‘ബ്രാഹ്മണരുടെ ഷെഡിൽ എത്ര ദലിത് ശവശരീരങ്ങൾ ഇറക്കിവെച്ചിട്ടുണ്ടെന്ന് ഒന്നന്വേഷിക്കണേ?’; പൊ​തു​ശ്മ​ശാ​ന​ വിവാദത്തിൽ പാ​ല​ക്കാ​ട് ന​ഗ​ര​സ​ഭ അധ്യക്ഷ

പാലക്കാട്: പാ​ല​ക്കാ​ട് മാ​ട്ടു​മ​ന്ത പൊ​തു​ശ്മ​ശാ​ന​ത്തി​ൽ എ​ൻ.​എ​സ്.​എ​സ് വ​ലി​യ​പാ​ടം ക​ര​യോ​ഗ​ത്തി​ന് ഷെ​ഡ് നി​ർ​മി​ക്കാ​ൻ 20 സെ​ന്റ് ന​ൽ​കിയതിനെ തുടർന്നുണ്ടായ വിവാദത്തിൽ പ്രതികരിച്ച് ന​ഗ​ര​സ​ഭ അധ്യക്ഷ പ്രമീള ശശിധരൻ. ആറേമുക്കാൽ ഏക്കർ സ്ഥലമാണുള്ളതെന്നും അതിൽ 20 സെന്‍റ് ആണ് എൻ.എസ്.എസിന് ഷെഡ് നി​ർ​മി​ക്കാ​ൻ അനുവദിച്ചതെന്നും പ്രമീള ശശിധരൻ പറഞ്ഞു.

സാമൂഹ്യ വിരുദ്ധരുടെ ശല്യം ഒഴിവാക്കാനാണ് മതിലുകെട്ടുന്നത്. അതിൽ ബോർവെൽ കുഴിക്കുന്നുണ്ട്. മോട്ടോർ ഉപയോഗിക്കുന്നുണ്ട്. അതൊന്നും ആരും എടുത്തോണ്ട് പോകാതിരിക്കാനാണ് മതിലുകെട്ടുന്നത്. ജാതിമതഭേദമന്യേ ആർക്കും ഷെഡ് ഉപയോഗിക്കാം. എൻ.എസ്.എസിന് മാത്രമല്ല, ബ്രാഹ്മിൻ സമുദായത്തിനും നെടുങ്ങാടി സമുദായത്തിനും അനുമതി നൽകിയിട്ടുണ്ട്. ഏത് സമുദായത്തിന് വേണമെങ്കിലും അനുവാദം കൊടുക്കും.

ബ്രാഹ്മണരുടെ ഷെഡിലെത്ര ദലിത് ശവശരീരങ്ങൾ ഇറക്കി വച്ചിട്ടുണ്ടെന്ന് ഒന്നന്വേഷിക്കണേ‍‍?. അല്ലെങ്കിൽ വേണ്ട നായർ ശവശരീരങ്ങളെത്ര അവിടെ ഇറക്കി വച്ചിട്ടുണ്ടെന്ന് അന്വേഷിക്ക്. ശവസംസ്കാരത്തിനും വിവാഹത്തിനും ഏറ്റവും കൂടുതൽ ഇടകലരുന്ന ഒരു പുരോഗമന സമൂഹമാണ് അവർ. അതറിയാത്ത ഒരാളും ഈ നാട്ടിൽ കാണില്ല. എൻ.എസ്.എസ് മതിൽ നിർമിച്ചത് കൊണ്ട് ഇത് ചർച്ചയായി.

ഷെഡ് കെട്ടുന്ന വിവരം അറിഞ്ഞ ഉടൻ തന്നെ ഇടപെടുകയും എൻ.എസ്.എസിന്‍റെ സ്പോൺസർഷിപ്പിൽ നഗരസഭ നിർമിച്ചു തരാമെന്ന് അറിയിക്കുകയും ചെയ്തു. താൽകാലികമായി നിർമാണം നിർത്തിവെച്ചിരിക്കുകയാണെന്നും അടുത്തയാഴ്ച നഗരസഭയുടെ നേതൃത്വത്തിൽ നിർമാണ പ്രവർത്തനങ്ങൾ പുനരാരംഭിക്കുമെന്നും പ്രമീള ശശിധരൻ ചാനൽ ചർച്ചയിൽ വ്യക്തമാക്കി.

പാ​ല​ക്കാ​ട് മാ​ട്ടു​മ​ന്ത പൊ​തു​ശ്മ​ശാ​ന​ത്തി​ൽ എ​ൻ.​എ​സ്.​എ​സ് വ​ലി​യ​പാ​ടം ക​ര​യോ​ഗ​ത്തി​ന് ഷെ​ഡ് നി​ർ​മി​ക്കാ​ൻ 20 സെ​ന്റ് ന​ൽ​കിയ നഗരസഭ നടപടിയാണ് വിവാദത്തിന് വഴിവെച്ചത്. 2023 സെ​പ്റ്റം​ബ​ർ 15ന് ​സം​സ്കാ​ര​ക്രി​യ ചെ​യ്യാ​ൻ 10 സെ​ന്റ് ചോ​ദി​ച്ച ക​ര​യോ​ഗം യൂ​നി​റ്റി​ന് ര​ണ്ടാ​ഴ്ച​ക്കു​ള്ളി​ൽ അ​ജ​ണ്ട​യി​ൽ ഉ​ൾ​പ്പെ​ടു​ത്തി ചോ​ദി​ച്ച​തി​ന്റെ ഇ​ര​ട്ടി​സ്ഥ​ലം ന​ൽ​കാ​ൻ പാ​ല​ക്കാ​ട് ന​ഗ​ര​സ​ഭ അ​നു​മ​തി ന​ൽ​കു​ക​യാ​യി​രു​ന്നു.

