പീഡനക്കേസിൽ വൈദികൻ അറസ്റ്റിൽ

കൊച്ചി: പീഡനക്കേസിൽ വൈദികൻ അറസ്റ്റിൽ. കൊല്ലം കൈതക്കുഴി ഭാഗം പനവിള പുത്തൻവീട് സജി തോമസ് (43)ആണ് എറണാകുളം സെൻട്രൽ പൊലീസിന്‍റെ പിടിയിലായത്. മർത്തോമ സഭാംഗമായ ഇയാളെ സ്വഭാവ ദൂഷ്യംമൂലം സഭ നേരത്തേ വിലക്കിയിരുന്നു.

പരാതിക്കാരിയുമായി ആത്മീയ കാര്യങ്ങൾ പങ്കിടാം എന്നുപറഞ്ഞ് വിളിച്ചുവരുത്തി പീഡിപ്പിച്ചെന്നാണ് പരാതി. നഗ്ന ഫോട്ടോകൾ പകർത്തി ഭീഷണിപ്പെടുത്തി പല ഹോട്ടലുകളിലും കൊണ്ടുപോയി പീഡിപ്പിച്ചതായി പൊലീസ് പറഞ്ഞു. നഗ്ന ഫോട്ടോകൾ പരസ്യപ്പെടുത്തുമെന്ന് ഭീഷണിപ്പെടുത്തിയതിനെ തുടർന്നാണ് അവർ പരാതികൊടുത്തത്. യുവതി പരാതി കൊടുത്തു എന്നറിഞ്ഞ പ്രതി രക്ഷപ്പെടാൻ ശ്രമിക്കുന്നതിനിടെയാണ് പൊലീസ് പിടികൂടിയത്.