Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപോപുലർ...

പോപുലർ നിക്ഷേപത്തട്ടിപ്പ്​: സി.ബി.ഐ അന്വേഷണം ഇഴയുന്നുവെന്ന്​​ ഹൈകോടതി

text_fields
bookmark_border
popular finance
cancel

കൊച്ചി: പത്തനംതിട്ട പോപ്പുലർ ഫിനാൻസ് നിക്ഷേപത്തട്ടിപ്പ്​ കേസിലെ സി.ബി.ഐ അന്വേഷണം ഇഴയുകയാണെന്ന്​ ഹൈകോടതി. രണ്ടും നാലും അഞ്ചും പ്രതികളായ പ്രഭ തോമസ്, ഡോ. റീബ മേരി തോമസ്, ഡോ. റിയ ആൻ തോമസ് എന്നിവരുടെ ജാമ്യം റദ്ദാക്കണമെന്ന സി.ബി.ഐ ഹരജി തള്ളിയാണ്​ ജസ്​റ്റിസ്​ പി. സോമരാജ​െൻറ നിരീക്ഷണം. മൂന്നുമാസമായി മൂന്ന്​ സാക്ഷികളെ മാത്രമാണ് ചോദ്യം ചെയ്​തതെന്ന്​ ​വിലയിരുത്തിയാണ്​ ഉത്തരവ്​.

30,000ലേറെ നിക്ഷേപകരിൽനിന്നായി 1,600 കോടി രൂപയുടെ തട്ടിപ്പ്​ നടത്തിയെന്ന കേസിൽ അന്വേഷണം പ്രാഥമിക ഘട്ടത്തിലാണെന്നും പ്രതികൾക്ക് ജാമ്യം നൽകിയത് അന്വേഷണത്തെ ബാധിക്കുമെന്നും ചൂണ്ടിക്കാട്ടിയായിരുന്നു സി.ബി.ഐയുടെ ഹരജി. ആഴ്ചയിലൊരിക്കൽ അന്വേഷണ ഉദ്യോഗസ്ഥനുമുന്നിൽ ഹാജരാകണമെന്ന വ്യവസ്ഥ മതിയായതല്ല.

ഇത്​ രാജ്യത്തി​െൻറ പലഭാഗത്തായി ശാഖകളുള്ള സ്ഥാപനത്തിലെ ജീവനക്കാരെയും മാനേജർമാരെയും സ്വാധീനിക്കാൻ പ്രതികൾക്ക് വഴിയൊരുക്കുമെന്ന്​ സി.ബി​.ഐ ചൂണ്ടിക്കാട്ടി. 2020 നവംബർ 23നാണ്​ കേസിൽ ​സി.ബി.ഐ അന്വേഷണത്തിന് ഹൈകോടതി ഉത്തരവിട്ടത്​.​ ആറുമാസത്തിലേറെ തടവിൽ കഴിഞ്ഞ ശേഷമാണ് പ്രതികൾക്ക് ജാമ്യം ലഭിച്ചതെന്നും അന്വേഷണത്തെ ബാധിക്കില്ലെന്ന്​ ഉറപ്പുവരുത്തുന്നവിധം കർശന ഉപാധികളോടെയാണ് ജാമ്യം നൽകിയതെന്നും കോടതി ചൂണ്ടിക്കാട്ടി. ഇവരെ വീണ്ടും തടവിലാക്കുന്നത് വിചാരണ നടത്താതെ ശിക്ഷിക്കുന്നതിന്​ തുല്യമാകുമെന്ന്​ ചൂണ്ടിക്കാട്ടിയ കോടതി ഹരജി തള്ളി.

Show Full Article
TAGS:popular finance Investment fraud HC CBI dragging 
News Summary - popular finance Investment fraud Hc says CBI probe dragging on
Next Story