ഗവാസ്കറി​െൻറ ചികിത്സ: മെഡിക്കൽ ബോർഡ് യോഗം ചേർന്നു

തിരുവനന്തപരും: പരിക്കേറ്റ്  മെഡിക്കൽ കോളജ് ആശുപ​ത്രിയിൽ ചികിത്സയിൽ കഴിയുന്ന പൊലീസ് ഓഫിസർ ഗവാസ്കറി​​​െൻറ ചികിത്സാപുരോഗതി വിലയിരുത്താൻ മെഡിക്കൽ ബോർഡ് യോഗം ചേർന്നു. ആശുപത്രി സൂപ്രണ്ട് ഡോ. എം.എസ്. ഷർമദി​​​​െൻറ അധ്യക്ഷതയിൽ ചേർന്ന യോഗത്തിൽ ന്യൂറോസർജറി, ജനറൽസർജറി, ഇ.എൻ.ടി, ഒഫ്​താൽമോളജി, ഓർത്തോപീഡിക് ഡോക്ടർമാർ പങ്കെടുത്തു.

ഗവാസ്കറി​​​െൻറ കാഴ്ചക്കുള്ള ബുദ്ധിമുട്ടിനു പ്രാഥമിക പരിശോധനയിൽ കാര്യമായ തകരാറ് കണ്ടുപിടിക്കാനായില്ല. അതിനാൽ കണ്ണി​​​െൻറ സൂക്ഷ്മപരിശോധനക്കായി വെള്ളിയാഴ്​ച കണ്ണാശുപത്രിയിൽ എത്തിച്ചേരാൻ ആവശ്യപ്പെട്ടു. തലയുടെ സി.ടി സ്കാൻ റിപ്പോർട്ടി​​​െൻറ കൂടി അടിസ്ഥാനത്തിൽ തുടർചികിത്സകൾ തീരുമാനിക്കുമെന്ന്​ സൂപ്രണ്ട് അറിയിച്ചു.