മാലിന്യം നിറഞ്ഞ കുളം; സുരേഷിന്‍റെ മിടുക്ക്​ തുണയായി

കോ​ട്ട​യം: മാ​ലി​ന്യം നി​റ​ഞ്ഞ മ​റി​യ​പ്പ​ള്ളി മു​ട്ടം പാ​റ​ക്കു​ള​ത്തി​ൽ പ​തി​ച്ച ​ലോ​റി ക​ണ്ടെ​ത്താ​നും ഉ​യ​ർ​ത്താ​നും സാ​ധി​ച്ച​ത്​ അ​ഗ്​​നി​ര​ക്ഷാ​​സേ​ന​യു​ടെ 18 മ​ണി​ക്കൂ​ർ നീ​ണ്ട പ​രി​ശ്ര​മ​ത്തി​ൽ. അ​ഗ്​​നി​ര​ക്ഷാ​സേ​ന സ്കൂ​ബ ടീം ​അം​ഗം കെ.​എ​ൻ. സു​രേ​ഷി​ന്‍റെ മി​ടു​ക്കാ​ണ്​ ശ​നി​യാ​ഴ്ച വൈ​കീ​ട്ടോ​ടെ ലോ​റി ഉ​യ​ർ​ത്തി മൃ​ത​ദേ​ഹം ക​​ണ്ടെ​ത്താ​ൻ സ​ഹാ​യ​ക​മാ​യ​ത്. വെ​ള്ളി​യാ​ഴ്ച രാ​ത്രി 9.45 ഓ​ടെ ആ​രം​ഭി​ച്ച ര​ക്ഷാ​ദൗ​ത്യം ശ​നി​യാ​ഴ്ച വൈ​കീ​ട്ട്​ 3.30 ഓ​ടെ​യാ​ണ്​ പൂ​ർ​ത്തി​യാ​യ​ത്. ആ​ദ്യ തി​ര​ച്ചി​ൽ ശ​നി​യാ​ഴ്ച പു​ല​ർ​ച്ച 3.30 വ​രെ തു​ട​ർ​ന്നു. ഇ​തി​നി​ടെ ക്രെ​യി​ൻ എ​ത്തി​ച്ച് ലോ​റി ഉ​യ​ർ​ത്താ​ൻ ശ്ര​മി​ച്ചെ​ങ്കി​ലും എ​ക്​​സ്ക​വേ​റ്റ​ർ മ​റി​ഞ്ഞ​തി​നെ​ത്തു​ട​ർ​ന്ന് ര​ക്ഷാ​പ്ര​വ​ർ​ത്ത​നം നി​ർ​ത്തി.

