കണ്ണൂരിൽ ഹർത്താൽ പൂർണം

കണ്ണൂർ: പ്രവർത്തകർ കൊല്ലപ്പെട്ടതിനെ തുടർന്ന്​ സി.പി.എമ്മും ബി.ജെ.പിയും കണ്ണൂർ ജില്ലയിലും മാഹിയിലും പ്രഖ്യാപിച്ച ഹർത്താൽ പൂർണം. മാഹിയിൽ പലയിടങ്ങളിലും അക്രമങ്ങളും അരങ്ങേറി. ഇരട്ടപ്പിലാക്കൂലിൽ ബി.ജെ.പി ഒാഫിസ്​ അഗ്​നിക്കിരയാക്കുകയും മാഹിയിൽ പൊലീസ്​ ജീപ്പിന്​ തീയിടുകയും ചെയ്​തു. സംഘർഷാവസ്​ഥ കണക്കിലെടുത്ത്​ തലശ്ശേരി സബ് ഡിവിഷനിൽ കനത്ത പൊലീസ്​ സു​രക്ഷ ഏർപ്പെടുത്തിയിട്ടുണ്ട്​. സംഘർഷം പടരുന്നത് തടയാൻ ജില്ലയിൽ പൊലീസ് പട്രോളിങ്ങും വാഹന പരിശോധനയും ശക്തമാക്കി.   

തിങ്കളാഴ്​ച രാത്രി സി.പി.എം ലോക്കൽ കമ്മിറ്റി അംഗം ബാബു കണ്ണിപ്പൊയിലും ബി.ജെ.പി പ്രവർത്തകൻ ഷമേജും കൊല്ലപ്പെട്ടതിനെ തുടർന്നാണ്​ ഇരു പാർട്ടികളും ഹർത്താൽ പ്രഖ്യാപിച്ചത്​. വാഹനങ്ങളെ ഹർത്താലിൽ നിന്ന്​ ഒഴിവാക്കിയിരുന്നുവെങ്കിലും നിരത്തുകളിൽ വാഹനങ്ങൾ കുറവായിരുന്നു. ചിലയിടങ്ങളിൽ കെ.എസ്​.ആർ.ടി.സി സർവിസ്​ നടത്തി. സർക്കാർ ഒാഫിസുകളിലും ജീവനക്കാർ കുറവായിരുന്നു. 

കണ്ണൂർ, തലശ്ശേരി, പയ്യന്നൂർ തുടങ്ങിയ ടൗണുകളൊക്കെ നിശ്ചലമായി. റെയിൽവേ സ്​റ്റേഷനിലുള്ള ചില ഹോട്ടലുകൾ പ്രവർത്തിച്ചതൊഴികെ മറ്റ്​ കടകളൊന്നും തുറന്ന്​ പ്രവർത്തിച്ചില്ല. ഹർത്താൽ ആഹ്വാനം വകവെക്കാതെ ചിലർ കടകൾ തുറക്കാൻ ശ്രമിച്ചുവെങ്കിലും പാർട്ടി പ്രവർത്തകർ ഇടപെട്ട്​ അടപ്പിച്ചു. വാരം ടൗണിൽ പച്ചക്കറിക്കട അടപ്പിക്കാനുള്ള ശ്രമം നാട്ടുകാരും പാർട്ടി പ്രവത്തകരും തമ്മിലുള്ള വാക്കേറ്റത്തിനിടയാക്കി. തുടർന്ന്​ ചക്കരക്കല്ല്​ പൊലീസ്​ സ്​ഥലത്തെത്തി സമരക്കാരുടെ ബൈക്കുകൾ ഉൾപ്പെടെ കസ്​റ്റഡിയി​െലടുത്തു. 

കലക്​ടറേറ്റ്​ കോമ്പൗണ്ടിലും ഹർത്താൽ അന​ുകൂലികൾ
കണ്ണൂർ: ഹർത്താലി​​​െൻറ മറവിൽ കണ്ണൂർ കലക്​ടറേറ്റ്​ അടപ്പിക്കുന്നതിനും ശ്രമം. രാവിലെ പത്തുമണിയോടെ ബൈക്കുകളിലെത്തിയ സംഘമാണ്​ കലക്​ടറേറ്റിനുള്ളിലേക്ക്​ എത്തിയത്​. കലക്​ടറേറ്റ്​ കോമ്പൗണ്ടിൽ പ്രവർത്തിക്കുന്ന പോസ്​റ്റ്​ ഒാഫിസിലെത്തിയ സംഘം സ്​ഥാപനം അടക്കണമെന്ന്​ ആവശ്യപ്പെട്ടു​. ജീവനക്കാർ ഇതിന്​ തയാറായില്ല. മടങ്ങിവരു​േമ്പാൾ അടക്കണമെന്ന നിർദേശം നൽകി ഇവർ പോയി. ഇതേത്തുടർന്ന്​ പോസ്​റ്റ്​ ഒാഫിസിലെ ജീവനക്കാർ പൊലീസിനെ വിവരറമറിയിച്ചു. ഇതിനിടയിൽ സംഘം വീണ്ടും എത്തിയെങ്കിലും പെ​െട്ടന്ന്​ തന്നെ മടങ്ങി. കലക്​ടറേറ്റ്​ കോമ്പൗണ്ടി​​​െൻറ ഇരു ഗേറ്റുകളിലും കലക്​ടറേറ്റ്​ മൈതാനത്തി​​​െൻറ ഭാഗത്തെ വഴിയിലും വൻ പൊലീസ്​ സംഘത്തെ വിന്യസിച്ചു.