കൺവീനർ സ്​ഥാനത്ത്​ തുടരാൻ പ്രാപ്​തനെന്ന്​ പി.പി. തങ്കച്ചൻ

കൊച്ചി: യു.ഡി.എഫ്​ കൺവീനർ സ്​ഥാനത്ത്​ തുടരാൻ പ്രാപ്​തനെന്ന്​ പി.പി. തങ്കച്ചൻ. എന്നാൽ, നേതൃത്വം പറഞ്ഞാൽ മാറിനിൽക്കും. പി.ജെ. കുര്യൻ വീണ്ടും രാജ്യസഭയിൽ എത്താൻ ശ്രമിക്കുന്ന സാഹചര്യത്തിൽ മുതിർന്ന നേതാക്കൾ വഴിമാറണമെന്ന ആവശ്യവുമായി കോൺഗ്രസി​െല യുവനേതാക്കൾ ഉയർത്തിയ കലാപം വ്യാപിക്കുന്നതിനിടെയാണ്​ തങ്കച്ചൻ നിലപാട്​ വ്യക്​തമാക്കിയത്​. 

കൺവീനർ സ്​ഥാനത്ത്​ തുടരാൻ തനിക്ക്​ ആരോഗ്യപ്രശ്​നങ്ങൾ ഇല്ലെന്ന്​ തങ്കച്ചൻ പറഞ്ഞു. ഒാർമക്കുറവോ മറ്റുബുദ്ധിമുട്ടുകളോ ഇല്ല. യുവ​നേതാക്കളുടെ വിമർശനത്തോടുള്ള പ്രതികരണം ബന്ധപ്പെട്ട വേദികളിൽ പറയുമെന്നും അദ്ദേഹം വ്യക്​തമാക്കി. കെ.പി.സി.സി പ്രസിഡൻറ്​, യു.ഡി.എഫ്​ കൺവീനർ സ്​ഥാനങ്ങളിലേക്ക്​ പറഞ്ഞുകേൾക്കുന്ന കെ. സുധാകരൻ വീട്ടിലെത്തി കണ്ടതിനുപിന്നാലെയാണ്​ തങ്കച്ച​​​​െൻറ പ്രതികരണം. 

ഞായറാഴ്​ച ഉച്ചയോടെയാണ്​ സുധാകരൻ പെരുമ്പാവൂരിൽ തങ്കച്ച​​​​െൻറ വീട്ടിലെത്തിയത്​. രാഷ്​ട്രീയ കൂടിക്കാഴ്​ചയല്ലെന്നായിരുന്നു മാധ്യമപ്രവർത്തകരോട്​ ഇരുനേതാക്കളുടെയും പ്രതികരണം. പെരുമ്പാവൂർ വഴി പോയപ്പോൾ കാണാൻ കയറിയതേ ഉള്ളൂവെന്ന്​ സുധാകരൻ പറഞ്ഞു. തനിക്ക്​ പ്രായമായതായി തോന്നുന്നില്ലെന്നും ഏതുസ്ഥാനം കിട്ടിയാലും സ്വീകരിക്കുമെന്നും നേര​േത്ത യുവാക്കളുടെ ആവശ്യത്തെ പിന്തുണച്ച സുധാകരൻ പറഞ്ഞു.കെ.പി.സി.സി പ്രസിഡൻറ്​ സ്​ഥാനത്തേക്ക്​ പിന്തുണ​ തേടിയാണ്​ സുധാകര​​​​െൻറ വരവെന്നും സംശയിക്കുന്നുണ്ട്​.