സംസ്ഥാനത്ത്​ ഇന്നും വൈദ്യുതി നിയന്ത്രണം

തിരുവന്തപുരം: തിത്​ലി ചുഴലിക്കാറ്റ്​ മൂലമുണ്ടായ വൈദ്യുതി പ്രതിസന്ധി സംസ്ഥാനത്ത്​ ഇന്നും തുടരും. ഇതേ തുടർന് ന്​ വൈകുന്നേരം ആറ്​ മുതൽ രാത്രി 11 വരെ അരമണിക്കൂറിൽ കുറയാതെ വൈദ്യുതി നിയന്ത്രണം ഏർപ്പെടുത്തുമെന്ന്​ കെ.എസ്​.ഇ.ബി അറിയിച്ചു.

സര്‍‍ക്കാര്‍ മെഡിക്കല്‍കോളേജുകള്‍, ജില്ലാ ആശുപത്രികള്‍, വാട്ടര്‍ അതോറിറ്റിയുടെ പ്രധാന പമ്പ് ഹൗസുകള്‍ എന്നിവയെ നിയന്ത്രണത്തില്‍നിന്നും ഒഴിവാക്കാന്‍ ശ്രമിക്കുന്നുണ്ടെന്നും കെ.എസ്​.ഇ.ബി അറിയിച്ചു.

തിത്​ലി ചുഴലിക്കാറ്റ്​ ​മൂലം കേരളത്തിലേക്ക്​ വൈദ്യുതി എത്തിക്കുന്ന താല്‍ച്ചര്‍ - കോളാര്‍ 500 കെ.വി ഡി.സി ലൈനും അങ്കൂള്‍-ശ്രീകാകുളം 765 കെ.വി ലൈനുമാണ്​ തകരാറിലായത്​. ഇതേ തുടർന്ന്​, സംസ്ഥാനത്തിന്​ ലഭിക്കേണ്ട വൈദ്യുതിയിൽ 800 മെഗാവാട്ടി​​​െൻറ കുറവുണ്ടായിട്ടുണ്ട്​. ഇതിനാലാണ്​ വൈദ്യുതി നിയന്ത്രണം ഏർപ്പെടുത്തുന്നതെന്നും കെ.എസ്​.ഇ.ബി വ്യക്​തമാക്കി.