Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightനോൺ ഹലാൽ ബോർഡ്...

നോൺ ഹലാൽ ബോർഡ് വെച്ചതിന് ആക്രമണമെന്ന പരാതി വ്യാജമെന്ന് പൊലീസ്

text_fields
bookmark_border
non halal
cancel
camera_alt

തുഷാര നന്ദു (ഫയൽ ചിത്രം)

കാക്കനാട്: നോൺ ഹലാൽ ബോർഡ് ​െവച്ചതിന് വനിതസംരംഭകയായ തുഷാര നന്ദുവിനെ യുവാക്കള്‍ ആക്രമിച്ചെന്ന വാര്‍ത്തകള്‍ വ്യാജമെന്ന് ഇൻഫോപാർക്ക് പൊലീസ്. മാധ്യമശ്രദ്ധ നേടാൻ തുഷാരതന്നെ കെട്ടിച്ചമച്ചതാണെന്ന്​ അന്വേഷണത്തിൽ പൊലീസ് കണ്ടെത്തി. ഇൻഫോപാർക്കിനടുത്ത് നിലംപതിഞ്ഞിമുകളിൽ കട നടത്തുന്നതുമായി ബന്ധപ്പെട്ട് യുവാക്കൾക്ക് നേരെ തുഷാരയും ഭർത്താവും സുഹൃത്തും ചേർന്ന് ആക്രമണം അഴിച്ചുവിടുകയും ഒരാളെ വെട്ടിപ്പരിക്കേൽപിക്കുകയും ചെയ്തിരുന്നു. ഈ കേസി​െൻറ സുഗമമായ അന്വേഷണം തടസ്സപ്പെടുത്താനാണ് കഥ മെനഞ്ഞതെന്ന് പൊലീസ് വ്യക്തമാക്കി.

നിലംപതിഞ്ഞിമുകൾ ഭാഗത്തെ ഫുഡ് കോർട്ടിൽ ബോംബേ ചാട്ട്, ബേൽപൂരി എന്നിവ വിൽക്കുന്ന നകുൽ എന്ന യുവാവി​െൻറ പാനിപൂരി സ്​റ്റാൾ തുഷാരയും ഭർത്താവ് അജിത്തും മറ്റ് രണ്ടുപേരുംകൂടി പൊളിച്ചുമാറ്റിയിരുന്നു. ഇത് ചോദ്യം ചെയ്ത നകുലിനെയും സുഹൃത്ത് ബിനോജ് ജോർജിനെയും ആക്രമിച്ച് ഗുരുതരമായി വെട്ടിപ്പരിക്കേൽപിച്ചു. തുടർന്ന് നകുലും സുഹൃത്തും ചേർന്ന് ആക്രമി​െച്ചന്നും അസഭ്യം പറ​െഞ്ഞന്നും സ്ത്രീത്വത്തെ അപമാനി​െച്ചന്നും ചൂണ്ടിക്കാട്ടി കേസ് നൽകി.

ഇൻഫോപാർക്ക് പൊലീസ് നടത്തിയ അന്വേഷണത്തിൽ തുഷാരയും ഭർത്താവ് അജിത്തും കൂട്ടാളികളും ചേർന്ന് നടത്തിയ സംഘടിത ആക്രമണമാണ് ഇതെന്ന് കണ്ടെത്തി. ഫുഡ് കോർട്ടിലെ കടയിൽ തനിക്ക് അവകാശമു​െണ്ടന്ന് പറഞ്ഞായിരുന്നു ആക്രമണം അഴിച്ചുവിട്ടത്​. എന്നാൽ, ഫുഡ് കോർട്ടി​െൻറ ഉടമസ്ഥതയെയും നടത്തിപ്പിനെയും സംബന്ധിച്ച് കേസുകൾ നിലവിലുണ്ടെന്നും പൊലീസ് വ്യക്തമാക്കി. ആക്രമണത്തിൽ ഗുരുതര പരിക്കേറ്റ ബിനോജ് ജോർജ് ശസ്ത്രക്രിയക്ക് ശേഷം ചികിത്സയിലാണ്.

തുഷാരയുടെ ഭർത്താവ് അജിത് ചേരാനല്ലൂർ പൊലീസ് രജിസ്​റ്റർ ചെയ്ത കൊലപാതകം ഉൾപ്പെടെ നിരവധി കേസുകളിലെ പ്രതിയാണെന്നും കൂട്ടുപ്രതിയായ അപ്പുവിനെതിരെ നിരവധി ക്രിമിനൽ കേസുകൾ ഉ​െണ്ടന്നും പൊലീസ് പറഞ്ഞു.

അതേസമയം, നോൺ ഹലാൽ ബോർഡ്​ വെച്ച ഹോട്ടലുടമക്കെതിരെ കേരളത്തിൽ ആക്രമണം എന്ന തരത്തിൽ ദേശീയ മാധ്യമങ്ങളിൽ വൻ പ്രചരണമാണ്​ നടക്കുന്നത്​. ജിഹാദികളെ സംരക്ഷിക്കുന്ന ഭരണകൂടവും പൊലീസും തന്നെ പോയെുള്ള ഹിന്ദുക്കളെ തകർക്കുകയാണ്​, ഒാരോ ഹിന്ദുവും ഇത്​ തിരിച്ചറിയണം തുടങ്ങിയ വിദ്വേഷ പ്രസ്​താവനകളുമായി തുഷാര നന്ദുവിന്‍റെ വിഡിയോ സന്ദേശവും വ്യാപകമായി പ്രചരിപ്പിക്കുന്നുണ്ട്​.


Show Full Article
TAGS:Hatred 
News Summary - Police say complaint of assault for setting up non-halal board is false
Next Story