സമാനമായ മറ്റുകേസുകളിലും വിദ്യ പ്രതിയെന്ന് പൊലീസ്

പാ​ല​ക്കാ​ട്: വ്യാ​ജ​രേ​ഖ കേ​സി​ൽ പ്ര​തി​യാ​യ മു​ൻ എ​സ്.​എ​ഫ്.​ഐ നേ​താ​വ് കെ. ​വി​ദ്യ സ​മാ​ന​മാ​യ മ​റ്റു​കേ​സു​ക​ളി​ലും പ്ര​തി​യെ​ന്ന് ക​സ്റ്റ​ഡി റി​പ്പോ​ർ​ട്ട്. നീ​ലേ​ശ്വ​രം പൊ​ലീ​സ് സ്റ്റേ​ഷ​നി​ലും എ​റ​ണാ​കു​ളം സെ​ൻ​ട്ര​ൽ ​പൊ​ലീ​സ് സ്റ്റേ​ഷ​നി​ലും വി​ദ്യ​ക്കെ​തി​രെ സ​മാ​ന​മാ​യ കേ​സു​ക​ളു​ണ്ട്. ഇ​തി​ൽ​നി​ന്ന് പ്ര​തി​യു​ടെ ക്രി​മി​ന​ൽ പ​ശ്ചാ​ത്ത​ലം വ്യ​ക്ത​മാ​ണെ​ന്നും പൊ​ലീ​സ് ക​സ്റ്റ​ഡി റി​പ്പോ​ർ​ട്ടി​ൽ പ​റ​യു​ന്നു.

കോ​ട​തി​യി​ല്‍ സ​മ​ര്‍പ്പി​ച്ച റി​മാ​ന്‍ഡ് റി​പ്പോ​ര്‍ട്ടി​ല്‍ വി​ദ്യ​യു​ടെ ഒ​ളി​യി​ടം പൊ​ലീ​സ് വ്യ​ക്ത​മാ​ക്കി​യി​രു​ന്നി​ല്ല. ഒ​ളി​വി​ലാ​യി​രു​ന്ന വി​ദ്യ​യെ കോ​ഴി​ക്കോ​ട് മേ​പ്പ​യൂ​ർ കു​ട്ടോ​ത്തു​നി​ന്നാ​ണ് ക​സ്റ്റ​ഡി​യി​ലെ​ടു​ത്ത​തെ​ന്നാ​യി​രു​ന്നു പൊ​ലീ​സ് അ​റി​യി​ച്ച​ത്. എ​ന്നാ​ല്‍, വി​ദ്യ ഒ​ളി​വി​ല്‍ ക​ഴി​ഞ്ഞ​ത് വ​ട​ക​ര വി​ല്യാ​പ​ള്ളി​യി​ലാ​ണെ​ന്നാ​ണ് ക​സ്റ്റ​ഡി റി​പ്പോ​ര്‍ട്ട്.ക​ട്ട​ക​ത്ത് വി.​ആ​ര്‍ നി​വാ​സി​ല്‍ രാ​ഘ​വ​ന്‍റെ വീ​ട്ടി​ല്‍നി​ന്ന് ബു​ധ​നാ​ഴ്ച വൈ​കീ​ട്ട് 5.40നാ​യി​രു​ന്നു ക​സ്റ്റ​ഡി​യെ​ന്നും വ്യ​ക്ത​മാ​ക്കു​ന്നു​ണ്ട്.

കേസിന് പിന്നിൽ രാഷ്ട്രീയ ഗൂഢാലോചന -വിദ്യ

അ​ഗ​ളി: ത​നി​ക്കെ​തി​രെ​യു​ള്ള കേ​സ് കെ​ട്ടി​ച്ച​മ​ച്ച​താ​ണെ​ന്നും കേ​സി​ന് പി​ന്നി​ൽ രാ​ഷ്ട്രീ​യ ഗൂ​ഢാ​ലോ​ച​ന​യാ​ണെ​ന്നും കെ. ​വി​ദ്യ. അ​ട്ട​പ്പാ​ടി ആ​ർ.​ജി.​എം കോ​ള​ജ് പ്രി​ൻ​സി​പ്പ​ൽ ഉ​ൾ​പ്പെ​ടെ​യു​ള്ള​വ​രാ​ണ് ഗൂ​ഢാ​ലോ​ച​ന ന​ട​ത്തി​യ​ത്. കേ​സു​മാ​യി ഏ​ത​റ്റം​വ​രെ പോ​കേ​ണ്ടി വ​ന്നാ​ലും നി​യ​മ​പ​ര​മാ​യി നേ​രി​ടു​ക ത​ന്നെ ചെ​യ്യു​മെ​ന്നും മാ​ധ്യ​മ​ങ്ങ​ൾ​ക്ക് മു​ന്നി​ൽ വി​ദ്യ വ്യ​ക്ത​മാ​ക്കി.

