Begin typing your search above and press return to search.
proflie-avatar
Login
exit_to_app
exit_to_app
postal vote
cancel
Homechevron_rightNewschevron_rightKeralachevron_rightതപാൽ വോട്ട്​​:...

തപാൽ വോട്ട്​​: അച്ചടിച്ച ബാലറ്റുകളുടെ വിശദാംശംതേടി സ്ഥാനാർഥികൾ തെരഞ്ഞെടുപ്പ്​ കമീഷനിൽ

text_fields
bookmark_border

തി​രു​വ​ന​ന്ത​പു​രം: ത​പാ​ല്‍ വോ​ട്ടു​ക​ളി​ലെ ത​ട്ടി​പ്പ്​ സം​ബ​ന്ധി​ച്ച്​ വ്യാ​പ​ക പ​രാ​തി ഉ​യ​രു​ന്ന​തി​നി​ടെ അ​ച്ച​ടി​ച്ച ബാ​ല​റ്റു​ക​ളു​ടെ ക​ണ​ക്ക്​ തേ​ടി യു.​ഡി.​എ​ഫ്​ സ്ഥാ​നാ​ർ​ഥി​ക​ൾ തെ​ര​ഞ്ഞെ​ടു​പ്പ്​ ക​മീ​ഷ​നെ സ​മീ​പി​ച്ചു. കു​ണ്ട​റ​യി​ലെ യു.​ഡി.​എ​ഫ് സ്ഥാ​നാ​ര്‍ഥി പി.​സി. വി​ഷ്ണു​നാ​ഥ്, കൊ​ല്ല​ത്തെ സ്ഥാ​നാ​ർ​ഥി ബി​ന്ദു കൃ​ഷ്ണ, പു​ന​ലൂ​രി​ലെ അ​ബ്​​ദു​റ​ഹി​മാ​ൻ ര​ണ്ട​ത്താ​ണി, വ​ര്‍ക്ക​ല​യി​ലെ ബി.​ആ​ര്‍.​എം. ഷ​ഫീ​ര്‍, കു​റ്റ്യാ​ടി​യി​ലെ പാ​റ​ക്ക​ല്‍ അ​ബ്​​ദു​ല്ല എ​ന്നി​വ​രാ​ണ് പ​രാ​തി​ക്കാ​ര്‍.​ത​ങ്ങ​ളു​ടെ മ​ണ്ഡ​ല​ത്തി​ല്‍ ത​പാ​ല്‍ വോ​ട്ടി​ന് അ​പേ​ക്ഷി​ച്ച​വ​രു​ടെ​യും അ​ച്ച​ടി​ച്ച​വ​യു​ടെ​യും വി​ത​ര​ണം ചെ​യ്ത​വ​യു​ടെ​യും കൃ​ത്യ​മാ​യ വി​വ​രം കൈ​മാ​റ​ണ​മെ​ന്നാ​വ​ശ്യ​പ്പെ​ട്ടാ​ണ്​ ഇ​വ​ർ ക​മീ​ഷ​നെ സ​മീ​പി​ച്ച​ത്.

ബാ​ല​റ്റ്​ പേ​പ്പ​റു​ക​ളു​ടെ സീ​രി​യ​ല്‍ ന​മ്പ​ര്‍ ഉ​ള്‍പ്പെ​ടെ​യു​ള്ള വി​ശ​ദാം​ശ​ങ്ങ​ള്‍ ന​ല്‍ക​ണ​മെ​ന്നും സ്ഥാ​നാ​ർ​ഥി​ക​ൾ ആ​വ​ശ്യ​പ്പെ​ട്ടി​ട്ടു​ണ്ട്. അ​പേ​ക്ഷ​ക​രു​ടെ എ​ണ്ണം, അ​ച്ച​ടി​ച്ച ബാ​ല​റ്റു​ക​ളു​ടെ എ​ണ്ണം, വി​ത​ര​ണം ചെ​യ്ത​വ​യു​ടെ എ​ണ്ണം, അ​ച്ച​ടി​ക്കാ​ന്‍ ചു​മ​ത​ല​പ്പെ​ടു​ത്തി​യ റി​ട്ടേ​ണി​ങ്​ ഓ​ഫി​സ​ര്‍ തു​ട​ങ്ങി​യ വി​വ​ര​ങ്ങ​ള്‍ കൈ​മാ​റ​ണ​മെ​ന്നും സ്ഥാ​നാ​ർ​ഥി​ക​ൾ ആ​വ​ശ്യ​പ്പെ​ട്ടി​ട്ടു​ണ്ട്. ഏ​താ​നും ചി​ല സ്​​ഥാ​നാ​ർ​ഥി​ക​ൾ ജി​ല്ലാ​ക​ല​ക്​​ട​ർ​മാ​ർ​ക്കും പ​രാ​തി ന​ൽ​കി​യി​ട്ടു​ണ്ട്.

