‘ജനിപ്പിച്ചതിനുള്ള ശിക്ഷ...’ -താമരശ്ശേരിയിൽ ഉമ്മയെ വെട്ടിക്കൊന്ന മകൻ

താ​മ​ര​ശ്ശേ​രി: പുതുപ്പാടിയിൽ ല​ഹ​രി​ക്ക​ടി​മ​പ്പെ​ട്ട മ​ക​ൻ പെ​റ്റു​മ്മ​യെ വെ​ട്ടി​ക്കൊന്ന സം​ഭ​വ​ത്തി​ൽ 25കാരന്‍റെ പ്രാഥമിക മൊഴി പൊലീസ് രേഖപ്പെടുത്തി. പ്രതിയെ കോഴിക്കോട് മെഡിക്കൽ കോളജിലെത്തി വൈദ്യപരിശോധന നടത്തി. കൊല്ലപ്പെട്ട അ​ടി​വാ​രം മു​പ്പ​തേ​ക്ര കാ​യി​ക്ക​ൽ സു​ബൈ​ദയുടെ (52) പോസ്റ്റുമോർട്ടം പൂർത്തിയായി.

ശ​നി​യാ​ഴ്ച ഉ​ച്ച​യോ​ടെയാണ് നാടിനെ നടുക്കിയ സംഭവം. ത​ല​യിൽ ട്യൂമർ ബാ​ധി​ച്ച് ശ​സ്ത്ര​ക്രി​യ​ക്കു​ശേ​ഷം വീ​ട്ടി​ൽ കി​ട​പ്പി​ലാ​യി​രു​ന്നു സു​ബൈ​ദ. അ​സു​ഖ​ത്തെ തു​ട​ർ​ന്ന് സ​ഹോ​ദ​രി​യു​ടെ ക​ട്ടി​പ്പാ​റ വേ​ന​ക്കാ​വി​ലെ വീ​ട്ടി​ലാ​യി​രു​ന്നു താ​മ​സം. ആഷിഖ് അടുത്ത വീട്ടിൽ പോയി തേ​ങ്ങ പൊ​ളി​ക്കാ​നെ​ന്നു പ​റ​ഞ്ഞ് കൊടുവാൾ വാങ്ങി കൊണ്ടുവന്ന് സുബൈദയുടെ ക​ഴു​ത്തി​ന് വെ​ട്ടു​ക​യാ​യി​രു​ന്നു.

നി​ല​വി​ളി കേ​ട്ട് ഓ​ടി​ക്കൂ​ടി​യ നാ​ട്ടു​കാ​ർ ര​ക്ത​ത്തി​ൽ കു​ളി​ച്ചു​കി​ട​ക്കു​ന്ന സു​ബൈ​ദ​യെ​യാ​ണ് ക​ണ്ട​ത്. വീ​ടി​ന​ക​ത്താ​കെ ര​ക്തം ത​ളം​കെ​ട്ടി കി​ട​ക്കു​ന്ന നി​ല​യി​ലാ​യി​രു​ന്നു. ഈ ​സ​മ​യം ആ​ഷി​ഖ് മ​റ്റൊ​രു മു​റി​യി​ൽ ഒ​ളി​ച്ചി​രി​ക്കു​ക​യാ​യി​രു​ന്നു. നാ​ട്ടു​കാ​ർ​ക്കു​നേ​രെ കൊ​ടു​വാ​ളു​മാ​യി ഭീ​ഷ​ണി മു​ഴ​ക്കി​യെ​ങ്കി​ലും പി​ടി​കൂ​ടി കെ​ട്ടി​യി​ട്ടു. ഈ സമയത്താണ് കുറ്റബോധം തെല്ലുമില്ലാതെ ജനിപ്പിച്ചതിനുള്ള ശിക്ഷയാണ് നടപ്പാക്കിയതെന്ന് ആഷിഖ് പറഞ്ഞത്.

കൊ​ടു​വാ​ൾ ക​ഴു​കി വൃ​ത്തി​യാ​ക്കി തെ​ളി​വു ന​ശി​പ്പി​ച്ചിരുന്നു. താ​മ​ര​ശ്ശേ​രി പൊ​ലീ​സെ​ത്തി പ്രതിയെ ക​സ്റ്റ​ഡി​യി​ലെ​ടു​ത്തു.