റിഫ മെഹ്നുവി​​െൻറ പോസ്റ്റ്മോർട്ടം റിപ്പോർട്ട് ഇന്ന് ലഭിച്ചേക്കും

കാക്കൂർ: ദുബൈയിൽ ദുരൂഹ സാഹചര്യത്തിൽ തൂങ്ങിമരിച്ച നിലയിൽ കണ്ടെത്തിയ യൂട്യൂബർ റിഫ മെഹ്‍നുവിന്‍റെ പോസ്റ്റ്മോർട്ടം റിപ്പോർട്ട് ചൊവ്വാഴ്ച ലഭിച്ചേക്കും. അതേസമയം, ഫോറൻസിക് വിഭാഗം റിഫയുടെ ആന്തരികാവയവങ്ങൾ രാസപരിശോധനക്ക് അയച്ചതിന്റെ ഫലം കിട്ടാൻ ഇനിയും രണ്ടു ദിവസം കഴിയും. പാവണ്ടൂർ ജുമാ മസ്ജിദിലെ ഖബർസ്ഥാനിൽനിന്ന് റിഫയുടെ മൃതദേഹം കഴിഞ്ഞ ശനിയാഴ്ച പുറത്തെടുത്തപ്പോൾ നടത്തിയ ഇൻക്വസ്റ്റിൽ കഴുത്തിൽ പാട് കണ്ടെത്തിയിരുന്നു.

ഇത് മർദനമേറ്റാണോ എന്ന് പരിശോധനയിൽ വ്യക്തമാകുമെന്നാണ് പൊലീസിന്റെ പ്രതീക്ഷ. മാര്‍ച്ച് ഒന്നിന് രാത്രിയായിരുന്നു ദുബൈയിലെ ഫ്ലാറ്റില്‍ റിഫയെ ആത്മഹത്യ ചെയ്ത നിലയില്‍ കണ്ടെത്തിയത്.