ത​പാ​ൽ വോ​ട്ടി​ലെ ത​ട്ടി​പ്പ്​ സം​ബ​ന്ധി​ച്ച്​ പ്ര​തി​പ​ക്ഷ നേ​താ​വ്​ ഉ​ന്ന​യി​ച്ച ആ​രോ​പ​ണ​ങ്ങ​ൾ​ക്ക്​ പി​ന്നാ​ലെ വി​വാ​ദം ക​ടു​പ്പി​ക്കാ​നാ​ണ്​ യു.​ഡി.​എ​ഫ് സ്ഥാ​നാ​ർ​ഥി​ക​ൾ വി​ശ​ദാം​ശ​ങ്ങ​ൾ തേ​ടി​യ​ത്. കൂ​ടു​ത​ൽ സ്ഥാ​നാ​ർ​ഥി​ക​ൾ ക​മീ​ഷ​നെ സ​മീ​പി​ക്കു​മെ​ന്നാ​ണ്​ സൂ​ച​ന. ഏ​​ഴ​ര​​ല​ക്ഷം അ​പേ​ക്ഷ​ക​ര്‍ക്കാ​യി പ​ത്ത് ല​ക്ഷ​ത്തി​ലേ​റെ ബാ​ല​റ്റു​ക​ള്‍ അ​ച്ച​ടി​ച്ചെ​ന്നാ​ണ് വി​വ​രം.

മൂ​ന്ന​ര​ല​ക്ഷം പേ​രു​ടെ വോ​ട്ടു​ക​ളാ​ണ്​ വീ​ടു​ക​ളി​ലെ​ത്തി ബാ​ല​റ്റി​ൽ രേ​ഖ​പ്പെ​ടു​ത്തി വാ​ങ്ങി​യ​ത്. പോ​സ്​​റ്റ​ൽ ബാ​ല​റ്റി​ന്​ അ​ർ​ഹ​ത​യു​ള്ള മ​റ്റ്​ വി​ഭാ​ഗ​ങ്ങ​ളി​ലെ ആ​ളു​ക​ളു​ടെ എ​ണ്ണം ആ​കെ നാ​ല്​ ല​ക്ഷ​ത്തോ​ള​മാ​ണ്. അ​ങ്ങ​നെ​യെ​ങ്കി​ൽ ര​ണ്ട​ര​ല​ക്ഷം ത​പാ​ൽ ബാ​ല​റ്റു​ക​ൾ അ​ധി​ക​മാ​യി അ​ച്ച​ടി​ച്ച​തെ​ന്തി​നെ​ന്ന്​ ക​മീ​ഷ​ൻ വി​ശ​ദീ​ക​രി​ക്കേ​ണ്ടി​വ​രും.

പോ​സ്​​റ്റ​ൽ ബാ​ല​റ്റി​ന്​ അ​പേ​ക്ഷി​ച്ച്​ പ്ര​ത്യേ​ക കേ​ന്ദ്ര​ത്തി​ൽ തെ​ര​ഞ്ഞെ​ടു​പ്പി​നു മു​മ്പ്​ വോ​ട്ട്​ ചെ​യ്യാ​ൻ അ​വ​സ​രം ല​ഭി​ച്ച​വ​ർ​ക്ക്​ വീ​ണ്ടും ത​പാ​ലി​ൽ ബാ​ല​റ്റ്​ ല​ഭി​ച്ച​തോ​ടെ​യാ​ണ്​ ക്ര​മ​ക്കേ​ട്​ പു​റ​ത്തു​വ​രു​ന്ന​ത്. പ്ര​തി​പ​ക്ഷ നേ​താ​വ്​ ര​മേ​ശ്​ ചെ​ന്നി​ത്ത​ല ന​ൽ​കി​യ പ​രാ​തി​യി​ൽ ഇ​ത്​ അ​ന്വേ​ഷി​ക്കാ​ൻ അ​ഡീ​ഷ​ന​ൽ സി.​ഇ.​ഒ സ​ഞ്​​ജ​യ്​ കൗ​ളി​നെ മു​ഖ്യ​തെ​ര​ഞ്ഞെ​ടു​പ്പ്​ ഒാ​ഫി​സ​ർ ടി​ക്ക​റാം മീ​ണ ചു​മ​ത​ല​പ്പെ​ടു​ത്തി​യി​രു​ന്നു. ഇ​തു​പ്ര​കാ​ര​മു​ള്ള പ​രി​ശോ​ധ​ന ന​ട​ന്നു​വ​രി​ക​യാ​ണ്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:postal voteassembly election 2021
News Summary - Postal Vote: Candidates in the Election Commission for details of printed ballots
Next Story