിലപാട്​ ശക്തമാക്കിയതിനെ തുടർന്നാണ്​ ഒരു വിഭാഗം ബസുടമകൾ സർവീസ്​ തുടങ്ങിയത്​.