You are here

പോക്സോ​: കുടുംബ കോടതികൾ കൂടുതൽ ജാഗ്രത പാലിക്കണമെന്ന്​ ഹൈകോടതി 

  • പോക്സോയിൽ കുടുക്കുന്ന പ്രവണത വർധിച്ചു

23:10 PM
15/05/2019
highcourt-kerala news

കൊ​ച്ചി: കു​ടും​ബ കോ​ട​തി കേ​സു​മാ​യി ബ​ന്ധ​പ്പെ​ട്ട്​ പു​രു​ഷ​ന്മാ​രെ പോ​ക്സോ കേ​സി​ൽ കു​ടു​ക്കു​ന്ന പ്ര​വ​ണ​ത വ​ർ​ധി​ച്ച​താ​യും ഇ​ക്കാ​ര്യ​ത്തി​ൽ കു​ടും​ബ കോ​ട​തി​ക​ൾ ജാ​ഗ്ര​ത പാ​ലി​ക്ക​ണ​മെ​ന്നും ഹൈ​കോ​ട​തി. കു​ട്ടി​യു​ടെ സം​ര​ക്ഷ​ണം വി​ട്ടു​കി​ട്ടാ​ൻ കു​ടും​ബ കോ​ട​തി​യെ സ​മീ​പി​ക്കു​ന്ന പ​ല പി​താ​ക്ക​ന്മാ​രും പോ​ക്സോ (കു​ട്ടി​ക​ൾ​ക്കു​നേ​രെ​യു​ള്ള ലൈം​ഗി​കാ​തി​ക്ര​മം ത​ട​യ​ൽ നി​യ​മം) കേ​സി​ൽ കു​ടു​ങ്ങു​ന്ന അ​വ​സ്ഥ​ക്ക്​ പി​ന്നി​ലെ യാ​ഥാ​ർ​ഥ്യം ക​ണ്ടെ​ത്താ​നു​ള്ള ആ​ത്മാ​ർ​ഥ ശ്ര​മ​ങ്ങ​ൾ കു​ടും​ബ കോ​ട​തി​യി​ൽ​നി​ന്ന്​ ഉ​ണ്ടാ​ക​ണ​മെ​ന്നും ജ​സ്​​റ്റി​സ്​ കെ. ​ഹ​രി​ലാ​ൽ, ജ​സ്​​റ്റി​സ്​ ടി.​വി. അ​നി​ൽ​കു​മാ​ർ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ച്​ വ്യ​ക്ത​മാ​ക്കി. മ​ല​പ്പു​റം ജി​ല്ല​യി​ൽ അ​ഞ്ചു​വ​യ​സ്സു​കാ​രി​യെ പി​താ​വി​ന്​ വി​ട്ടു​ന​ൽ​കാ​നു​ള്ള കു​ടും​ബ കോ​ട​തി വി​ധി​ക്കെ​തി​രെ അ​മ്മ​യു​ടെ മാ​താ​പി​താ​ക്ക​ൾ ന​ൽ​കി​യ അ​പ്പീ​ൽ ത​ള്ളി​യാ​ണ് ഡി​വി​ഷ​ൻ ബെ​ഞ്ച് ഇ​ക്കാ​ര്യം വ്യ​ക്ത​മാ​ക്കി​യ​ത്.

പോ​ക്സോ നി​യ​മ​പ്ര​കാ​രം കേ​സെ​ടു​ത്ത​തു​കൊ​ണ്ടു​മാ​ത്രം പി​താ​വി​നെ​തി​രാ​യ ആ​രോ​പ​ണം ശ​രി​യാ​വ​ണ​മെ​ന്നി​ല്ലെ​ന്ന്​ കോ​ട​തി വ്യ​ക്ത​മാ​ക്കി. പി​താ​വ്​ പീ​ഡി​പ്പി​ച്ചെ​ന്ന പ​രാ​തി അ​പൂ​ർ​വം കേ​സു​ക​ളി​ൽ ശ​രി​യാ​വാ​റു​ണ്ടെ​ങ്കി​ലും ഭൂ​രി​പ​ക്ഷം കേ​സി​ലും ആ​രോ​പ​ണം ക​ള​വാ​ണെ​ന്ന് തെ​ളി​യു​ന്നു​ണ്ട്. കേ​സി​ന്​ പി​ന്നി​ലെ യാ​ഥാ​ർ​ഥ്യം ക​ണ്ടെ​ത്താ​നു​ള്ള ശ്ര​മ​ങ്ങ​ളാ​ണ്​ കോ​ട​തി​യി​ൽ​നി​ന്ന്​ ഉ​ണ്ടാ​കേ​ണ്ട​ത്. കെ​ട്ടി​ച്ച​മ​ച്ച കേ​സാ​ണോ​യെ​ന്ന് പ​രി​ശോ​ധി​ച്ച് ഉ​റ​പ്പാ​ക്കു​ന്ന​തി​ൽ കു​ടും​ബ കോ​ട​തി ജാ​ഗ്ര​ത കാ​ട്ടി​യി​ല്ലെ​ങ്കി​ൽ നി​ര​പ​രാ​ധി​യാ​യ പി​താ​വ് പോ​ക്സോ കേ​സി​ന് ഇ​ര​യാ​കും. 

