കല രാജുവിന്റെ മകനെതിരായ പരാതി വ്യാജമെന്ന് പൊലീസ്

കൂ​ത്താ​ട്ടു​കു​ളം (കൊ​ച്ചി): കൂത്താട്ടുകുളത്ത് തട്ടിക്കൊണ്ടുപോയ കൗൺസിലർ കല രാജുവിന്റെ മകനെതിരായ പരാതി വ്യാജമാണെന്ന് പൊലീസ്. കൗൺസിലറുടെ മകൻ ബാലുവും സ​ുഹൃത്തുക്കളും ചേർന്ന് കമ്പിവടികൊണ്ട് ആക്രമിച്ചെന്നാണ് സി.ഐ.ടി.യു പ്രവർത്തകന്റെ പരാതി. ആക്രമണം നടന്നെന്ന് പറയുന്ന സമയത്ത് എറണാകുളത്തായിരുന്നുവെന്ന് ബാലു പൊലീസിന് മൊഴി നൽകി.

കഴിഞ്ഞ ദിവസം കൂ​ത്താ​ട്ടു​കു​ളം ന​ഗ​ര​സ​ഭ അ​ധ്യ​ക്ഷ​ക്കെ​തി​രാ​യ അ​വി​ശ്വാ​സ​പ്ര​മേ​യ​ത്തി​ൽ പ​ങ്കെ​ടു​ക്കാ​നെ​ത്തി​യ എ​ൽ.​ഡി.​എ​ഫ് കൗ​ൺ​സി​ല​ർ ക​ല രാ​ജു​വി​നെ സി.​പി.​എ​മ്മു​കാ​ർ ത​ട്ടി​ക്കൊ​ണ്ടു​പോ​യ സം​ഭ​വ​ത്തി​ൽ വിവിധ കേ​സു​ക​ൾ ര​ജി​സ്റ്റ​ർ ചെ​യ്തിരിക്കുകയാണ്. സം​ഭ​വ​ത്തെ​തു​ട​ർ​ന്ന് യു.​ഡി.​എ​ഫ്​ ന​ട​ത്തി​യ പൊ​ലീ​സ് സ്റ്റേ​ഷ​ൻ ഉ​പ​രോ​ധ​ത്തി​ന്​ അ​നൂ​പ് ജേ​ക്ക​ബ് എം.​എ​ൽ.​എ ഉ​ൾ​പ്പെ​ടെ 50ഓ​ളം യു.​ഡി.​എ​ഫ് പ്ര​വ​ർ​ത്ത​ക​ർ​ക്കെ​തി​രാ​യ കേ​സാ​ണ് അ​തി​ലൊ​ന്ന്. ത​ട്ടി​ക്കൊ​ണ്ടു​പോ​ക​ൽ സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് കൂ​ത്താ​ട്ടു​കു​ളം ഏ​രി​യ സെ​ക്ര​ട്ട​റി​യ​ട​ക്കം 25ഓ​ളം എ​ൽ.​ഡി.​എ​ഫ് നേ​താ​ക്ക​ൾ​ക്കെ​തി​രെ​യും കേ​സ്​ ര​ജി​സ്റ്റ​ർ ചെ​യ്തു.

ന​ഗ​ര​സ​ഭ ചെ​യ​ർ​പേ​ഴ്‌​സ​ൻ വി​ജ​യ ശി​വ​ൻ, കൗ​ൺ​സി​ല​ർ സു​മ വി​ശ്വം​ഭ​ര​ൻ, അം​ബി​ക രാ​ജേ​ന്ദ്ര​ൻ എ​ന്നി​വ​രെ അ​പ​മാ​നി​ച്ചെ​ന്ന പ​രാ​തി​യി​ൽ യു.​ഡി.​എ​ഫ് നേ​താ​ക്ക​ൾ​ക്കെ​തി​രെ മ​റ്റൊ​രു കേ​സും എ​ടു​ത്തി​ട്ടു​ണ്ട്. ഐ.​പി.​സി 354 പ്ര​കാ​രം കെ.​ആ​ർ. ജ​യ​കു​മാ​ർ, പി.​സി. ജോ​സ്, പ്രി​ൻ​സ് പോ​ൾ ജോ​ൺ, റെ​ജി ജോ​ൺ, ബോ​ബ​ൻ വ​റു​ഗീ​സ് എ​ന്നി​വ​ർ​ക്കും ക​ണ്ടാ​ല​റി​യാ​വു​ന്ന 50 പേ​ർ​ക്കു​മെ​തി​രെ​യാ​ണ് കേ​സ്.

പൊ​ലീ​സ് സ്റ്റേ​ഷ​ൻ ഉ​പ​രോ​ധ കേ​സി​ൽ നാ​ലാം പ്ര​തി​യാ​ണ് അ​നൂ​പ് ജേ​ക്ക​ബ് എം.​എ​ൽ.​എ. ന​ഗ​ര​സ​ഭ പ്ര​തി​പ​ക്ഷ നേ​താ​വ് പ്രി​ൻ​സ് പോ​ൾ ജോ​ൺ, കൗ​ൺ​സി​ല​ർ​മാ​രാ​യ ഭാ​സ്ക​ര​ൻ, ബോ​ബ​ൻ വ​ർ​ഗീ​സ്, കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ൻ​റ് റെ​ജി ജോ​ൺ എ​ന്നി​വ​രാ​ണ് മ​റ്റ് പ്ര​തി​ക​ൾ. സി.​പി.​എം കൗ​ൺ​സി​ല​റാ​യ ക​ല രാ​ജു യു.​ഡി.​എ​ഫ് കൗ​ൺ​സി​ല​ർ​മാ​ർ​ക്കൊ​പ്പം വോ​ട്ട് ചെ​യ്യാ​നെ​ത്തി​യ​പ്പോ​ൾ ത​ട​ഞ്ഞു​നി​ർ​ത്തി കൈ​യേ​റ്റം ചെ​യ്ത​തി​നാ​ണ് എ​ൽ.​ഡി.​എ​ഫ് നേ​താ​ക്ക​ൾ​ക്കെ​തി​രെ കേ​​സെ​ടു​ത്ത​ത്.

സി.​പി.​എം ഏ​രി​യ സെ​ക്ര​ട്ട​റി പി.​ബി. ര​തീ​ഷ്, ലോ​ക്ക​ൽ ക​മ്മി​റ്റി സെ​ക്ര​ട്ട​റി ഫെ​ബീ​ഷ് ജോ​ർ​ജ്, ഷാ​ജി ജോ​ർ​ജ് എ​ന്നി​വ​ർ​ക്കും ക​ണ്ടാ​ല​റി​യാ​വു​ന്ന 25 പേ​ർ​ക്കു​മെ​തി​രെ​യാ​ണ് കേ​സ്. അ​മ്മ​യെ ത​ട്ടി​ക്കൊ​ണ്ടു​പോ​യെ​ന്ന ക​ല രാ​ജു​വി​ന്‍റെ മ​ക​ന്‍റെ പ​രാ​തി​യി​ൽ ശ​നി​യാ​ഴ്ച ത​ന്നെ എ​ൽ.​ഡി.​എ​ഫ് നേ​താ​ക്ക​ൾ​ക്കെ​തി​രെ കേ​സെ​ടു​ത്തി​രു​ന്നു.