നയപ്രഖ്യാപനം: കേന്ദ്രത്തെ വിമർശിക്കുന്ന ഭാഗവും വായിച്ച് ഗവർണർ
text_fieldsതിരുവനന്തപുരം: നയപ്രഖ്യാപന പ്രസംഗത്തിൽ കേന്ദ്ര സർക്കാറിനെ വിമർശിക്കുന്ന ഭാഗവും വായിച്ച് ഗവർണർ ആരിഫ് മുഹമ്മദ് ഖാൻ. കേന്ദ്ര സർക്കാർ നയമാണ് സംസ്ഥാനത്ത് സാമ്പത്തിക പ്രതിസന്ധി ഉണ്ടാക്കിയത്. ജി.എസ്.ടി വിഹിതമായ 6500 കോടി കേന്ദ്രത്തിൽ നിന്ന് കിട്ടിയില്ല. കോവിഡ് മൂലം സംസ്ഥാനത്തിന്റെ നികുതി വരുമാനം കുറഞ്ഞു. കേന്ദ്ര വിഹിതം കുറഞ്ഞതും സംസ്ഥാനത്തെ സാമ്പത്തിക പ്രതിസന്ധിയിലാക്കിയെന്ന് നയപ്രഖ്യാപനം വായിച്ചുകൊണ്ട് ഗവർണർ പറഞ്ഞു.
കേന്ദ്ര സർക്കാറിനെതിരായ വിമർശനങ്ങളുണ്ടെങ്കിൽ ഗവർണർ വായിക്കാതെ ഒഴിവാക്കുമോയെന്ന കാര്യത്തിൽ അഭ്യൂഹങ്ങളുണ്ടായിരുന്നു. 2018ൽ റിട്ട. ജസ്റ്റിസ് പി. സദാശിവം ഗവർണറായിരിക്കെ കേന്ദ്ര സർക്കാറിനെതിരായ പരാമർശങ്ങൾ അടങ്ങിയ അഞ്ച് ഖണ്ഡികകൾ ഒഴിവാക്കിയാണ് നയപ്രഖ്യാപനപ്രസംഗം നടത്തിയത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.