Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightആരോഗ്യപ്രവർത്തകരെ...

ആരോഗ്യപ്രവർത്തകരെ പൂവിട്ട്​ സ്വീകരിച്ച്​ പൂന്തുറക്കാർ; ഏറെ ആശ്വാസമെന്ന്​ മന്ത്രി

text_fields
bookmark_border
ആരോഗ്യപ്രവർത്തകരെ പൂവിട്ട്​ സ്വീകരിച്ച്​ പൂന്തുറക്കാർ; ഏറെ ആശ്വാസമെന്ന്​ മന്ത്രി
cancel

തിരുവനന്തപുരം: കോവിഡ്​ സൂപ്പർ സ്​പ്രെഡ്​ നടന്ന പൂന്തുറയിൽ കഴിഞ്ഞ ദിവസം ആരോഗ്യപ്രവർത്തകരോട്​ അപമര്യാദയായി പെരുമാറിയെന്ന ആരോപണം ഏറെ വിവാദമായിരുന്നു. എന്നാൽ, ഇന്ന്​ പ്രദേശവാസികൾ ഇവർക്ക്​ നൽകിയ സ്വീകരണം ഏവരുടെയും മനം നിറച്ചു.

നാട്ടുകാരും ഇടവകയും ചേർന്ന്​ പുഷ്​പവൃഷ്​ടി നടത്തിയാണ്​ ആരോഗ്യപ്രവർത്തകരെ വരവേറ്റത്​. ഡോക്​ടർമാരും നഴ്​സുമാരും അടക്കമുള്ളവർ വന്ന വാഹനങ്ങൾക്ക് മേൽ​ റോഡരികിൽ നിന്ന നാട്ടുകാർ പൂക്കൾ വാരിവിതറി. കഴിഞ്ഞ ദിവസമുണ്ടായ അനിഷ്​ടകരമായ സംഭവത്തിന്​ നാട്ടുകാരും ഇടവകയും ക്ഷമചോദിക്കുന്നതായി ഇടവക വികാരി പറഞ്ഞു. ഈ രോഗം ഇത്ര ക്രൂരമാണെന്നറിഞ്ഞിട്ടും ​സേവനത്തിനായി വന്ന ആ​േരാഗ്യപ്രവർത്തകരെ അഭിനന്ദിക്കുന്നതായും ഇവർ പറഞ്ഞു. 

ഇതി​​െൻറ ദൃശ്യങ്ങൾ സോഷ്യൽ മീഡിയയിൽ വൈറലായി. ആരോഗ്യമന്ത്രി കെ.കെ. ശൈലജയും ഇത്​ പങ്കുവെച്ചു. കഴിഞ്ഞ ദിവസം പൂന്തുറയിൽ ആരോഗ്യ പ്രവർത്തകർക്ക് നേരെ നടന്ന കയ്യേറ്റശ്രമം ഏറെ വേദനയുണ്ടാക്കിയെങ്കിലും ഈ ദൃശ്യം കാണുമ്പോൾ ഏറെ ആശ്വാസം തോന്നുന്നതായി ഇതോടൊപ്പമുള്ള കുറിപ്പിൽ മന്ത്രി വ്യക്​തമാക്കി.

പ്രളയത്തി​​െൻറ നാളുകളിൽ നാടിനെ രക്ഷിക്കാൻ ഈ പ്രദേശത്തുകാർ നടത്തിയ ത്യാഗപൂർണമായ പ്രവർത്തനം നമ്മുടെയെല്ലാം മനസ്സിലുണ്ടെന്നും തുടർന്നുള്ള നാളുകളിലും ഒത്തൊരുമയോടെ കോവിഡ് ബാധയിൽനിന്ന് നമ്മുടെ നാടിനെ തിരിച്ചു കൊണ്ടുവരാമെന്നും അവർ കൂട്ടിച്ചേർത്തു. കോവിഡ് അതിജീവന പ്രക്രിയയിൽ ‘കാസർകോട്​ മാതൃക’ ഇന്ന് ആത്മാഭിമാനം നൽകുന്നതാണ്​. ഇതുപോലെ സൂപ്പർ സ്പ്രെഡ് ഉണ്ടായിട്ടും വ്യാപനത്തെ തടഞ്ഞുനിർത്താൻ കഴിഞ്ഞ ഒരു പൂന്തുറ മാതൃക ഉണ്ടെന്ന് നമുക്ക് അഭിമാനത്തോടെ പറയാൻ കഴിയണമെന്നും മന്ത്രി ഫേസ്​ ബുക്​ കുറിപ്പിൽ പറഞ്ഞു.

 

Show Full Article
TAGS:poonthura trivandrum covid19 kk shailaja 
News Summary - poonthura welcomes health workers
Next Story