ആർച് ബിഷപ്പിന് പൊലീസ് സംരക്ഷണം: ഇടക്കാല ഉത്തരവിന്‍റെ കാലാവധി വീണ്ടും നീട്ടി

കൊച്ചി: സിറോ മലബാർ സഭ അപ്പസ്‌തോലിക് അഡ്മിനിസ്‌ട്രേറ്റർ ആർച് ബിഷപ് ആൻഡ്രൂസ് താഴത്തിന് പൊലീസ് സംരക്ഷണം നൽകാനുള്ള ഇടക്കാല ഉത്തരവിന്‍റെ കാലാവധി ഹൈകോടതി വീണ്ടും നീട്ടി. പൊലീസ് സംരക്ഷണം തേടി ആൻഡ്രൂസ് താഴത്ത് നൽകിയ ഹരജി വീണ്ടും പരിഗണിക്കുന്ന ഡിസംബർ 22 വരെയാണ് ഉത്തരവിന്‍റെ കാലാവധി നീട്ടിയത്.ജീവന് ഭീഷണിയുണ്ടെന്ന് ചൂണ്ടിക്കാട്ടി ആർച് ബിഷപ് നൽകിയ ഹരജിയിൽ ജസ്റ്റിസ് അനു ശിവരാമൻ നേരത്തേ ഇടക്കാല ഉത്തരവ് പുറപ്പെടുവിച്ചിരുന്നു.