കെ. റെയിൽ വി​രു​ദ്ധ സ​മ​ര​ക്കാ​ര്‍ക്കെ​തി​രെ പൊലീസ്​ അതിക്രമം: വനിത, മനുഷ്യാവകാശ കമീഷനുകളിൽ പരാതി

തി​രു​വ​ന​ന്ത​പു​രം: മാ​ട​പ്പ​ള്ളി​യി​ൽ സി​ൽ​വ​ർ​ലൈ​ൻ വി​രു​ദ്ധ സ​മ​ര​ക്കാ​ര്‍ക്കെ​തി​രെ​യു​ണ്ടാ​യ പൊ​ലീ​സ് അ​തി​ക്ര​മ​ത്തി​ൽ ഇ​ട​പെ​ട​ൽ ആ​വ​ശ്യ​പ്പെ​ട്ട്​ വ​നി​താ ക​മീ​ഷ​നി​ലും മ​നു​ഷ്യാ​വ​കാ​ശ ക​മീ​ഷ​നി​ലും പ​രാ​തി. പൊ​ലീ​സി​ന്‍റെ ക്രൂ​ര​മാ​യ ന​ട​പ​ടി​യി​ൽ ഇ​ട​പെ​ട​ണ​മെ​ന്നാ​വ​ശ്യ​പ്പെ​ട്ട്​ യൂ​ത്ത് കോ​ൺ​ഗ്ര​സ് സം​സ്ഥാ​ന സെ​ക്ര​ട്ട​റി വീ​ണ എ​സ്.​നാ​യ​രാ​ണ്​ മ​നു​ഷ്യാ​വ​കാ​ശ ക​മീ​ഷ​ന്​ ഹ​ര​ജി ന​ൽ​കി​യ​ത്.

സ്ത്രീ​ക​ള​ട​ക്ക​മു​ള്ള​വ​രെ റോ​ഡി​ലൂ​ടെ വ​ലി​ച്ചി​ഴ​ച്ചു​നീ​ക്കി അ​റ​സ്റ്റ് ചെ​യ്യു​ന്ന ക​ടു​ത്ത മ​നു​ഷ്യാ​വ​കാ​ശ ലം​ഘ​ന​മാ​ണ്​ മാ​ട​പ്പ​ള്ളി​യി​ൽ അ​ര​ങ്ങേ​റി​യ​ത്. പു​രു​ഷ പൊ​ലീ​സ് ഉ​ള്‍പ്പെ​ടെ​യാ​ണ് വ​നി​താ പ്ര​തി​ഷേ​ധ​ക്കാ​രെ ബ​ലം​പ്ര​യോ​ഗി​ച്ച്​ നീ​ക്കി​യ​ത്. സം​സ്ഥാ​ന​ത്തി​ന്‍റെ മ​നഃ​സാ​ക്ഷി​യെ ഞെ​ട്ടി​ച്ച സം​ഭ​വ​ത്തി​ൽ മ​നു​ഷ്യാ​വ​കാ​ശ ക​മീ​ഷ​ൻ ഇ​ട​പെ​ട​ണ​മെ​ന്നും പ​രാ​തി​യി​ൽ ആ​വ​ശ്യ​പ്പെ​ട്ടു.

45 വ​യ​സ്സ്​​ തോ​ന്നി​ക്കു​ന്ന സ്ത്രീ​ക്ക്​ നേ​രെ പു​രു​ഷ പൊ​ലീ​സു​കാ​ർ ന​ട​ത്തി​യ ക്രൂ​ര​മാ​യ അ​തി​ക്ര​മ​ത്തി​ൽ വ​നി​താ ക​മീ​ഷ​ൻ ഇ​ട​പെ​ട​ൽ ആ​വ​ശ്യ​പ്പെ​ട്ട്​ മ​ഹി​ള കോ​ൺ​ഗ്ര​സ്​ പ്ര​സി​ഡ​ന്‍റ്​ ജേ​ബി മേ​ത്ത​റാ​ണ്​ പ​രാ​തി ന​ൽ​കി​യ​ത്. ന്യാ​യീ​ക​രി​ക്കാ​നാ​കാ​ത്ത അ​തി​ക്ര​മ​മാ​ണ്​ സ്ത്രീ​ക്ക്​ നേ​രെ​യു​ണ്ടാ​യ​തെ​ന്നും കു​ട്ടി​ക​ൾ ഉ​ൾ​പ്പെ​ടെ​യു​ള്ള​വ​ർ​ക്ക്​ നേ​രെ​യും അ​തി​ക്ര​മം ന​ട​ന്നെ​ന്നും​ പ​രാ​തി​യി​ൽ ആ​രോ​പി​ക്കു​ന്നു.