വാണിജ്യ സിലിണ്ടറിന് വില കുറച്ചു

കേന്ദ്രബജറ്റിന് മുന്നോടിയായി രാജ്യത്ത് വാണിജ്യ സിലിണ്ടറിന് വില കുറച്ചു. ഹോട്ടൽ നടത്തിപ്പുകാർ ഉൾപ്പെടെയുള്ളവർക്ക് ആശ്വാസം നൽകുന്ന നടപടിയാണിത്. 19 കിലോ വാണിജ്യ സിലിണ്ടറിന്റെ വില ഏഴ് രൂപയാണ് കുറച്ചത്. കൊച്ചിയിൽ 1806 രൂപയാണ് വാണിജ്യ സിലിണ്ടറിന്റെ വില. ആറ് രൂപയാണ് കുറച്ചത്.

എന്നാൽ ഗാർഹിക എൽ.പി.ജി സിലിണ്ടറുകളുടെ വിലയിൽ മാറ്റമില്ല. ഡൽഹിയിൽ ഗാർഹിക എൽ.പി.ജി സിലിണ്ടറുകളുടെ വില 803 രൂപയാണ്. കൊൽക്കത്തയിൽ 829ഉം മുംബൈയിൽ 802ഉം ചെന്നെയിൽ 819 രൂപയുമാണ് ഗാർഹിക സിലിണ്ടറിന്റെ വില. എല്ലാമാസത്തിന്റെ ആദ്യത്തിലും വാണിജ്യ, ഗാർഹിക സിലിണ്ടറുകളുടെ വില പുതുക്കാറുണ്ട്.