Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightമലബാർ കലാപത്തെ...

മലബാർ കലാപത്തെ വർഗീയവത്​കരിക്കുന്നതിൽ രാഷ്​ട്രീയ ലക്ഷ്യം -സ്​പീക്കർ

text_fields
bookmark_border
MB Rajesh
cancel

തിരുവനന്തപുരം: മലബാർ കലാപത്തെ വർഗീയവത്​കരിക്കുന്നതിന്​ പിന്നിൽ രാഷ്​ട്രീയമാണെന്ന്​ നിയമസഭ സ്​പീക്കർ എം.ബി. രാജേഷ്​. ചരിത്രത്തെ രാഷ്​ട്രീയലക്ഷ്യത്തിന്​ വേണ്ടി ദുരുപയോഗിക്കുകയാണ്​. അതുകൊണ്ടാണ്​ വാരിയൻകുന്നത്ത്​ കുഞ്ഞഹമ്മദ്​ ഹാജിയെ പോലെ നെഹ്​റുവും ചരിത്രത്തിന്​ പുറത്താകുന്നത്​​. 'സ്വാതന്ത്ര്യസമരവും മലബാർ കലാപവും' എന്ന വിഷയത്തിൽ തിരുവനന്തപുരം നെഹ്​റു സെൻറർ സംഘടിപ്പിച്ച ചർച്ച ഉദ്​ഘാടനം ചെയ്യുകയായിരുന്നു അദ്ദേഹം.

ഏതെങ്കിലും പട്ടികയിൽ ഇടം ലഭിക്കുമെന്ന്​ കരുതിയല്ല മലബാർ കലാപകാരികൾ ബ്രിട്ടീഷുകാരുടെ നിറതോക്കിന്​ മുന്നിലേക്ക്​ എടുത്തുചാടിയത്​. മലബാർ കലാപത്തി​െൻറ സാമ്രാജ്യത്വ^ജന്മിത്വ വിരുദ്ധ ഉള്ളടക്കത്തെ ഉയർത്തിപ്പിടിക്കുകയും അതി​െൻറ വർഗീയമായ അപഭ്രംശങ്ങളെ തള്ളിക്കളയുകയും ചെയ്​ത്​ മുന്നോട്ടുപോകണം. മലബാർ കലാപം സ്വാതന്ത്ര്യസമരത്തിെൻറ ഭാഗമാണെന്ന് മാത്രമല്ല, 1857ലെ ഒന്നാം സ്വാതന്ത്ര്യസമരത്തിനുശേഷം ബ്രിട്ടീഷുകാർ നേരിടേണ്ടിവന്ന ഏറ്റവും വലിയ വെല്ലുവിളിയുമായിരു​െന്നന്ന് പറഞ്ഞത് കെ. മാധവൻ നായരാണ്.

മതരാഷ്​ട്രം സ്ഥാപിക്കുേമ്പാൾ മാത്രമേ സ്വാതന്ത്ര്യം പൂർണമാകൂവെന്ന് പറഞ്ഞ ആചാര്യന്മാരുടെ അനുയായികൾക്ക് മലബാർ കലാപം സ്വാതന്ത്ര്യസമരത്തിെൻറ ഭാഗമാണെന്ന് അംഗീകരിക്കാൻ പ്രയാസമുണ്ടാകും. ബ്രിട്ടീഷ് സർക്കാറിനും രാജാവിനുമെതിരെ സമരം ചെയ്​തെന്നതാണ് കലാപകാരികൾക്കെതിരെ അന്നത്തെ ഭരണകൂടം ചുമത്തിയ കുറ്റം. ബ്രിട്ടീഷ് സർക്കാറിനെതിരെ നടത്തിയ സമരം സ്വാതന്ത്ര്യസമരം അല്ലെങ്കിൽ പിന്നെന്താണ്. ബ്രിട്ടീഷ് ഭരണത്തിനെതിരെ സമരം ചെയ്തവർ നൂറ് വർഷം കഴിയുേമ്പാൾ രാജ്യദ്രോഹികളാകുന്ന വിരോധാഭാസമാണ്​ കാണുന്നതെന്നും സ്​പീക്കർ പറഞ്ഞു.

എം.എം. ഹസൻ അധ്യക്ഷത വഹിച്ചു. മലബാർ കലാപകാരികളുടെ പേര്​ മായ്​ച്ചുകളഞ്ഞാലും അവരുടെ രക്തസാക്ഷിത്വത്തെ മായ്​ച്ചുകളയാൻ കഴിയില്ലെന്ന്​ അദ്ദേഹം പറഞ്ഞു. സി.പി. ജോൺ, ഡോ. പി. നസീർ, ഡോ. എം.ആർ. തമ്പാൻ, പി.എസ്.​ ശ്രീകുമാർ എന്നിവരും സംസാരിച്ചു.

Show Full Article
TAGS:Malabar Rebellion malabar revolution 
News Summary - Political goal in communalizing the Malabar riots - Speaker
Next Story