പ​ത്താം ക്ലാ​സ് സെ​ൻ​ഡ് ഓ​ഫ്‌ പാ​ർ​ട്ടി​ കൊഴുപ്പിക്കാൻ ക​ഞ്ചാ​വ്; പൊലീസിനെ ആക്രമിച്ച് വിതരണക്കാരൻ, അറസ്റ്റ്

കാ​സ​ർ​കോ​ട്: പ​ത്താം ക്ലാ​സ് സെ​ൻ​ഡ് ഓ​ഫ്‌ പാ​ർ​ട്ടി​ കൊഴുപ്പിക്കാൻ കഞ്ചാവുമായി വിദ്യാർഥികൾ. കഞ്ചാവ് കൈമാറുന്നത് ശ്രദ്ധയിൽപ്പെട്ട് എത്തിയ പൊലീസിനെ വിതരണക്കാരൻ ആക്രമിച്ചു. ഇയാളെ അറസ്റ്റ് ചെയ്തു. ക​ഞ്ചാ​വ് വി​ൽ​പ​ന ന​ട​ത്തി​യ ക​ള​നാ​ട് സ്വ​ദേ​ശി കെ.​കെ. സ​മീ​റി​നെയാണ് (34) പൊ​ലീ​സ് പി​ടി​കൂ​ടിയത്. ക​ഞ്ചാ​വ് ഉ​പ​യോ​ഗി​ക്കു​ക​യും കൈ​വ​ശം വെ​ക്കു​ക​യും ചെ​യ്ത​തി​ന് വി​ദ്യാ​ർ​ഥി​ക​ൾ​ക്കെ​തി​രെ പൊ​ലീ​സ് റി​പ്പോ​ർ​ട്ട് നൽകി.

സ്കൂ​ൾ വി​ദ്യാ​ഥി​ക​ൾ ല​ഹ​രി വ​സ്തു​ക്ക​ൾ ഉ​പ​യോ​ഗി​ക്കു​ന്ന ര​ഹ​സ്യ വി​വ​രം പൊ​ലീ​സി​ന് ല​ഭി​ച്ച​തി​ന്റെ അ​ടി​സ്ഥാ​ന​ത്തി​ൽ ജി​ല്ല പോ​ലീ​സ് മേ​ധാ​വി ഡി. ​ശി​ല്പ ഐ.​പി.​എ​സി​ന്റെ നി​ർ​ദ്ദേ​ശ പ്ര​കാ​രം ല​ഹ​രി​വി​രു​ദ്ധ സ്‌​ക്വാ​ഡി​ന്റെ നി​രീ​ക്ഷ​ണ​ത്തി​ലാ​യി​രു​ന്നു. തു​ട​ർ​ന്ന് ക​ഴി​ഞ്ഞ ദി​വ​സം പ്ര​സ്തു​ത സ്കൂ​ൾ വി​ദ്യാ​ർ​ഥി​ക​ളു​ടെ എ​സ്.​എ​സ്.​എ​ൽ.​സി സെ​ൻ​ഡ് ഓ​ഫ് പാ​ർ​ട്ടി​ക്ക് ല​ഹ​രി ഉ​പ​യോ​ഗം ഉ​ണ്ടെ​ന്ന വി​വ​രം സ്ഥി​രീ​ക​രി​ക്കു​ക​യും സ​ബ് ഇ​ൻ​സ്‌​പെ​ക്ട​ർ എം.​പി. പ്ര​ദീ​ഷ് കു​മാ​റി​ന്റെ നേ​തൃ​ത്വ​ത്തി​ലു​ള്ള വ​നി​ത പൊ​ലീ​സ് അ​ട​ക്ക​മു​ള്ള സം​ഘം സ്കൂ​ളി​ൽ പ​രി​ശോ​ധ​ന ന​ട​ത്തു​ക​യും ചെയ്തു. സം​ശ​യം തോ​ന്നി​യ വി​ദ്യാ​ർ​ഥി​ക​ളെ പ​രി​ശോ​ധി​ച്ച​തി​ൽ ക​ഞ്ചാ​വ് ക​ണ്ടെ​ത്തു​ക​യു​മാ​യി​രു​ന്നു.

ഇ​വ​രെ ചോ​ദ്യം ചെ​യ്ത​തി​ൽ ക​ഞ്ചാ​വ് ന​ൽ​കി​യ സ​മീ​റി​ന്റെ പേ​ര്‌ പ​റ​യു​ക​യും ചെ​യ്തു. തുടർന്ന് ഇയാളെ പിടിക്കാനുള്ള ശ്രമത്തിനിടെ പൊലീസിനെ ആക്രമിക്കുകയായിരുന്നു. ഭ​ക്ത​ശൈ​വ​ൻ എ​ന്ന പോ​ലീ​സ് ഉ​ദ്യോ​ഗ​സ്ഥ​നെ​യാ​ണ് സമീർ ആ​ക്ര​മി​ച്ച​ത്. ഇ​ദ്ദേ​ഹ​ത്തെ ഗു​രു​ത​ര​മാ​യി പ​രി​ക്കു​പ​റ്റി കാ​സ​ർ​കോ​ട് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.