എറണാകുളം ജില്ലയിൽ സ്വകാര്യ ബസ് പണിമുടക്ക്

കൊച്ചി: എറണാകുളം ജില്ലയിൽ ബുധനാഴ്ച സ്വകാര്യ ബസ് പണിമുടക്ക്. ബസ് ഉടമ-തൊഴിലാളി സംയുക്ത സമിതിയാണ് പണിമുടക്കിന് ആഹ്വാനം ചെയ്തിരിക്കുന്നത്.

എറണാകുളം നഗരത്തിൽ പൊലീസും മോട്ടോർ വാഹന വകുപ്പും പരിശോധന അടക്കം കാര്യങ്ങളിൽ ബുദ്ധിമുട്ടിക്കുന്നു എന്നാരോപിച്ചാണ് സൂചനാ പണിമുടക്ക്.

പ്രശ്നത്തിന് പരിഹാരമുണ്ടായില്ലെങ്കിൽ അനിശ്ചിതകാല പണിമുടക്ക് നടത്തുമെന്നാണ് മുന്നറിയിപ്പ്.