ഗർഭിണിയും ഗർഭസ്ഥ ശിശുവും മരിച്ചു; ആശുപത്രിയിൽ സംഘർഷം

തലശ്ശേരി: ജനറൽ ആശുപത്രിയിൽ പൂർണ ഗർഭിണിയും ഗർഭസ്ഥശിശുവും മരിച്ചു. കൂത്തുപറമ്പ് വട്ടിപ്രം മാണിക്കോത്തുവയൽ പി. മനോജി​​െൻറ ഭാര്യ രമ്യയും (30) ഗർഭസ്​ഥ ശിശുവുമാണ്​ മരിച്ചത്​. ഗർഭപാത്രത്തിൽ വെച്ചുതന്നെ കുഞ്ഞ്​ മരിച്ചതിനാൽ പുറത്തെടുത്തില്ല. ഡോക്ടറുടെയും ജീവനക്കാരുടെയും അനാസ്ഥയാണ്​ മരണകാരണമെന്ന്​ ആരോപിച്ച്​ ബന്ധുക്കൾ ആശുപത്രിയിൽ ബഹളംവെച്ചു. ഡ്യൂട്ടി ഡോക്​ടറെ തടഞ്ഞുവെക്കുകയും ചെയ്​തു. ആശുപത്രിയിൽ ഏറെനേരം സംഘർഷാവസ്​ഥയായിരുന്നു.
21നാണ്​ രമ്യയെ പ്രസവത്തിന്​ ആശുപത്രിയിൽ പ്രവേശിപ്പിച്ചത്. ഇൗ മാസം 31നായിരുന്നു പ്രസവത്തി​​െൻറ പ്രതീക്ഷിച്ച തീയതി.

തിങ്കളാഴ്​ച രാത്രി ഒമ്പതോടെ വേദനയനുഭവപ്പെട്ടതിനാൽ പ്രസവമുറിയിലേക്കു മാറ്റി. എന്നാൽ, പുലർച്ച മൂന്നരയോടെ രമ്യ മരിച്ചതായി ആശുപത്രി അധികൃതർ അറിയിക്കുകയായിരുന്നുവെന്ന്​ ബന്ധുക്കൾ പറഞ്ഞു. ലേബർ മുറിയിൽനിന്ന് തീവ്രപരിചരണ വിഭാഗത്തിലേക്ക് പോകുന്ന വഴിയിൽ ഗ്രിൽസ് പൂട്ടിയ നിലയിലായിരുന്നു. പൂട്ട് തകർത്താണ് യുവതിയെ തീവ്രപരിചരണ വിഭാഗത്തിലേക്ക് മാറ്റിയത്. ഡ്യൂട്ടി സമയത്ത്​ ജീവനക്കാർ മൊബൈലിൽ കളിച്ചതായും അവരുടെ അനാസ്​ഥയാണ്​ മരണത്തിന്​ ഇടയാക്കിയതെന്നും ആരോപിച്ചാണ്​ നാട്ടുകാരും ബന്ധുക്കളും ബഹളംവെച്ചത്​. സംഭവമറിഞ്ഞെത്തിയ എ.എൻ. ഷംസീർ എം.എൽ.എ  ശ്രദ്ധയിൽപെടുത്തിയതിനെത്തുടർന്ന്​ ആരോഗ്യ മന്ത്രി കെ.കെ. ശൈലജ  ആശുപത്രി അധികൃതരിൽനിന്ന്​ റിപ്പോർട്ട്​ തേടി. എം.എൽ.എയുടെ നേതൃത്വത്തിൽ രമ്യയുടെ ബന്ധുക്കളും നാട്ടുകാരുമായി നടത്തിയ ചർച്ചയെത്തുടർന്നാണ്​  സംഘർഷത്തിന് അയവുവന്നത്​. 

