അട്ടപ്പാടിയിൽ ഗർഭിണിയേയും കൈകുഞ്ഞിനേയും സാഹസികമായി രക്ഷിച്ചു

അഗളി: അട്ടപ്പാടി ഭവാനിപ്പുഴയിൽ വെള്ളമുയര്‍ന്ന് ഒറ്റപ്പെട്ടുപോയ ഊരിൽ നിന്ന് എട്ട് മാസം ഗര്‍ഭിണിയേയും കൈക്കു ‍ഞ്ഞിനെയും രക്ഷിച്ചു. ദേശീയ ദുരന്ത നിവാരണ സേനയും പൊലീസും ഫയര്‍ഫോഴ്സും ചേര്‍ന്നായിരുന്നു രക്ഷാപ്രവര്‍ത്തനം.

കുലംകുത്തിയൊഴുകുന്ന പുഴക്ക് കുറുകെ വടംകെട്ടി അതിൽ പിതാവി​​​​​​െൻറ മടിയിൽ ഇരുത്തിയാണ് ഒന്നര വയസ്സുള്ള കുട്ടിയേയും പുറത്തെത്തിച്ചത്. ശ്വാസമടക്കിപ്പിടിച്ചാണ് പുഴക്ക് അക്കരെ ഇക്കരെ ഉള്ളവര്‍ കാഴ്ച കണ്ടു നിന്നത്. തുടര്‍ന്നായിരുന്നു എട്ട് മാസം ഗര്‍ഭിണിയായ യുവതിയെയും ഇത്തരത്തിൽ പുഴ കടത്തിയത്.

ഭവാനിപ്പുഴയുടെ തീരത്താണ് ഇവരുടെ വീട്.പുഴക്കിരുവശവുമുള്ള രണ്ട് മരങ്ങളിൽ റോപ്പ് വലിച്ചുകെട്ടിയായിരുന്നു മിഷൻ.