പൾസർ സുനിയുമായി പൊലീസ്​ കൊച്ചിയിൽ തെളിവെടുപ്പ്​ നടത്തി

കൊച്ചി: നടിയെ തട്ടി​കൊണ്ട്​ പോയ കേസിലെ പ്രതി പൾസർ സുനിയുമായി പൊലീസ്​ കൊച്ചി നഗരത്തിൽ തെളിവെടുപ്പ്​ നടത്തി. ​ നടിയുമായി പൾസർ സുനിയും സംഘവും കറങ്ങിയ സ്ഥലങ്ങളിലെത്തി വെള്ളിയാഴ്​ച പുലർച്ചെയാണ്​ പൊലീസ്​ തെളിവെടുപ്പ്​ നടത്തിയത്​. നഗരത്തിലെ കാക്കനാട്​, വെണ്ണല, ഗോൾഡ്​ സൂക്ക്​, എന്നിവടങ്ങളിലായിരുന്നു തെളിവെടുപ്പ്​​.

നടിയെ ആക്രമിക്കുന്ന  ദൃശങ്ങൾ പകർത്തി എന്ന്​ സംശയിക്കുന്ന മൊബൈൽ ഫോൺ ഗോൾഡ്​ സൂക്കിനടുത്തുള്ള ഒാടയിൽ ഉപക്ഷേിച്ചുവെന്നാണ്​ പൾസർ സുനിയുടെ മൊഴി. ഇതി​​െൻറ അടിസ്ഥാനത്തിൽ ഒാടയിൽ പരിശോധന നടത്തിയെങ്കിലും ഫോൺ കണ്ടെത്താൻ കഴിഞ്ഞിട്ടില്ലെന്നാണ്​ സൂചന.

അതേ സമയം നടിയെ തട്ടികൊണ്ട്​ പോയത്​ ആരുടെയും നിർദ്ദേശപ്രകാരമല്ലെന്ന്​ സുനി പൊലീസിന്​ മൊഴി നൽകിയതായാണ്​ റിപ്പോർട്ട്​.  ദൃശ്യങ്ങള്‍ പകര്‍ത്തി ഭീഷണിപ്പെടുത്തി പണംതട്ടലായിരുന്നു ലക്ഷ്യമെന്നും ഒരുമാസമായി ഇതിനുള്ള ആസൂത്രണത്തിലായിരുന്നുവെന്നും ചോദ്യം ചെയ്യലില്‍ പള്‍സര്‍ സുനി വ്യക്തമാക്കിയതെന്നാണ് പൊലീസ്ല്‍ നൽകുന്ന വിവരം.