രാഷ്​ട്രീയ അക്രമം കേരളത്തിന്​ തിരിച്ചടി -രാഷ്​ട്രപതി

തിരുവനന്തപുരം: സംസ്​ഥാനത്ത്​ നടക്കുന്ന രാഷ​്ട്രീയ അക്രമങ്ങളെ അപലപിച്ച്​ ​രാഷ്​ട്രപതി രാംനാഥ്​ കോവിന്ദ്​. കേരളവും കേരളീയരും കൈവരിച്ച നേട്ടങ്ങൾക്ക്​ രാഷ്​ട്രീയ ആക്രമണങ്ങൾ തിരിച്ചടിയാണെന്നും ജനാധിപത്യത്തിൽ ആ​ക്രമണങ്ങൾക്ക്​ ഇടമില്ലെന്നും അദ്ദേഹം പറഞ്ഞു. കേരള നിയമസഭ വജ്രജൂബിലി ആഘോഷത്തി​​​െൻറ ഭാഗമായി സംഘടിപ്പിച്ച ‘ജനാധിപത്യത്തി​​​െൻറ ഉത്സവം’ ഉദ്​ഘാടനം ചെയ്യുകയായിരുന്നു രാഷ്​ട്രപതി. 

സഹവർത്തിത്വത്തോടെയുള്ള സംവാദമെന്ന കേരളത്തി​​​െൻറ ഡി.എൻ.എ സംരക്ഷിക്കപ്പെടണം. നിയമസഭയിലും അത്​ നിലനിർത്തണം. ഏതു മതത്തിൽ വിശ്വസിക്കു​െന്നന്നോ വിശ്വാസിയല്ലെന്നോ ഉള്ളതല്ല പ്രധാനം. കഴിഞ്ഞ നൂറ്റാണ്ടുകളിൽ പോലും കേരളത്തി​​​െൻറ സാമൂഹിക ചട്ടക്കൂട് സംവാദവും ചർച്ചയും പ്രോത്സാഹിപ്പിക്കുന്നതായിരുന്നു. സാമൂഹിക പരിഷ്​കർത്താക്കളായ ആദി ശങ്കരാചാര്യ, ശ്രീനാരായണഗുരു, അയ്യങ്കാളി എന്നിവരുടെ വഴിയും അതായിരുന്നു.

മഹത്തായ വിശ്വാസങ്ങളുടെ ഇടയിൽ അവർ തമ്മിലുള്ള വ്യവഹാരം പ്രചോദനം പകർന്നു. ഹിന്ദു, ജൂത, ക്രൈസ്​തവ, ഇസ്​ലാം മതങ്ങളുടെ ആദ്യകാല ഗൃഹംകൂടിയാണ്​ കേരളം. കേരള മാതൃക വികസനത്തി​​​െൻറ അടുത്ത ഘട്ടം യുവാക്കളെ ലക്ഷ്യമിട്ടാകണം. ലോക രാജ്യങ്ങളിലെ മലയാളിസാന്നിധ്യം കേരളം കൈവരിച്ച സാമൂഹിക പുരോഗതിയുടെ നേട്ടമാണ്​. മാനവ വിഭവശേഷിയുടെ തലസ്​ഥാനമായി കേരളം മാറിയിട്ടുണ്ട്​. സാക്ഷരത, പഞ്ചായത്തീരാജ്​ തുടങ്ങി സംസ്​ഥാനം കൈവരിച്ച ​േനട്ടങ്ങളും രാഷ്​ട്രപതി അനുസ്​മരിച്ചു. 

രാഷ്​ട്രപതിയായിരുന്ന കെ.ആർ. നാരായണൻ, മുഖ്യമന്ത്രിമാരായിരുന്ന ഇ.എം.എസ്​, ആർ. ശങ്കർ, സി. അച്യുതമേനോൻ, കെ. കര​​ുണാകരൻ, ഇ.കെ. നായനാർ, വി.എസ്​. അച്യുതാനന്ദൻ, എ.കെ. ആൻറണി, ആദ്യ നിയമസഭയിൽ അംഗമായിരുന്ന വി.ആർ. കൃഷ്​ണയ്യർ, കെ.ആർ. ഗൗരി എന്നിവർ നൽകിയ സംഭാവന രാഷ്​ട്രപതി പരാമർശിച്ചു. 

ഗവർണർ ജസ്​റ്റിസ്​ പി. സദാശിവം, മുഖ്യമന്ത്രി പിണറായി വിജയൻ, മന്ത്രി എ.കെ. ബാലൻ, പ്രതിപക്ഷനേതാവ്​ രമേശ്​ ചെന്നിത്തല എന്നിവർ സംസാരിച്ചു. സ്​പീക്കർ പി. ശ്രീരാമകൃഷ്​ണൻ സ്വാഗതവും ​െഡപ്യൂട്ടി സ്​പീക്കർ വി. ശശി നന്ദിയും പറഞ്ഞു. തുടർന്ന്​, ‘സ്വത​ന്ത്ര ഇന്ത്യയിൽ പട്ടികജാതി-വർഗ ശാക്തീകരണം നേരിടുന്ന വെല്ലുവിളി’ വിഷയത്തിൽ സമ്മേളനം നടന്നു. 22 സംസ്​ഥാനങ്ങൾ, രണ്ട്​ കേ​ന്ദ്രഭരണപ്രദേശം എന്നിവിടങ്ങളിൽനിന്ന്​ ജനപ്രതിനിധികൾ പ​െങ്കടുക്കുന്നുണ്ട്​.