ട്രെ​യി​നി​ൽ​നി​ന്ന് വീ​ണ​യാ​ൾ​ക്ക് ര​ക്ഷ​ക​നാ​യി പൊ​ലീ​സ് ഉ​ദ്യോ​ഗ​സ്ഥ​ൻ

ത​ല​ശ്ശേ​രി: റെ​യി​ൽ​വേ സ്റ്റേ​ഷ​നി​ൽ​നി​ന്ന് നീ​ങ്ങിത്തു​ട​ങ്ങി​യ ട്രെ​യി​നി​ൽ ക​യ​റു​ന്ന​തി​നി​ടെ ട്രാ​ക്കി​ലേ​ക്ക് കാ​ൽ​വ​ഴു​തി വീ​ണ യാ​ത്ര​ക്കാ​ര​നെ റെ​യി​ൽ​വേ പൊ​ലീ​സ് ഉ​ദ്യോ​ഗ​സ്ഥ​ൻ ര​ക്ഷി​ച്ചു. വ്യാ​ഴാ​ഴ്ച രാ​വി​ലെ ത​ല​ശ്ശേ​രി റെ​യി​ൽ​വേ സ്റ്റേ​ഷ​നി​ലാ​യി​രു​ന്നു സം​ഭ​വം. ക​ണ്ണൂ​ർ ജി.​ആ​ർ.​പി​യി​ലെ എ.​എ​സ്.​ഐ പി. ​ഉ​മേ​ഷാ​ണ് ര​ക്ഷ​ക​നാ​യ​ത്.

കൊ​ച്ചു​വേ​ളി -മും​ബൈ എ​ക്സ്പ്ര​സ് (ടി.​ആ​ർ ന​മ്പ​ർ 22114) ത​ല​ശ്ശേ​രി​ലെ​ത്തി​യ​പ്പോ​ഴാ​ണ് സം​ഭ​വം. ട്രെ​യി​നി​ൽ​നി​ന്ന് ചാ​യ വാ​ങ്ങു​ന്ന​തി​ന് പ്ലാ​റ്റ്ഫോ​മി​ലി​റ​ങ്ങി​യ യാ​ത്ര​ക്കാ​ര​ൻ തി​രി​ച്ച് ചാ​യ​യു​മാ​യി ക​യ​റാ​നൊ​രു​ങ്ങു​മ്പോ​ൾ ട്രെ​യി​ൻ നീ​ങ്ങി​ത്തു​ട​ങ്ങി​യി​രു​ന്നു.

നീ​ങ്ങി​ത്തു​ട​ങ്ങി​യ ട്രെ​യി​നി​ലേ​ക്ക് ചാ​യ​യു​മാ​യി ക​യ​റു​ന്ന​തി​നി​ടെ മും​ബൈ ബോ​ർ​വാ​ളി സ്വ​ദേ​ശി ച​ന്ദ്ര​കാ​ന്ത് (72) പ്ലാ​റ്റ്ഫോ​മി​ലേ​ക്ക് തെ​ന്നിവീ​ഴു​ക​യാ​യി​രു​ന്നു.

പ്ലാ​റ്റ്ഫോ​മി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന റെ​യി​ൽ​വേ പൊ​ലീ​സ് എ.​എ​സ്.​ഐ പി. ​ഉ​മേ​ഷ് ത​ത്സ​മ​യം സം​ഭ​വം കാ​ണാ​നി​ട​യാ​യി. ഉ​ട​ൻ ഓ​ടി​യെ​ത്തി യാ​ത്ര​ക്കാ​ര​നെ ര​ക്ഷ​പ്പെ​ടു​ത്തു​ക​യാ​യി​രു​ന്നു.

ഡ്യൂ​ട്ടി​ക്കി​ടെ ഒ​രു ജീ​വ​ൻ ര​ക്ഷി​ക്കാ​ൻ സാ​ധി​ച്ച​തി​ൽ സ​ന്തോ​ഷ​മു​ണ്ടെ​ന്ന് എ.​എ​സ്.​ഐ പി. ​ഉ​മേ​ഷ് പ​റ​ഞ്ഞു. ട്രെ​യി​നി​ലെ തി​ര​ക്കും സു​ര​ക്ഷ ഉ​ദ്യോ​ഗ​സ്ഥ​രു​ടെ നി​ർ​ദേ​ശ​ങ്ങ​ൾ അ​വ​ഗ​ണി​ക്കു​ന്ന​തു​മെ​ല്ലാം കാ​ര​ണം ഇ​ത്ത​ര​ത്തി​ലു​ള്ള അ​പ​ക​ട​ങ്ങ​ൾ അ​ടു​ത്തി​ടെ വ​ർ​ധി​ക്കു​ക​യാ​ണ്.