ആനകൊമ്പ​ുമായി നാലംഗ സംഘം പെരിന്തൽമണ്ണയിൽ അറസ്റ്റിൽ

പെരിന്തൽമണ്ണ: ആനകൊമ്പ​ുമായി നാലംഗ സംഘം പെരിന്തൽമണ്ണയിൽ അറസ്റ്റിൽ. അഗളി ചിറവൂർ വെക്കുകടവ്​ സുബ്രമണിയൻ (51), കോയമ്പത്തൂർ പെരിനായകപാളയം പാലമട കോളനി സ്വദേശികളായ  വീരഭദ്രൻ (32), രംഗസാമി(57), മണ്ണാർക്കാട്​ പള്ളിക്കുറുപ്പ്​ കോഴിശ്ശേരി അഷ്​റഫ്​ (46) എന്നിവ​രാണ് അറസ്റ്റിലായത്. 

പെരിനായകപാളയം പാലമടയിൽ നിന്ന്​ പെരിന്തൽമണ്ണയിലേക്ക്​ കൊണ്ടു വരുന്നതിനിടെയാണ്​ സംഘത്തെ പിടികൂടിയത്​. ഏഴ്​ ലക്ഷം രൂപ വിലവരുമെന്നാണ് പ്രാഥമിക നിഗമനം. പെരിന്തൽമണ്ണ ഡി.വൈ.എസ്​.പി എം.പി മോഹനചന്ദ്ര​ന്‍റെ നേതത്വത്തിലുള്ള പ്രത്യേക അന്വേഷണ സംഘമാണ് പരിശോധനയിൽ പങ്കെടുത്തത്​.