പോപ്പുലർ ഫ്രണ്ട് സംസ്ഥാന നേതാവ് എം.കെ. അഷ്‌റഫ്‌ ഡൽഹിയിൽ അറസ്റ്റിൽ

ന്യൂഡൽഹി: പോപ്പുലർ ഫ്രണ്ട് സംസ്ഥാന സമിതിയംഗം എം.കെ. അഷ്‌റഫ്‌ ഡൽഹിയിൽ അറസ്റ്റിൽ. എൻഫോഴ്‌സ്‌മെൻറ് ഡയറക്ടറേറ്റാണ് ചോദ്യം ചെയ്യലിന് വിളിച്ചു വരുത്തിയ ശേഷം അഷ്റഫിനെ അറസ്റ്റ് ചെയ്തത്. നിക്ഷേപ പദ്ധതികൾക്കായി കള്ളപ്പണം വെളുപ്പിക്കാൻ ശ്രമിച്ചെന്ന കേസിലാണ് അറസ്റ്റ്.

അതേസമയം, എം.കെ. അഷ്‌റഫിന്റെ അറസ്റ്റിന് പിന്നിൽ ആർ.എസ്.എസിന്റെ ഗൂഢാലോചനയാണെന്നും ഇ.ഡിയുടെ നടപടി രാഷ്ട്രീയ പ്രേരിതമാണെന്നും എസ്.ഡി.പി.ഐ പ്രസിഡൻറ് സി.പി. മുഹമ്മദ് ബഷീർ ആരോപിച്ചു. സത്യസന്ധമായ അന്വേഷണം എസ്.ഡി.പി.ഐ സ്വാഗതം ചെയ്യുന്നുവെന്നും അദ്ദേഹം പറഞ്ഞു.