പോപുലർ തട്ടിപ്പ്​:ഇതുവരെ രജിസ്​റ്റർ ചെയ്​തത്​ രണ്ട്​ കേസ്; മറ്റു പരാതിക്കാരെ സാ​ക്ഷി​ക​ളാ​ക്കുന്നു

കോ​ന്നി: പോ​പു​ല​ർ സാ​മ്പ​ത്തി​ക ത​ട്ടി​പ്പു​കേ​സി​ൽ സം​സ്ഥാ​ന​ത്ത് ര​ജി​സ്​​റ്റ​ർ ചെ​യ്ത​ത് വെ​റും ര​ണ്ടു കേ​സ്​ മാ​ത്രം. കോ​ന്നി പൊ​ലീ​സ് സ്​​റ്റേ​ഷ​നി​ൽ 1740/ 2020 കേ​സും പ​ത്ത​നം​തി​ട്ട പൊ​ലീ​സ് സ്​​റ്റേ​ഷ​നി​ൽ മ​റ്റൊ​രു കേ​സും മാ​ത്ര​മാ​ണ് ര​ജി​സ്​​റ്റ​ർ ചെ​യ്തി​ട്ടു​ള്ള​ത്. ഇ​ത് പ്ര​തി​ക​ൾ​ക്ക് പെ​ട്ടെ​ന്ന് ജാ​മ്യം ല​ഭി​ക്കാ​നു​ള്ള അ​വ​സ​ര​മാ​ണ് ഒ​രു​ക്കു​ന്ന​ത്.

2000 കോ​ടി​യി​ല​ധി​കം രൂ​പ​യു​ടെ ത​ട്ടി​പ്പ് കേ​ര​ള​ത്തി​ന​ക​ത്തും പു​റ​ത്തു​മാ​യി ന​ട​ത്തി​യ​വ​ർ​ക്കെ​തി​രെ വി​വി​ധ സ്​​റ്റേ​ഷ​നു​ക​ളി​ൽ ദി​വ​സേ​ന നൂ​റി​ല​ധി​കം പ​രാ​തി​ക​ളാ​ണ് വ​രു​ന്ന​ത്. ഇ​ത്ത​രം പ​രാ​തി​ക്കാ​രെ കോ​ന്നി സ്​​റ്റേ​ഷ​നി​ൽ ര​ജി​സ്​​റ്റ​ർ ചെ​യ്ത കേ​സി​ൽ സാ​ക്ഷി​ക​ളാ​ക്കി മാ​റ്റു​ക​യാ​ണ്. അ​തോ​ടെ പോ​പു​ല​റി​െൻറ ത​ട്ടി​പ്പ് ഒ​റ്റ​ക്കേ​സി​ൽ ചു​രു​ങ്ങും.

ഇ​പ്പോ​ൾ ത​ന്നെ കോ​ന്നി പൊ​ലീ​സ് സ്​​റ്റേ​ഷ​നി​ൽ പ​രാ​തി​ക​ൾ ര​ണ്ടാ​യി​ര​ത്തോ​ളം എ​ത്തു​ന്നു. കേ​ര​ള​ത്തി​െൻറ വി​വി​ധ സ്​​റ്റേ​ഷ​നു​ക​ളി​ൽ ര​ജി​സ്​​റ്റ​ർ ചെ​യ്ത കേ​സു​ക​ൾ​കൂ​ടി കോ​ന്നി​യി​ലേ​ക്ക് മാ​റ്റും. നി​ല​വി​ലെ അ​ന്വേ​ഷ​ണ സം​ഘ​ത്തി​ലേ ഒ​ന്നോ ര​ണ്ടോ ഇ​ൻ​സ്​​പെ​ക്​​ട​മാ​രെ​ക്കൊ​ണ്ട് പ​രാ​തി പ​ഠി​ച്ച് ന​ട​പ​ടി​ക്ര​മ​ങ്ങ​ളി​ലേ​ക്ക് എ​ത്തു​മ്പോ​ഴേ​ക്കും കേ​സ് തേ​ഞ്ഞു​മാ​ഞ്ഞ് ഉ​ട​മ​ക​ൾ പാ​പ്പ​രാ​യി മാ​റി കേ​സ് ത​ന്നെ ഇ​ല്ലാ​താ​കും.

ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ത​ല​ത്തി​ലെ ബു​ദ്ധി​യാ​ണ് ഇ​വി​ടെ പ്ര​യോ​ഗി​ച്ചി​രി​ക്കു​ന്ന​ത്. ഇ​തി​നെ​തി​രെ ആ​ക്​​ഷ​ൻ കൗ​ൺ​സി​ൽ രം​ഗ​ത്ത് എ​ത്തി​യി​ട്ടു​ണ്ട്. കേ​ര​ള​ത്തി​ലെ എ​ല്ലാ പൊ​ലീ​സ് സ്​​റ്റേ​ഷ​നു​ക​ളി​ലും കേ​സു​ക​ൾ ര​ജി​സ്​​റ്റ​ർ ചെ​യ്യ​ണ​മെ​ന്നാ​ണ് ഇ​വ​രു​ടെ ആ​വ​ശ്യം. അ​ടു​ത്ത ദി​വ​സ​ങ്ങ​ളി​ൽ കേ​ര​ള​ത്തി​ലെ എ​ല്ലാ ജി​ല്ല ഫ​സ്​​റ്റ് ക്ലാ​സ് കോ​ട​തി​ക​ളി​ലും നി​ക്ഷേ​പ​ക​ർ കേ​സ് ഫ​യ​ൽ ചെ​യ്യു​ന്ന​തി​നൊ​പ്പം ബ​ന്ധ​പ്പെ​ട്ട മ​റ്റു വ​കു​പ്പ് അ​ധി​കാ​രി​ക​ൾ​ക്ക​ൾ​ക്കും പ​രാ​തി ന​ൽ​കും. പോ​പു​ല​ർ ഫി​നാ​ൻ​സ് ത​ട്ടി​പ്പ് സി.​ബി.​ഐ അ​ന്വേ​ഷി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട് സ​മ​ര​പ​രി​പാ​ടി​ക​ൾ​ക്ക് കേ​ര​ള​ത്തി​ൽ രൂ​പം ന​ൽ​കു​മെ​ന്ന് ഭാ​ര​വാ​ഹി​ക​ൾ പ​റ​ഞ്ഞു.