കൊടിസുനിയെയും ഷാഫിയെയും പൂജപ്പുരയിലേക്ക് മാറ്റി

തൃശൂർ: മൊബൈൽ ഫോണും കഞ്ചാവും പിടിച്ചെടുത്തതിന് പിന്നാലെ ടി.പി. ചന്ദ്രശേഖരൻ വധക്കേസിലെ പ്രതികളായ മുഹമ്മദ് ഷാഫി യെയും കൊടി സുനിയെയും പൂജപ്പുര സെൻട്രൽ ജയിലിലേക്ക് മാറ്റി. ഇവരോടൊപ്പം ഫോൺ കണ്ടെടുത്ത വാസു എന്ന തടവുകാരനെയും പൂ ജപ്പുരയിലേക്ക് മാറ്റി. ഇനി ചന്ദ്രശേഖരൻ കേസിൽ കിർമാണി മനോജ്, സിനോജ് എന്നിവരാണ് വിയ്യൂർ സെൻട്രൽ ജയിലിലുള്ളത്.

ശനിയാഴ്ച പുലർച്ചെ പരിശോധനക്ക് ശേഷം വൈകീട്ട് വിയ്യൂർ ജയിലിലെത്തിയ ഡി.ജി.പി ഋഷിരാജ് സിങ് സ്ഥിരം കുറ്റവാളികളെ യും ജയിലിലും കുറ്റകൃത്യങ്ങൾ തുടരുന്നവരെയും മാറ്റുമെന്ന് വ്യക്തമാക്കിയിരുന്നു. നിരന്തരം ജയിലിൽ കുഴപ്പമുണ്ടാ ക്കുന്നവരിലാണ് ചന്ദ്രശേഖരൻ കൊലക്കേസിലെ പ്രതികൾ. ഇവരിൽനിന്ന്​ തുടർച്ചയായി ഫോണും കഞ്ചാവടക്കമുള്ളവയും കണ്ടെടുത്ത സാഹചര്യത്തിലാണ് മൂന്ന് പേരെയും പൂജപ്പുരയിലേക്ക് മാറ്റിയത്.

രാവിലെ ഒമ്പതരയോടെ പ്രത്യേക വാഹനത്തിൽ കനത്ത സുരക്ഷയോടെയാണ് മൂന്ന് പേരെയും തിരുവനന്തപുരത്തേക്ക് കൊണ്ടുപോയത്. നേരത്തെ കേസിലെ മറ്റ് രണ്ട് പ്രതികളായ ട്രൗസർ മനോജിനെയും അണ്ണൻ സിജിത്തിനെയും പൂജപ്പുരയിലേക്ക് മാറ്റിയിരുന്നു. കുഞ്ഞനന്തൻ അടക്കമുള്ളവർ കണ്ണൂർ ജയിലിലാണ്.

ജയിൽ റെയ്ഡ്: സിംകാർഡിലെ കോളുകൾ പരിശോധിക്കുന്നു
തൃ​ശൂ​ർ: വി​യ്യൂ​ർ ജ​യി​ലി​ൽ നി​ന്ന്​ പി​ടി​ച്ചെ​ടു​ത്ത മൊ​ബൈ​ൽ ഫോ​ണി​ൽ ഉ​പ​യോ​ഗി​ച്ചി​രു​ന്ന സിം ​കാ​ർ​ഡി​ലെ കോ​ളു​ക​ൾ പൊ​ലീ​സ് പ​രി​ശോ​ധി​ക്കു​ന്നു. ശ​നി​യാ​ഴ്ച തൃ​ശൂ​രി​ലെ​ത്തി​യ ജ​യി​ൽ ഡി.​ജി.​പി ഋ​ഷി​രാ​ജ് സി​ങ് ജ​യി​ലി​ലെ പ​രി​ശോ​ധ​ന​ക്ക് നേ​തൃ​ത്വം കൊ​ടു​ത്ത ക​മീ​ഷ​ണ​ർ ജി.​എ​ച്ച്. യ​തീ​ഷ് ച​ന്ദ്ര​യോ​ട് ത​ന്നെ സിം ​കാ​ർ​ഡു​ക​ൾ പ​രി​ശോ​ധി​ക്കാ​നും നി​ർ​ദേ​ശി​ച്ചു.

സിം​കാ​ർ​ഡു​ക​ൾ ആ​രു​ടെ പേ​രി​ൽ എ​വി​ടെ നി​ന്ന് എ​ടു​ത്തു എ​ന്ന​തും കോ​ൾ ലി​സ്​​റ്റും പ​രി​ശോ​ധി​ക്കും. തി​ങ്ക​ളാ​ഴ്ച​ത​ന്നെ ന​ട​പ​ടി​ക​ളി​ലേ​ക്ക് ക​ട​ക്കു​ം. മു​ഹ​മ്മ​ദ് ഷാ​ഫി​യും കൊ​ടി​സു​നി​യും ടി.​പി. ച​ന്ദ്ര​ശേ​ഖ​ര​ൻ കേ​സി​ലെ പ്ര​തി​ക​ൾ എ​ന്ന​തി​ലു​പ​രി സി.​പി.​എ​മ്മി​​െൻറ സം​സ്ഥാ​ന നേ​താ​ക്ക​ളു​മാ​യി അ​ടു​പ്പ​മു​ള്ള​വ​രാ​ണ്. അ​തു​കൊ​ണ്ടു​ത​ന്നെ കോ​ൾ ലി​സ്​​റ്റി​ലെ ന​മ്പ​റു​ക​ൾ നി​ർ​ണാ​യ​ക​വു​മാ​ണ്. ജ​യി​ലി​നു​ള്ളി​ലി​രു​ന്ന് കൊ​ല​പാ​ത​ക​മ​ട​ക്ക​മു​ള്ള ക്വ​ട്ടേ​ഷ​ൻ ഏ​റ്റെ​ടു​ക്കു​ന്ന​ത് പു​റ​ത്ത്​ വ​ന്ന​താ​ണ്. തു​ട​ർ​ന​ട​പ​ടി​ക​ളി​ലേ​ക്ക് ക​ട​ക്കു​ന്ന​ത്​ അ​തി​നാ​ൽ അ​തീ​വ​ശ്ര​ദ്ധ​യോ​ടെ​യാ​വും.