കു​ട്ടി​യു​ടെ നി​യ​മ​പ​ര​മാ​യ സം​ര​ക്ഷ​ണം വി​ട്ടു​കി​ട്ടാ​നു​ള്ള അ​വ​കാ​ശ​ത്തെ എ​തി​ർ​ത്തു​തോ​ൽ​പി​ക്കാ​നു​ള്ള ച​തി​യു​ടെ ഭാ​ഗ​മാ​ണോ പോ​ക്സോ കേ​സെ​ന്ന് പ​രി​ശോ​ധി​ക്കേ​ണ്ട ഉ​ത്ത​ര​വാ​ദി​ത്തം കു​ടും​ബ കോ​ട​തി​ക്കു​ണ്ട്.
അ​മ്മ മ​രി​ച്ച കു​ട്ടി​യു​ടെ സം​ര​ക്ഷ​ണം വി​ട്ടു​കി​ട്ടാ​ൻ പി​താ​വ് ന​ൽ​കി​യ ഹ​ര​ജി നേ​ര​േ​ത്ത കു​ടും​ബ കോ​ട​തി അ​നു​വ​ദി​ച്ചി​രു​ന്നു. ഇ​തി​നെ​തി​രെ അ​മ്മ​യു​ടെ മാ​താ​പി​താ​ക്ക​ൾ ന​ൽ​കി​യ അ​പ്പീ​ലി​ൽ കു​ട്ടി​യു​ടെ പി​താ​വി​നെ​തി​രെ ഗു​രു​ത​ര ആ​രോ​പ​ണ​ങ്ങ​ളാ​ണ് ഉ​ന്ന​യി​ച്ച​ത്. 

എ​ന്നാ​ൽ, കു​ട്ടി​യു​ടെ അ​മ്മ​യു​ടെ മ​ര​ണ​ത്തെ​ത്തു​ട​ർ​ന്ന് പി​താ​വി​നെ​തി​രെ എ​ടു​ത്ത കേ​സ് പൊ​ലീ​സ് എ​ഴു​തി​ത്ത​ള്ളി​യ​താ​ണെ​ന്നും അ​മ്മ​വീ​ട്ടു​കാ​ർ ന​ൽ​കി​യ പ​രാ​തി​യി​ൽ തു​ട​ര​ന്വേ​ഷ​ണം ന​ട​ക്കു​ന്നു​ണ്ടെ​ങ്കി​ലും കു​ട്ടി​യു​ടെ സം​ര​ക്ഷ​ണം പി​താ​വി​ന്​ വി​ട്ടു​കൊ​ടു​ക്കാ​തി​രി​ക്കാ​ൻ ഇ​ത്​ കാ​ര​ണ​മ​ല്ലെ​ന്നും കോ​ട​തി വ്യ​ക്ത​മാ​ക്കി. ഇ​ത്ത​രം കേ​സു​ക​ളി​ൽ അ​ന്വേ​ഷ​ണ ഏ​ജ​ൻ​സി​യു​ടെ ക​ണ്ടെ​ത്ത​ലു​ക​ൾ നി​രാ​ക​രി​ച്ച് സ്വ​ത​ന്ത്ര​മാ​യി കോ​ട​തി അ​ന്വേ​ഷി​ക്ക​ണ​മെ​ന്ന്​ പ​റ​യു​ന്നി​ല്ല. എ​ങ്കി​ലും ആ​രോ​പ​ണ​ങ്ങ​ൾ​ക്ക് മ​തി​യാ​യ തെ​ളി​വി​ല്ലെ​ങ്കി​ൽ കു​ട്ടി​യു​ടെ സം​ര​ക്ഷ​ണാ​വ​കാ​ശം പി​താ​വി​ന്​ നി​ഷേ​ധി​ക്കാ​തി​രി​ക്കാ​ൻ ശ്ര​ദ്ധി​ക്ക​ണ​മെ​ന്ന്​ കോ​ട​തി വ്യ​ക്ത​മാ​ക്കി.

Loading...
COMMENTS