അറസ്റ്റ് ചെയ്യാനുള്ള പൊലീസിന്റെ അധികാരം പ്രതികളെ ഉപദ്രവിക്കാനും ശിക്ഷിക്കാനും വേണ്ടിയുള്ളതല്ല -ഹൈകോടതി

കൊ​ച്ചി: പ്ര​തി​ക​ളെ അ​റ​സ്റ്റ് ചെ​യ്യാ​നു​ള്ള അ​ധി​കാ​രം അ​വ​രെ ഉ​പ​ദ്ര​വി​ക്കാ​നും ശി​ക്ഷി​ക്കാ​നും വേ​ണ്ടി​യു​ള്ള​ത​ല്ലെ​ന്ന് ഹൈ​കോ​ട​തി. ഏ​ഴു വ​ർ​ഷ​ത്തി​ൽ താ​ഴെ ത​ട​വു ശി​ക്ഷ ല​ഭി​ക്കാ​വു​ന്ന കേ​സു​ക​ളി​ൽ അ​റ​സ്റ്റി​ന്​ മു​മ്പ് ക്രി​മി​ന​ൽ ന​ട​പ​ടി ച​ട്ട​ത്തി​ലെ വകുപ്പ് 41 പ്ര​കാ​രം മു​ൻ​കൂ​ർ നോ​ട്ടീ​സ് ന​ൽ​ക​ണ​മെ​ന്ന് സു​പ്രീം കോ​ട​തി വ്യ​ക്ത​മാ​ക്കി​യി​ട്ടു​ണ്ട്. വാ​റ​ന്റി​ല്ലാ​തെ അ​റ​സ്റ്റ് ചെ​യ്യാ​ൻ ക​ഴി​യു​ന്ന സാ​ഹ​ച​ര്യ​ങ്ങ​ൾ ഏ​തൊ​ക്കെ​യെ​ന്നും ക്രി​മി​ന​ൽ ന​ട​പ​ടി ച​ട്ട​ത്തി​ൽ വി​ശ​ദീ​ക​രി​ച്ചി​ട്ടു​ണ്ട്. ഇ​വ പാ​ലി​ച്ച് ന​ട​പ​ടി​യെ​ടു​ക്ക​ണം.

അ​ന്വേ​ഷ​ണ ഉ​ദ്യോ​ഗ​സ്ഥ​ർ കോ​ട​തി​യു​ത്ത​ര​വ്​ പാ​ലി​ക്കാ​ത്ത​ത് കോ​ട​തി​ക​ളു​ടെ​യും നീ​തി നി​ർ​വ​ഹ​ണ സം​വി​ധാ​ന​ത്തി​ന്റെ​യും അ​ന്ത​സ്സ്​ കെ​ടു​ത്തു​ന്ന ന​ട​പ​ടി​യാ​ണെ​ന്നും ജ​സ്റ്റി​സ് എ.​കെ. ജ​യ​ശ​ങ്ക​ര​ൻ ന​മ്പ്യാ​ർ, ജ​സ്‌​റ്റി​സ് സി.​പി. മു​ഹ​മ്മ​ദ് നി​യാ​സ് എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ ചൂ​ണ്ടി​ക്കാ​ട്ടി. സു​പ്രീം കോ​ട​തി​യു​ടെ മാ​ർ​ഗ നി​ർ​ദേ​ശ​ങ്ങ​ളും മു​ൻ​കൂ​ർ ജാ​മ്യാ​പേ​ക്ഷ​യി​ലെ കോ​ട​തി ന​ട​പ​ടി​ക​ളും മാ​നി​ക്കാ​തെ അ​റ​സ്റ്റ് ചെ​യ്ത‌​ത് നി​യ​മ​വി​രു​ദ്ധ​മാ​ണെ​ന്നാ​രോ​പി​ച്ച് തൃ​ശൂ​ർ ഒ​ല്ലൂ​ക്ക​ര സ്വ​ദേ​ശി മു​ഹ​മ്മ​ദ് റാ​ഫി ന​ൽ​കി​യ കോ​ട​തി​യ​ല​ക്ഷ്യ ഹ​ര​ജി​യി​ലാ​ണ്​ നി​ർ​ദേ​ശ​ങ്ങ​ൾ.