ശ​നി​യാ​ഴ്ച രാ​വി​ലെ ഏ​ഴി​ന് ആ​രം​ഭി​ച്ച ര​ക്ഷാ​പ്ര​വ​ർ​ത്ത​ന​മാ​ണ്​ വൈ​കീ​ട്ടോ​ടെ പൂ​ർ​ത്തി​യാ​യ​ത്. ഓ​ക്സി​ജ​ൻ സ​ഹാ​യ​ത്തോ​ടെ സ്കൂ​ബ ടീം ​അം​ഗ​ങ്ങ​ൾ പ​ല​ത​വ​ണ മു​ങ്ങി​ത്താ​​ഴ്​​ന്നെ​ങ്കി​ലും മാ​ലി​ന്യം ​ത​ട​ഞ്ഞ്​ പ​ല​പ്പോ​ഴും മു​ട​ങ്ങി. പി​ന്നീ​ട്​ സ്കൂ​ബ ടീം ​അം​ഗം കെ.​എ​ൻ. സു​രേ​ഷ് അ​തി​ദു​ഷ്ക​ര ദൗ​ത്യം വി​ജ​യ​ക​ര​മാ​യി പൂ​ർ​ത്തി​യാ​ക്കി. ശ​നി​യാ​ഴ്ച രാ​വി​ലെ മു​ങ്ങി​യ ലോ​റി ക​ണ്ടെ​ത്തി​യ സു​രേ​ഷ്, പി​ന്നീ​ട്​ ഏ​റെ​നേ​ര​ത്തെ പ​രി​ശ്ര​മ​ത്തി​നൊ​ടു​വി​ൽ റോ​പ്​ ലോ​റി​യി​ൽ ഘ​ടി​പ്പി​ച്ചു. ഇ​തി​നു​ശേ​ഷ​മാ​ണ്​ ലോ​റി ഉ​യ​ർ​ത്തി ക​ര​യി​ലെ​ത്തി​ച്ച​ത്. ര​ണ്ടു​ത​വ​ണ പ​രാ​ജ​യ​പ്പെ​ട്ട​തി​നൊ​ടു​വി​ലാ​ണ്​ മൂ​ന്നാം ശ്ര​മ​ത്തി​ൽ വി​ജ​യ​ക​ര​മാ​യി ലോ​റി ഉ​യ​ർ​ത്തി​യ​ത്. ചെ​രി​പ്പു​ക​ള​ട​ക്കം വ​ൻ​മാ​ലി​ന്യ​ശേ​ഖ​ര​മാ​യി​രു​ന്നു കു​ള​ത്തി​ൽ. ച​തു​പ്പും പോ​ള​ക​ളും നി​റ​ഞ്ഞ​ത്​ ര​ക്ഷാ​പ്ര​വ​ർ​ത്ത​നം ദു​ഷ്ക​ര​മാ​ക്കി.

കോ​ട്ട​യം ജി​ല്ല​യി​ലെ വി​വി​ധ അ​ഗ്​​നി​ര​ക്ഷാ യൂ​നി​റ്റു​ക​ളി​ൽ​നി​ന്നു​ള്ള 40 അം​ഗ ടീ​മാ​ണ്​ ര​ക്ഷാ​പ്ര​വ​ർ​ത്ത​ന​ത്തി​ൽ പ​ങ്കെ​ടു​ത്ത​ത്. കോ​ട്ട​യം, പാ​മ്പാ​ടി, ക​ടു​ത്തു​രു​ത്തി, ച​ങ്ങ​നാ​ശ്ശേ​രി എ​ന്നി​വി​ട​ങ്ങ​ളി​ൽ​നി​ന്നു​ള്ള​വ​രാ​യി​രു​ന്നു സം​ഘ​ത്തി​ൽ. ചി​ങ്ങ​വ​നം പൊ​ലീ​സും സ്ഥ​ല​ത്തു​ണ്ടാ​യി​രു​ന്നു. മ​ന്ത്രി വി.​എ​ൻ. വാ​സ​വ​ൻ, ക​ല​ക്ട​ർ ഡോ.​പി.​കെ. ജ​യ​ശ്രീ, തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ, ത​ഹ​സി​ൽ​ദാ​ർ ദീ​പ​മോ​ൾ, ഡി.​എം.​ഒ ജി​നു പു​ന്നൂ​സ്, കോ​ട്ട​യം ഡി​വൈ.​എ​സ്.​പി ജെ. ​സ​ന്തോ​ഷ് കു​മാ​ർ, ന​ഗ​ര​സ​ഭാ​ധ്യ​ക്ഷ ബി​ൻ​സി സെ​ബാ​സ്റ്റ്യ​ൻ, വാ​ർ​ഡ് കൗ​ൺ​സി​ല​ർ ദീ​പ എ​ന്നി​വ​ർ സ്ഥ​ല​ത്ത് ഉ​ണ്ടാ​യി​രു​ന്നു. കോ​ട്ട​യം ജി​ല്ല അ​ഗ്​​നി​ര​ക്ഷാ​സേ​ന ഓ​ഫി​സ​ർ രാം ​കു​മാ​ർ, സ്റ്റേ​ഷ​ൻ ഓ​ഫി​സ​ർ അ​നൂ​പ് ര​വീ​ന്ദ്ര​ൻ എ​ന്നി​വ​ർ നേ​തൃ​ത്വം ന​ൽ​കി.