Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅൻവിതയെ പിതാവ്...

അൻവിതയെ പിതാവ് കൊലപ്പെടുത്തിയതെന്ന് പൊലീസ്; സോനയെ ചെരുപ്പുകൊണ്ടടിച്ച് പുഴയിൽ തള്ളാൻ ശ്രമിച്ചു

text_fields
bookmark_border
anvitha
cancel
camera_alt

അൻവിത

കണ്ണൂർ: പാനൂരിലെ ഒന്നര വയസുകാരി അൻവിതയുടേതത് കൊലപാതകമെന്ന് സിറ്റി പൊലീസ് കമീഷണർ. ഒളിവിൽ കഴിയുന്ന ഷിജുവിനെ കുറിച്ച് സൂചനകൾ ലഭിച്ചെന്ന് സിറ്റി പൊലീസ് കമീഷണർ ആർ. ഇളങ്കോ പറഞ്ഞു. കുഞ്ഞിനെ കൊലപ്പെടുത്തിയതിന് പുറമെ ഭാര്യയെ കൊലപ്പെടുത്താന്‍ ശ്രമിച്ചതിനും ഷിജുവിനെതിരേ കേസെടുത്തിട്ടുണ്ട്. ത​ല​ശേ​രി എ​.സി​.പി വി​ഷ്ണു പ്ര​ദീ​പി​ന്‍റെ നേ​തൃ​ത്വ​ത്തി​ലു​ള​ള പോ​ലീ​സ് സം​ഘം ഇ​ന്ന​ലെ രാ​ത്രി ത​ന്നെ സം​ഭ​വ​സ്ഥ​ല​ത്ത് എ​ത്തി​യി​രു​ന്നു. ഒ​ളി​വി​ലു​ള്ള ഷി​ജു​വി​നെ ക​ണ്ടെ​ത്താ​നാ​യി പോ​ലീ​സ് ഊ​ർ​ജി​ത​മാ​യ അ​ന്വേ​ഷ​ണം ന​ട​ത്തി വ​രി​ക​യാ​ണ്.​

പ്രതിയെ കണ്ടെത്താനുള്ള ശ്രമം ഊർജിതമാണെന്നും പ്രതിയെ കുറിച്ച് ലഭിച്ച വിവരങ്ങൾ വെളിപ്പെടുത്താനായിട്ടില്ലെന്നും പൊലീസ് അറിയിച്ചു. അൻവിതയെ കൊലപ്പെടുത്തിയതിനും സോനയെ കൊല്ലാൻ ശ്രമിച്ചതിനും കേസെടുത്തിട്ടുണ്ട്. ഭാര്യയും കുഞ്ഞിനെയും ആസൂത്രിതമായി കൊലപ്പെടുത്താനുള്ള തന്ത്രമാണ് ഭർത്താവായ ഷി​ജു നടത്തിയതെന്നു ദൃക്സാക്ഷികളുടെ മൊഴിയിൽനിന്നു വ്യക്തമായതായി പൊലീസ് പറഞ്ഞു.

പാനൂർ പാത്തിപ്പാലത്ത് അമ്മയെയും കുഞ്ഞിനേയും പുഴയിൽ വീണ നിലയിൽ ഇന്നലെ രാത്രി ഏഴരയോടെയാണ് കണ്ടെത്തിയത്. പാത്തിപ്പാലം വളള്യായി റോഡിൽ ചാത്തൻമൂല ഭാഗത്തെ പുഴയിലാണ് ദുരുഹ സാഹചര്യത്തിൽ അമ്മയെയും കുഞ്ഞിനെയും കണ്ടത്. അമ്മയുടെ നിലവിളി കേട്ട നാട്ടുകാർ ഓടിയെത്തി സോനയെ രക്ഷപ്പെടുത്തുകയായിരുന്നു. ഒന്നര വയസുകാരി അൻവിത മരിച്ചു.

കുഞ്ഞിനെ പുഴയിൽ തള്ളിയതിനു പിന്നാലെ സോനയെയും തള്ളി. പു​ഴ​യി​ലേ​ക്കു വീ​ണ അ​ൻ​വി​ത ത​ത്ക്ഷ​ണം മ​രിച്ചു.താ​ഴെ വീ​ഴാ​തെ കൈ​വ​രി​യി​ൽ പി​ടി​ച്ചുനി​ന്ന സോ​ന​യു​ടെ കൈ​യിൽ ചെ​രു​പ്പുകൊ​ണ്ട് ഇയാൾ പലവട്ടം അടിച്ചു. പിടിവിടുവിച്ചു താ​ഴേ​ക്കു വീ​ഴ്ത്താനായിരുന്നു ഇത്. സമീപത്തുള്ളവർ എത്തിയതോടെ ഷിജു സ്ഥലം വിടുകയായിരുന്നു.

ഭാ​ര്യ​യെ​യും മ​ക​ളെ​യും ബൈ​ക്കി​ൽ പു​ഴ​ക്ക​ര​യി​ൽ എ​ത്തി​ച്ചാ​ണ് ഷി​ജു കൊ​ല​പാ​ത​കം ന​ട​ത്തി​യ​തെ​ന്നാ​ണ് പോ​ലീ​സ് പ​റ​യു​ന്ന​ത്.​ത​ല​ശേ​രി ജ​ന​റ​ൽ ആ​ശു​പ​ത്രി മോ​ർ​ച്ച​റി​യി​ൽ സൂ​ക്ഷി​ച്ച അ​ൻ​വി​ത​യു​ടെ മൃ​ത​ദേ​ഹം ക​തി​രൂ​ർ എ​സ്.ഐ കെ.​വി.​ഉ​മേ​ഷി​ന്‍റെ നേ​തൃ​ത്വ​ത്തി​ൽ പോ​ലീ​സ് പോ​സ്റ്റ്മോ​ർ​ട്ടം ന​ട​ത്തി.​അ​ൻ​വി​ത മ​രി​ച്ച വി​വ​രം ഇ​തു​വ​രെ സോ​ന​യെ അ​റി​യി​ച്ചി​ട്ടി​ല്ല.

ത​ല​ശേ​രി കോ​ട​തി​യി​ലെ ജീ​വ​ന​ക്കാ​ര​നാ​ണ് ഷി​ജു.​ കൊ​ല്ലേ​രി യു​.പി സ്കൂ​ൾ അ​ധ്യാ​പി​ക​യാ​ണ് സോ​ന. ക്രൂ​ര​കൃ​ത്യം ന​ട​ത്താ​ൻ ഷി​ജു​വി​നെ പ്രേ​രി​പ്പി​ച്ച കാ​ര​ണ​മെ​ന്താ​ണെന്നു പൊ​ലീ​സിന് വ്യ​ക്ത​മാ​യി​ട്ടി​ല്ല.

Show Full Article
TAGS:
News Summary - Police say panoor Anvitha was killed by her father
Next Story