തൃ​ശൂ​ർ വ​ട​ക്കാ​ഞ്ചേ​രി സ്റ്റേ​ഷ​നി​ലെ ഇ​ൻ​സ്​​പെ​ക്ട​ർ എം.​വി. സ​തീ​ഷ് കു​മാ​ർ വി​ശ്വാ​സ വ​ഞ്ച​ന ​കേ​സി​ൽ മാ​ർ​ഗ നി​ർ​​ദേ​ശ​ങ്ങ​ൾ പാ​ലി​ക്കാ​തെ ത​ന്നെ അ​റ​സ്റ്റ്​ ചെ​യ്തെ​ന്നാ​രോ​പി​ച്ചാ​ണ്​ ഹ​ര​ജി​ക്കാ​ര​ൻ കോ​ട​തി​യെ സ​മീ​പി​ച്ച​ത്. സെ​ഷ​ൻ​സ് കോ​ട​തി​യി​ലെ മു​ൻ​കൂ​ർ ജാ​മ്യാ​പേ​ക്ഷ​യി​ൽ ത​നി​ക്കെ​തി​രെ കേ​സെ​ടു​ത്തി​ട്ടി​ല്ലെ​ന്നാ​യി​രു​ന്നു പൊ​ലീ​സ് വി​ശ​ദീ​ക​രി​ച്ച​ത്. ഇ​ത്​ രേ​ഖ​പ്പെ​ടു​ത്തി കോ​ട​തി മു​ൻ​കൂ​ർ ജാ​മ്യ ഹ​ര​ജി തീ​ർ​പ്പാ​ക്കി​യ​ശേ​ഷ​മാ​ണ്​ അ​റ​സ്റ്റ് ചെ​യ്ത​ത്. കോ​ട​തി ഹ​ര​ജി തീ​ർ​പ്പാ​ക്കി​യ​ത് 2018 ലാ​ണെ​ന്നും അ​റ​സ്റ്റ് ചെ​യ്ത​ത് 2022 ലാ​ണെ​ന്നു​മാ​യി​രു​ന്നു അ​ന്വേ​ഷ​ണ ഉ​ദ്യോ​ഗ​സ്ഥ​ന്‍റെ വി​ശ​ദീ​ക​ര​ണം.

എ​ന്നാ​ൽ, അ​ർ​ണേ​ഷ് കു​മാ​ർ കേ​സി​ൽ അ​റ​സ്റ്റി​നെ​ക്കു​റി​ച്ച്​ സു​പ്രീം കോ​ട​തി ന​ൽ​കി​യ മാ​ർ​ഗ നി​ർ​ദേ​ശ​ങ്ങ​ൾ ഉ​ദ്യോ​ഗ​സ്​​ഥ​ൻ പാ​ലി​ച്ചി​ല്ലെ​ന്ന് കോ​ട​തി ചൂ​ണ്ടി​ക്കാ​ട്ടി. മ​ന​പ്പൂ​ർ​വം വീ​ഴ്ച വ​രു​ത്തി​യ​ത​ല്ലെ​ന്ന്​ വ്യ​ക്ത​മാ​ക്കി ഉ​ദ്യോ​ഗ​സ്ഥ​ൻ ഖേ​ദം പ്ര​ക​ടി​പ്പി​ച്ച​തോ​ടെ കോ​ട​തി​യ​ല​ക്ഷ്യ ന​ട​പ​ടി അ​വ​സാ​നി​പ്പി​ച്ചു. പൊ​ലീ​സ് ജ​യി​ലി​ല​ട​ച്ച​തി​ന് ന​ഷ്ട​പ​രി​ഹാ​രം ആ​വ​ശ്യ​മെ​ങ്കി​ൽ നി​യ​മ ന​ട​പ​ടി ഹ​ര​ജി​ക്കാ​ര​ന്​ സ്വീ​ക​രി​ക്കാ​മെ​ന്നും കോ​ട​തി വ്യ​ക്ത​മാ​ക്കി.