Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightയാഥാർഥ്യങ്ങളോട്​...

യാഥാർഥ്യങ്ങളോട്​ കണ്ണടച്ചിട്ട്​ കാര്യമില്ല; ബി.ജെ.പി 15 വർഷം പിറകോട്ട്​ പോയെന്ന്​ പി.പി മുകുന്ദൻ

text_fields
bookmark_border
PP Mukundan
cancel

കോഴിക്കോട്​: കേരളത്തിലെ ബി.ജെ.പി നേതൃത്വത്തിനെതിരെ രൂക്ഷ പ്രതികരണവുമായി മുതിർന്ന നേതാവ്​ പി.പി മുകുന്ദൻ. ഉടനെ ഇടപെടണമെന്നാവശ്യപ്പെട്ട്​ അദ്ദേഹം ​കേന്ദ്ര നേതൃത്വത്തിന്​ കത്തയച്ചു. ഇടപെടൽ എത്ര വൈകുന്നുവോ അത്രയും ആഘാതം വർധിക്കുമെന്ന്​ അദ്ദേഹം കത്തിൽ ചൂണ്ടികാട്ടി.

യാഥാർഥ്യങ്ങളോട്​ കണ്ണടച്ചിട്ട്​ കാര്യമില്ലെന്ന്​ അദ്ദേഹം കത്തിൽ പറഞ്ഞു. കേരളത്തിൽ ബി.ജെ.പി 15 വർഷം പിറകോട്ട്​ പോയിട്ടുണ്ട്​. അച്ചടക്കമുള്ള ധാരാളം അണികളുണ്ടായിട്ടും പാർട്ടിക്ക്​ അത്​ വോട്ടാക്കി മാറ്റാനാകുന്നില്ല. ഇത്​ ഗൗരവമായി ചർച്ച ചെയ്യണമെന്ന്​ അദ്ദേഹം ആവശ്യപ്പെട്ടു.

എല്ലാ അർഥത്തിലും വഞ്ചന കാണിക്കുന്ന ഇപ്പോഴത്തെ നേതൃത്വത്തോട്​ ബലിദാനികൾ ഒരിക്കലും പൊറുക്കില്ലെന്നും അദ്ദേഹം പറഞ്ഞു. പാർട്ടിയുടെ ഉന്നമനത്തിന്​ ആരോഗ്യകരമായ ചർച്ചകൾക്ക്​ ഒരുക്കമാണെന്നും ബി​.ജെ.പി അഖിലേന്ത്യ സംഘടനാ സെക്രട്ടറി ബി.എൽ. സന്തോഷിനയച്ച കത്തിൽ മുകുന്ദൻ ചൂണ്ടികാട്ടി.

Show Full Article
TAGS:BJP pp mukundan 
News Summary - PP Mukundan Writes To Central Leadership
Next Story