നദീറി​െൻറ വീട്ടിൽ പൊലീസ് റെയ്​ഡ്​

കോഴിക്കോട്​: രാജ്യദ്രോഹക്കുറ്റം ചുമത്തി അറസ്​റ്റ്​ ചെയ്ത ശേഷം വിട്ടയച്ച മനുഷ്യാവകാശ പ്രവർത്തകൻ നദീറി​​െൻറ വീട്ടിൽ പൊലീസ്​ റെയ്​ഡ്​. നദീറി​​െൻറ വീട്ടിൽ ആറളം പൊലീസാണ്​ റെയ്​ഡ്​ നടത്തുന്നത്​.

അറസ്റ്റിനെതിരെ വ്യാപക പ്രതിഷേധം ഉയർന്ന സാഹചര്യത്തിലായിരുന്നു നേരത്തെ​ നദീറിനെ പൊലീസ്​ വിട്ടയച്ചത്​. എന്നാൽ യുവാവിനെതിരെ  കേസെടുക്കാൻ മതിയായ തെളിവുകള്‍ ലഭിക്കാത്ത സാഹചര്യത്തിൽ ​വിട്ടയച്ചെന്നാണ്​​ പൊലീസ്​ പറയുന്നത്​. പൊലീസ്​ ചെയ്​തിക്കെതിരെ സി.പി.എം സംസ്ഥാന സെക്രട്ടറി ​കോടിയേരി  ബാലകൃഷ്ണനും രംഗത്തെത്തിയിരുന്നു.

ഇരിട്ടി ആറളത്തെ വിയറ്റ്നാം ആദിവാസി കോളനിയില്‍ തോക്കുചൂണ്ടി ഭീഷണിപ്പെടുത്തി മാവോവാദി പ്രസിദ്ധീകരണമായ ‘കാട്ടുതി’ പ്രചരിപ്പിച്ചുവെന്ന കുറ്റത്തിനാണ് കോഴിക്കോട്​ നന്മണ്ട സ്വദേശി കെ.പി. നദീര്‍ എന്ന നദി ഗുല്‍മോഹറിനെ (26) മെഡിക്കല്‍ കോളജ് പൊലീസ് അറസ്​റ്റ്​ ചെയ്​തത്​.