ഗണേഷ്​ കുമാറിൻെറ വസതി വളഞ്ഞ്​ അറസ്​റ്റ്​; പ്രദീപ്​ പിടിയിലായത്​ പു​ല​ര്‍ച്ച 4.30 ഓ​ടെ

പ​ത്ത​നാ​പു​രം: ന​ടി​യെ ആ​ക്ര​മി​ച്ച സം​ഭ​വ​ത്തി​ല്‍ മാ​പ്പു​സാ​ക്ഷി​യാ​യ വി​പി​ന്‍ലാ​ലി​നെ ഭീ​ഷ​ണി​പ്പെ​ടു​ത്തി​യ കേ​സി​ല്‍ പ്രതി പ്ര​ദീ​പ്​കുമാ​റിനെ പൊലീസ്​ അറസ്​റ്റ്​ ചെയ്​തത്​ സിനിമാസ്​റ്റൈലിൽ. കെ.​ബി. ഗ​ണേ​ഷ് കു​മാ​ർ എം.​എ​ൽ.​എ​യു​ടെ ഓ​ഫി​സ് സെ​ക്ര​ട്ട​റിയായ പ്ര​ദീ​പ്​കുമാ​റിനെ എം.എൽ.എയുടെ വീട്​വളഞ്ഞാണ്​ പൊലീസ്​ പിടികൂടിയത്​. ചൊ​വ്വാ​ഴ്​​ച പു​ല​ര്‍ച്ച 4.30 ഓ​ടെ​യാ​യി​രു​ന്നു അ​റ​സ്​​റ്റ്.

പേ​ഴ്സ​ന​ല്‍ സ്​​റ്റാ​ഫി​ല്‍നി​ന്ന് പ്ര​ദീ​പ് ​കുമാ​റി​നെ പു​റ​ത്താ​ക്കി​യ​താ​യി ഗ​ണേ​ഷ് കു​മാ​ര്‍ പ​റ​ഞ്ഞെങ്കിലും അദ്ദേഹത്തിൻെറ വസതിയിലായിരുന്നു താമസിച്ചിരുന്നത്​. പ്ര​ദീ​പിനെ പിടിക്കാൻ സഹായം തേടി കാസർകോട് ബേ​ക്ക​ല്‍ പൊ​ലീ​സ് ​ രാ​ത്രി ഒ​ന്ന​ര​ക്കാണ്​ പ​ത്ത​നാ​പു​രം പൊലീസ്​ സ്​​റ്റേ​ഷ​നി​ലെ​ത്തിയത്​. തു​ട​ര്‍ന്ന് എം.​എ​ൽ.​എ​യു​ടെ പ​ത്ത​നാ​പു​രം മ​ഞ്ച​ള്ളൂ​രി​ലെ വ​സ​തി​ വളഞ്ഞ്​ പ്ര​ദീ​പി​നെ അ​റ​സ്​​റ്റ് ചെ​യ്യു​ക​യാ​യി​രു​ന്നു. പി​ന്നാ​ലെ സ്വ​കാ​ര്യ​വാ​ഹ​ന​ത്തി​ല്‍ കാ​സ​ർ​കോ​ടേ​ക്ക്​ കൊ​ണ്ടു​പോ​യി.

പ്ര​ദീ​പി​െൻറ മു​ൻ‌​കൂ​ർ ജാ​മ്യാ​പേ​ക്ഷ കാ​സ​ർ​കോ​ട് ജി​ല്ല സെ​ഷ​ൻ​സ്​ കോ​ട​തി ക​ഴി​ഞ്ഞ​ദി​വ​സം ത​ള്ളി​യി​രു​ന്നു. ഇ​തി​ന്​ പി​ന്നാ​ലെ​യാ​ണ് ര​ഹ​സ്യ​മാ​യി ന​ട​പ​ടി പൂ​ര്‍ത്തി​യാ​ക്കി​ അ​റ​സ്​​റ്റ്. ബേ​ക്ക​ല്‍ സി.​ഐ രാ​ജേ​ഷിെൻറ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘ​മാ​ണ് അ​റ​സ്​​റ്റി​ന് നേ​തൃ​ത്വം ന​ല്‍കി​യ​ത്.

കേ​സി​ലെ പ്ര​തി​യാ​യ ന​ട​ൻ ദി​ലീ​പി​ന് അ​നു​കൂ​ല​മാ​യി മൊ​ഴി ന​ൽ​ക​ണ​മെ​ന്നാ​വ​ശ്യ​പ്പെ​ട്ട് ജ​നു​വ​രി 24ന് ​പ്ര​ദീ​പ് കാ​സ​ർ​കോ​ടെ​ത്തി വി​പി​ൻ​ലാ​ലി​നെ നേ​രി​ട്ട് ക​ണ്ടി​രു​ന്നു. ഫോ​ണി​ലൂ​ടെ​യും ക​ത്തു​ക​ളി​ലൂ​ടെ​യും ഭീ​ഷ​ണി തു​ട​ര്‍ന്നു. ദി​ലീ​പി​ന് അ​നു​കൂ​ല​മാ​യി മൊ​ഴി ന​ല്‍ക​ണ​മെ​ന്ന ആ​വ​ശ്യം ശ​ക്ത​മാ​യ​പ്പോ​ഴാ​ണ് വി​പി​ന്‍ലാ​ല്‍ ബേ​ക്ക​ല്‍ പൊ​ലീ​സി​ല്‍ പ​രാ​തി ന​ല്‍കി​യ​ത്‌. പൊ​ലീ​സ് സി.​സി.​ടി.​വി ദൃ​ശ്യ​ങ്ങ​ളും പ്ര​ദീ​പ് താ​മ​സി​ച്ച ലോ​ഡ്ജി​ല്‍നി​ന്നു​ള്ള വി​വ​ര​ങ്ങ​ളും ശേ​ഖ​രി​ച്ചിരുന്നു.