Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകാലിക്കറ്റിനെ...

കാലിക്കറ്റിനെ പുറത്താക്കാൻ പോണ്ടി​േച്ചരി സർവകലാശാലയുമായി ലക്ഷദ്വീപി​ന്‍റെ 'ഡീൽ'

text_fields
bookmark_border
calicut university
cancel

കോഴിക്കോട്​: കാലിക്കറ്റ്​ സർവകലാശാല നടത്തുന്ന പി.ജി കോഴ​്​സുകളും ബി.എ അറബികും നിർത്തലാക്കാനുള്ള ലക്ഷദ്വീപ്​ ഭരണകൂടത്തി​ന്‍റെ തീരുമാനത്തിന്​ പിന്നിലുള്ള കള്ളക്കളി പുറത്ത്​. പോണ്ടിച്ചേരി സർവകലാശാലക്ക്​ ദ്വീപിൽ കോഴ്​സുകൾ തുടങ്ങാൻ ഭരണകൂടം അനുമതി നൽകി. ലക്ഷദ്വീപിലെ ഉന്നതവിദ്യാഭ്യാസത്തി​ന്‍റെ ഏക ആശ്രയമെന്ന പദവി ഇതോടെ കാലിക്കറ്റ്​ സർവകലാശാലക്ക്​ നഷ്​ടമാകും. കാലിക്കറ്റിനെ പുറത്താക്കുന്നത്​ പോണ്ടിച്ചേരിക്ക്​ അനുമതി നൽകാനുള്ള ഗൂഡാലോചനയാണെന്നും ഇതോടെ വ്യക്​തമായി.

തൊഴിൽ നൈപുണ്യാധിഷ്​ഠിത വിദ്യാഭ്യാസം ഉറപ്പുവരുത്തുന്ന കമ്മ്യുണിറ്റി കോളജുകൾ തുടങ്ങുകയും പിന്നീട്​ സ്​ഥിരം ക്യാംപസ്​ അനുവദിക്കുകയുമാണ്​ ലക്ഷ്യമെന്ന്​ പോണ്ടി​േച്ചരി സർവകലാശാല വൈസ്​ ചാൻസലർ പ്രഫ. ഗുർമീത്​ സിങ്ങിന്​ ലക്ഷദ്വീപ്​ അഡ്​മിനിസ്​ട്രേറ്ററുടെ ഉപദേശകൻ എ. അൻപരശു നൽകിയ കത്തിൽ വ്യക്​തമാക്കി. ഈ അധ്യയന വർഷം തന്നെ മൂന്ന്​ കോഴ്​സുകൾ തുടങ്ങാൻ പോണ്ടിച്ചേരി സർവകലാശാല എതിർപ്പില്ലാ രേഖ നൽകി. ​ടൂറിസം ആൻറ്​ സർവീസ്​ ഇൻഡസട്രി, സോഫ്​റ്റ്​വെയർ ഡവലപ്​മെൻറ്​, കാറ്ററിങ്​ ആൻറ്​ ഹോസ്​പിറ്റാലിറ്റി എന്നീ കോഴ്​സുകളാണ്​ പെ​ട്ടെന്ന്​ തുടങ്ങുന്നത്​. ബി.കോം, ബി.ബി.എ, നാല്​ വർഷ ഇൻറഗ്രേറ്റഡ്​ ബി.എസ്​സി ബി.എഡ്​ തുടങ്ങിയവ ഉൾപ്പെടെയുള്ള കോഴ്​സുകളും തുടങ്ങിയേക്കും.

ലക്ഷദ്വീപ്​ വിദ്യാഭ്യാസ വകുപ്പി​െൻറ കടമത്ത്​ ദ്വീപിലെ ​െകട്ടിടത്തിലാണ്​ ക്ലാസുകൾ നടത്തുക. ഇവിടത്തെ ഹോസ്​റ്റൽ സൗകര്യമടക്കം ഉപയോഗപ്പെടുത്തും. സ്​ഥിരം ക്യാംപസ്​ സ്​ഥാപിക്കാൻ ഭൂമി കണ്ടെത്തുന്നതിനുൾപ്പെടെ പോണ്ടിച്ചേരി സർവകലാശാല അധികൃതരെ ദ്വീപിലേക്ക്​ ക്ഷണിച്ചിട്ടുമുണ്ട്​.

കവറത്തി, ആ​​േ​ന്ത്രാത്ത്​, കടമത്ത്​ എന്നീ ദ്വീപുകളിലായി കാലിക്കറ്റ്​ സർവകലാശാല നടത്തുന്ന എം.എ അറബിക്​, ഇംഗ്ലീഷ്​, പൊളിറ്റിക്​സ്​, എം.എസ്​.സി അക്വാകൾച്ചർ, എം.എസ്​.സി മാത്​സ്​ എന്നീ പി.ജി കോഴ്​സുകളാണ്​ നിർത്തുന്നത്​. കേരളവുമായുള്ള ബന്ധം വിച്ഛേദിക്കാൻ ലക്ഷദ്വീപ്​ അഡ്​മിനിസ്​ട്രേറ്റർ നടത്തുന്ന നീക്കങ്ങളുടെ അവസാന ഉദാഹരണമാണിത്​. മൂന്ന്​ വർഷത്തേക്ക്​ കാലിക്കറ്റുമായി കരാർ നീട്ടിയിട്ടു​​ണ്ടെങ്കിലും ലക്ഷദ്വീപ്​ ഭരണകൂടം പോണ്ടിച്ചേരിക്ക്​ കൂടുതൽ കോഴ്​സുകൾ അനുവദിച്ച്​ കാലിക്കറ്റിനെ പുറത്താക്കാനാണ്​ സാധ്യത.

ലക്ഷദ്വീപിലെ പഠന കേന്ദ്രങ്ങൾ നിർത്തലാക്കുന്നതായി അറിയിച്ച സംയുക്​ത യോഗത്തിൽ കാലിക്കറ്റ്​ സസർവകലാശാല അധികൃതർ എതിർപ്പുയർത്തിയിരുന്നില്ല. യോഗതീരുമാനം ഇടതുപക്ഷ സിൻഡിക്കേറ്റ്​ അഞ്ചാഴ്​ച​േയാളം രഹസ്യമാക്കിവെച്ചതും ലക്ഷദ്വീപ്​ ഭരണകൂടത്തിന്​ മറ്റ്​ നീക്കങ്ങൾ നടത്താൻ സഹായമായി. ലക്ഷദ്വീപിലെ പഠനകേന്ദ്രങ്ങളോട്​ കാലിക്കറ്റി​ന്‍റെ അവഗണനയും കോഴ്​സുകൾ നിർത്തലാക്കാൻ കാരണമായിട്ടുണ്ട്​. കോഴ്സുകളിൽ വൈവിധ്യവൽക്കരണം ആവശ്യപ്പെട്ട് പലതവണയായി ദ്വീപ് സമൂഹം കാലിക്കറ്റിനെ സമീപിച്ചിരുന്നു. എന്നാൽ, കാര്യമായ പ്രതികരണമുണ്ടായില്ല. വർഷത്തിൽ മൂന്നരക്കോടി രൂപയാണ് പഠനകേന്ദ്രങ്ങൾ നടത്തുന്നതിന് ലക്ഷദ്വീപ് ഭരണകൂടം കാലിക്കറ്റിന് നൽകുന്നത്.

Show Full Article
TAGS:lakshadweep calicut university 
News Summary - Pondicherry to expel Calicut Lakshadweep's 'deal' with university
Next Story