തില്ല​േങ്കരി ആലാച്ചിയിലെ വെള്ളുവക്കണ്ടി നാണുവി​​െൻറയും കവുങ്ങുംവള്ളി ശോഭനയുടെയും മകളാണ്​ രമ്യ. കോളയാട്​ കെ.എസ്​.ഇ.ബിയിലെ ജീവനക്കാരനാണ്​ ഭർത്താവ്​ മനോജ്​. മകൻ: യദുനന്ദ (വട്ടിപ്രം യു.പി സ്‌കൂൾ ഒന്നാം ക്ലാസ് വിദ്യാർഥി). സഹോദരങ്ങൾ: ജയ, പ്രദീപൻ, രജീഷ്, വിജയ, വിജേഷ്, രജിഷ. തലശ്ശേരി ജനറൽ ആശുപത്രിയിൽ തലശ്ശേരി അഡീഷനൽ എസ്.ഐ സുരേഷ്ബാബു മൃതദേഹം ഇൻക്വസ്​റ്റ്​ നടത്തി. സംഭവം സംബന്ധിച്ച് അസ്വാഭാവിക മരണത്തിന് തലശ്ശേരി പൊലീസ് കേസെടുത്തു. പരിയാരം മെഡിക്കൽ കോളജ്​ ആശുപത്രിയിൽ പോസ്​റ്റ്​മോർട്ടത്തിനുശേഷം മൃതദേഹം ചൊവ്വാഴ്​ച രാത്രിയോടെ ആലാച്ചിയിലെ വീട്ടുവളപ്പിൽ സംസ്​കരിച്ചു.  

സാധ്യമായ എല്ലാ ചികിത്സയും നൽകി -ആശുപത്രി സൂപ്രണ്ട്​
തലശ്ശേരി: ആശുപത്രിയിൽ മരിച്ച ഗർഭിണി രമ്യക്ക്​ സാധ്യമായ എല്ലാ ചികിത്സയും നൽകിയിരുന്നതായി ആശുപത്രി സൂപ്രണ്ട്​ ഡോ. പീയൂഷ്​ നമ്പൂതിരി പറഞ്ഞു. ചൊവ്വാഴ്​ച പുർച്ച 2.20ന് അമ്മയെയും ഗർഭസ്ഥശിശുവിനെയും ഡ്യൂട്ടി നഴ്​സ്​ പരിശോധിച്ചപ്പോൾ എല്ലാം സാധാരണനിലയിലായിരുന്നു. 2.30ഒാടെ നഴ്​സ്​ എത്തി പരിശോധിച്ചപ്പോൾ ഒരുഭാഗം ചെരിഞ്ഞുകിടന്ന രമ്യക്ക്​ ചലനമ​ുണ്ടായിരുന്നില്ല. പൾസ്​ കിട്ടാതെവന്നതോടെ ​െഎ.സി.യുവിലേക്ക്​ മാറ്റി. ഒാക്​സിജൻ ഉൾപ്പെടെ എല്ലാ ചികിത്സയും നൽകിയിരുന്നതായും അദ്ദേഹം പറഞ്ഞു.ഡ്യൂട്ടി ഡോക്​ടർക്ക്​ പുറ​േമ ഗൈനക്കോളജിസ്​റ്റ്​, ഫിസിഷ്യൻ എന്നിവരെയും വിളിച്ചുവരുത്തി. ജീവനക്കാരുടെ ഭാഗത്തുനിന്ന്​ ഒരു വീഴ്​ചയും ഉണ്ടായിട്ടില്ല. മരണം പെ​െട്ടന്നാണ്​ സംഭവിച്ചത്​. ​െഎ.സിയുവിൽ വേറെയും ഗർഭിണികൾ ഉണ്ടായിരുന്നു. അസ്വാഭാവികമായ ഒന്നും അവരുടെ ശ്രദ്ധയിൽെപട്ടിട്ടില്ല. മരണകാരണം അറിയണമെന്നാവശ്യപ്പെട്ട്​ രോഗിയുടെ ബന്ധുക്കൾ പരാതി തന്നിട്ടുണ്ട്. അതി​​െൻറ ഭാഗമായാണ്​ മൃതദേഹം പോസ്​റ്റ്​ മോർട്ടത്തിനായി പരിയാരം മെഡിക്കൽ കോളജിലേക്ക്​ കൊണ്ടുപോയത്​ ^അദ്ദേഹം പറഞ്ഞു.