മ​ണ്ണാ​ർ​ക്കാ​ട് കോ​ട​തി​യി​ലേ​ക്ക് കൊ​ണ്ടു​പോ​കു​മ്പോ​ൾ അ​ഗ​ളി​യി​ൽ പൊ​ലീ​സ് വാ​ഹ​ന​ത്തി​ൽ ക​യ​റ​വെ​യാ​യി​രു​ന്നു വി​ദ്യ​യു​ടെ പ്ര​തി​ക​ര​ണം. ത​ന്റെ പേ​രി​ലു​ള്ള കേ​സ് മാ​ധ്യ​മ​ങ്ങ​ൾ ആ​വ​ശ്യ​ത്തി​ല​ധി​കം ആ​ഘോ​ഷി​ച്ചു.

ഇ​ത് വ്യാ​ജ​മാ​യി ഉ​ണ്ടാ​ക്കി​യ കേ​സാ​ണെ​ന്ന് നി​ങ്ങ​ൾ​ക്കും എ​നി​ക്കും അ​റി​യാ​മ​ല്ലോ. നി​യ​മ​പ​ര​മാ​യി നേ​രി​ടു​ക ത​ന്നെ ചെ​യ്യും. കൂ​ടു​ത​ലൊ​ന്നും പ​റ​യാ​നി​ല്ല. മ​റ്റെ​ല്ലാം കോ​ട​തി​യി​ൽ -വി​ദ്യ പ​റ​ഞ്ഞു.

ഗൂ​ഢാ​ലോ​ച​നയില്ല -പ്രിൻസിപ്പൽ

പാ​ല​ക്കാ​ട്: വ്യാ​ജ​രേ​ഖ കേ​സി​ല്‍ ഗൂ​ഢാ​ലോ​ച​ന ന​ട​ത്തി​യെ​ന്ന കെ. ​വി​ദ്യ​യു​ടെ ആ​രോ​പ​ണം ത​ള്ളി അ​ട്ട​പ്പാ​ടി രാ​ജീ​വ് ഗാ​ന്ധി മെ​മ്മോ​റി​യ​ല്‍ ഗ​വ. കോ​ള​ജ് പ്രി​ന്‍സി​പ്പ​ൽ ലാ​ലി​മോ​ള്‍. താ​ന്‍ ഒ​രു ഗൂ​ഢാ​ലോ​ച​ന​യും ന​ട​ത്തി​യി​ട്ടി​ല്ല.

ഇ​ന്റ​ര്‍വ്യൂ ബോ​ര്‍ഡി​ലു​ള്ള​വ​രാ​ണ് ത​ന്നോ​ട് സ​ര്‍ട്ടി​ഫി​ക്ക​റ്റി​ന്റെ കാ​ര്യം പ​റ​യു​ന്ന​ത്. ഉ​ത്ത​ര​വാ​ദ​പ്പെ​ട്ട സ്ഥാ​ന​ത്തി​രു​ന്ന് അ​ധ​ര്‍മം പ്ര​വ​ര്‍ത്തി​ക്കി​ല്ല.

ധ​ര്‍മ​ത്തി​ന്റെ പ​ക്ഷ​ത്തേ നി​ല്‍ക്കു​ക​യു​ള്ളൂ. ഒ​രു കു​ട്ടി​യോ​ടും വി​വേ​ച​നം കാ​ണി​ച്ചി​ട്ടി​ല്ല, കാ​ണി​ക്കു​ക​യു​മി​ല്ല. വ്യാ​ജ​രേ​ഖ​യാ​ണെ​ന്ന​ത് ശ്ര​ദ്ധ​യി​ൽ​പ്പെ​ട്ട​പ്പോ​ള്‍, ആ​ത്മാ​ര്‍ഥ​മാ​യി ക​ട​മ നി​ര്‍വ​ഹി​ക്കു​ക മാ​ത്ര​മാ​ണ് ചെ​യ്ത​ത്. അ​വ​രു​ടെ ആ​രോ​പ​ണ​ത്തി​ന് താ​ന്‍ ഉ​ത്ത​ര​വാ​ദി​യ​ല്ല. ഒ​രി​ക്ക​ലും വ​ഴി​വി​ട്ട ഇ​ട​പെ​ട​ല്‍ ന​ട​ത്തി​യി​ട്ടി​ല്ലെ​ന്നും ലാ​ലി​മോ​ള്‍ വ്യ​ക്ത​മാ​ക്കി.