ഷെ​ഡ് പ​ണി​യു​ക മാ​ത്ര​മ​ല്ല, പൊ​തു​ശ്മ​ശാ​ന​ത്തി​ൽ മ​തി​ൽ കെ​ട്ടി​ത്തു​ട​ങ്ങു​ക​യും ചെ​യ്ത​തോ​ടെ​യാ​ണ് ‘ ജാ​തി തി​രി​ച്ച്’ ന​ൽ​കി​യ ശ്മ​ശാ​ന ഭൂ​മി വി​വാ​ദ​മാ​യ​ത്. നേ​ര​ത്തേ ​ശ്മ​ശാ​ന​ത്തി​ൽ ബ്രാ​ഹ്മ​ണ​ർ സം​സ്കാ​ര​ക്രി​യ ചെ​യ്യാ​ൻ പ്ര​ത്യേ​ക ​സ്ഥ​ലം ഉ​പ​യോ​ഗി​ച്ചി​രു​ന്നു. ഇ​ത് ചൂ​ണ്ടി​ക്കാ​ണി​ച്ചാ​ണ് എ​ൻ.​എ​സ്.​എ​സ് യൂ​നി​റ്റ് അ​പേ​ക്ഷ ന​ൽ​കി​യ​ത്.

വി​വി​ധ ജാ​തി-​മ​ത​വി​ഭാ​ഗ​ങ്ങ​ൾ​ക്ക് പൊ​തു​ശ്മ​ശാ​ന​ത്തി​ൽ അ​തി​രു​ക​ൾ നി​ശ്ച​യി​ച്ച് ന​ൽ​കു​ന്ന​തി​നെ​തി​രെ പൊ​തു​പ്ര​വ​ർ​ത്ത​ക​ർ രം​ഗ​ത്തെ​ത്തി. പൊ​തു​ശ്മ​ശാ​ന​ത്തി​ൽ അ​തി​ര് നി​ശ്ച​യി​ച്ച് ന​ൽ​കു​ന്ന​ത് വി​പ​രീ​ത​ഫ​ലം ചെ​യ്യു​മെ​ന്ന് പൊ​തു​പ്ര​വ​ർ​ത്ത​ക​ൻ ബോ​ബ​ൻ മാ​ട്ടു​മ​ന്ത പ​റ​ഞ്ഞു. ജാ​തി സ​മ്പ്ര​ദാ​യ​ത്തി​ലേ​ക്ക് തി​രി​ച്ചു​ പോ​ക്കി​ന് അ​ത് കാ​ര​ണ​മാ​കും. ന​ഗ​ര​സ​ഭ തീ​രു​മാ​നം പു​നഃപ​രി​ശോ​ധി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

അതേസമയം, ഒ​രു ജാ​തി​ക്കാ​ർ​ക്കു മാ​ത്ര​മാ​യി പൊ​തു​ശ്മ​ശാ​നം വീ​തി​ച്ചു​ന​ൽ​കി​യെ​ന്ന പ്ര​ചാ​ര​ണം തെ​റ്റി​ദ്ധാ​ര​ണ​ജ​ന​ക​മെ​ന്ന് പാ​ല​ക്കാ​ട് ന​ഗ​ര​സ​ഭ വൈ​സ് ചെ​യ​ർ​മാ​ൻ അ​ഡ്വ. ​ഇ. ​കൃ​ഷ്ണ​ദാ​സ് പ​റ​ഞ്ഞു. ന​ഗ​ര​സ​ഭ​യോ​ഗ​ത്തി​ൽ എ​ടു​ത്ത തീ​രു​മാ​ന​മാ​ണി​ത്. സം​സ്കാ​ര​ച്ച​ട​ങ്ങു​ക​ൾ ന​ട​ത്തു​മ്പോ​ൾ മ​ഴ ന​ന​യാ​തി​രി​ക്കാ​ൻ ഷെ​ഡ് നി​ർ​മി​ക്കാ​നും ​കു​ഴ​ൽ​കി​ണ​ർ കു​ഴി​ക്കാ​നു​മാ​യി​രു​ന്നു എ​ൻ.​എ​സ്.​എ​സ് അ​പേ​ക്ഷ ന​ൽ​കി​യ​ത്. അ​ത് ഒ​രു സ​മു​ദാ​യ​ത്തി​നു മാ​ത്രം വേ​ണ്ടി​യാ​യി​രു​ന്നി​ല്ല. ചു​റ്റു​മ​തി​ൽ കെ​ട്ടു​ന്ന​ത് സം​ര​ക്ഷ​ണ​ത്തി​നാ​ണെന്നും അദ്ദേഹം വ്യക്തമാക്കി.

Palakkad Municipality, NSS, public crematorium, land allocation, public crematorium, പാലക്കാട് നഗരസഭ