Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightതദ്ദേശ തെരഞ്ഞെടുപ്പ്​: ...

തദ്ദേശ തെരഞ്ഞെടുപ്പ്​: കോവിഡ്​ രോഗികൾക്കും കിടപ്പുരോഗികൾക്കും​ തപാൽ ​വോട്ട്

text_fields
bookmark_border
തദ്ദേശ തെരഞ്ഞെടുപ്പ്​: കോവിഡ്​ രോഗികൾക്കും കിടപ്പുരോഗികൾക്കും​ തപാൽ ​വോട്ട്
cancel

തിരുവനന്തപുരം: തദ്ദേശ തെരഞ്ഞെടുപ്പിൽ കോവിഡ്​ രോഗികൾക്കും കിടപ്പു രോഗികൾക്കും തപാൽ വോട്ട്​ ചെയ്യുന്നതിനുള്ള ഓർഡിനൻസിന്​ മന്ത്രിസഭയുടെ അംഗീകാരം. തെരഞ്ഞെടുപ്പ്​ സമയം ഒരു മണിക്കൂർ കൂട്ടാനും തീരുമാനിച്ചു. നിലവിൽ ഏഴു മുതൽ അഞ്ചു മണിവരെയാണ്​ വോ​ട്ടെടുപ്പ്​. അത്​ വൈകീട്ട്​ ആറു മണിവരെയാക്കി.

പഞ്ചായത്ത്‌രാജ്, മുനിസിപ്പാലിറ്റി നിയമങ്ങളില്‍ ഭേദഗതി വരുത്തിക്കൊണ്ടാണ് ഓര്‍ഡിനന്‍സ് ഇറക്കുന്നത്. കോവിഡ്​ രോഗികൾക്കും ശാരീരിക അവശതയുള്ളവർക്കും തപാൽ വോട്ട്​ ചെയ്യാം. നിശ്ചിതദിവസത്തിനുള്ളിൽ തപാൽ വോട്ടിന്​ അപേക്ഷിക്കണമെന്നാണ്​ വ്യവസ്ഥ. എന്നാൽ അതിന്​ ശേഷം രോഗം സ്ഥിരീകരിക്കുന്നവർക്ക്​ ഏങ്ങനെ വോട്ട്​ ചെയ്യാനാകുമെന്ന്​ തെരഞ്ഞെടുപ്പ്​ കമീഷന്​ തീരുമാനിക്കാമെന്ന നിലപാടാണ്​​ മന്ത്രിയോഗം സ്വീകരിച്ചത്​.

കോവിഡ്​ സാഹചര്യത്തിൽ സർക്കാർ ജീവനക്കാരിൽ നിന്നും പിടിച്ച ശമ്പളം പി.എഫിൽ ലയിപ്പിക്കാനും മന്ത്രിസഭായോഗം തീരുമാനിച്ചു. ഒരു മാസത്തെ ശമ്പളം അഞ്ചുമാസമായി സർക്കാർ പിടിച്ചിരുന്നു. ഒമ്പതു ശതമാനം പലിശയോടെ പി.എഫിൽ ലയിപ്പിക്കുന്ന ഈ തുക ഏപ്രിൽ മാസത്തിൽ പിൻവലിക്കാം.

സർക്കാർ ജീവനക്കാർക്ക്​ ശമ്പളമില്ലാതെ അവധി നൽകുന്നത്​ അഞ്ചു വർഷമായി കുറച്ചു. നിലവിൽ​ 20 വർഷമായിരുന്നു ശമ്പളമില്ലാതെ അവധി നൽകിയിരുന്നത്​. ശ്രീനാരായണ ഓപ്പൺ സർവകലാശാല രൂപീകരണത്തിനുള്ള ഓർഡിൻസിനും മന്ത്രിസഭ അംഗീകാരം നൽകി.

Show Full Article
TAGS:Postal vote Local body election Kerala Govt 
Next Story