തട്ടുകടയിലെ സംഘർഷത്തിൽ ഇടപെട്ട പൊലീസുകാരനെ ക്രിമിനൽ കേസ്​ പ്രതി ചവിട്ടിക്കൊന്നു

ഏ​റ്റു​മാ​നൂ​ർ (കോ​ട്ട​യം): ത​ട്ടു​ക​ട​യി​ലെ സം​ഘ​ർ​ഷ​ത്തി​ൽ ഇ​ട​പെ​ട്ട പൊ​ലീ​സ്​ ഡ്രൈ​വ​റെ ക്രി​മി​ന​ൽ കേ​സ്​ പ്ര​തി ച​വി​ട്ടി​ക്കൊ​ന്നു. കോ​ട്ട​യം വെ​സ്റ്റ്​ പൊ​ലീ​സ്​ സ്​​റ്റേ​ഷ​നി​ലെ പൊ​ലീ​സ് കോ​ൺ​സ്റ്റ​ബി​ൾ ഡ്രൈ​വ​ർ മാ​ഞ്ഞൂ​ര്‍ ത​ട്ടാം​പ​റ​മ്പി​ല്‍ (ചി​റ​യി​ല്‍) ശ്യാം​പ്ര​സാ​ദാ​ണ്​ (44) ദാ​രു​ണ​മാ​യി കൊ​ല്ല​പ്പെ​ട്ട​ത്. സം​ഭ​വ​ത്തി​ൽ ഗു​ണ്ട ലി​സ്റ്റി​ൽ ഉ​ൾ​പ്പെ​ട്ട കോ​ട്ട​യം പെ​രു​മ്പാ​യി​ക്കാ​ട് ആ​നി​ക്ക​ല്‍ ജി​ബി​ന്‍ ജോ​ർ​ജി​നെ (27) ഏ​റ്റു​മാ​നൂ​ർ പൊ​ലീ​സ്​ അ​റ​സ്റ്റ്​ ചെ​യ്തു.

തി​ങ്ക​ളാ​ഴ്ച അ​ര്‍ധ​രാ​ത്രി എം.​സി റോ​ഡി​ല്‍ കോ​ട്ട​യം തെ​ള്ള​ക​ത്തെ ബാ​ര്‍ ഹോ​ട്ട​ലി​ന്​ സ​മീ​പ​ത്തെ ത​ട്ടു​ക​ട​യി​ലാ​യി​രു​ന്നു ആ​ക്ര​മ​ണം. ​ഇ​വി​ടെ അ​ടു​ത്ത​ടു​ത്തു​ള്ള ര​ണ്ട്​ ത​ട്ടു​ക​ട ഉ​ട​മ​ക​ള്‍ ത​മ്മി​ല്‍ ത​ര്‍ക്കം നി​ല​നി​ന്നി​രു​ന്നു. ഇ​തി​ലൊ​ന്ന്​ സാ​ലി​യെ​ന്ന സ്ത്രീ ​ന​ട​ത്തു​ന്ന​താ​ണ്. അ​ർ​ധ​രാ​ത്രി മ​റ്റ്​ ര​ണ്ടു​പേ​ർ​ക്കൊ​പ്പം ബൈ​ക്കി​ലെ​ത്തി​യ ജി​ബി​ന്‍ ജോ​ർ​ജ്​ സാ​ലി​യെ ഭീ​ഷ​ണി​പ്പെ​ടു​ത്തി. ഇ​തി​നി​ടെ, കു​ട​മാ​ളൂ​ര്‍ പ​ള്ളി​യി​ലെ പെ​രു​ന്നാ​ൾ ഡ്യൂ​ട്ടി ക​ഴി​ഞ്ഞ് വീ​ട്ടി​ലേ​ക്ക്​ പോ​വു​ക​യാ​യി​രു​ന്ന ശ്യാം​പ്ര​സാ​ദ്​ ക​ട​യി​ൽ ക​യ​റി. ശ്യാ​മി​നെ പ​രി​ച​യ​മു​ള്ള ക​ട​യു​ട​മ സാ​ലി, പൊ​ലീ​സ് എ​ത്തി​യെ​ന്നും പ്ര​ശ്‌​ന​മു​ണ്ടാ​ക്കി​യാ​ല്‍ ഏ​റ്റു​മാ​നൂ​രി​ൽ​നി​ന്ന്​ കൂ​ടു​ത​ൽ പൊ​ലീ​സു​കാ​ർ വ​രു​മെ​ന്നും പ​റ​ഞ്ഞു. ഇ​തി​ൽ പ്ര​കോ​പി​ത​നാ​യ ജി​ബി​ന്‍ ക​ട​യു​ട​മ​യെ​യും സ​ഹോ​ദ​ര​നെ​യും മ​ർ​ദി​ച്ചു. ഇ​ത്​ ത​ട​യാ​നെ​ത്തി​യ ശ്യാം​പ്ര​സാ​ദി​നെ ത​ള്ളി​വീ​ഴ്ത്തി​യ​ശേ​ഷം നെ​ഞ്ചി​ല്‍ ആ​വ​ര്‍ത്തി​ച്ച്​ ച​വി​ട്ടു​ക​യാ​യി​രു​ന്നു​വെ​ന്ന്​ പൊ​ലീ​സ്​ പ​റ​ഞ്ഞു. ​ഇ​തേ​സ​മ​യ​ത്ത്​ രാ​ത്രി പ​ട്രോ​ളി​ങ് ഡ്യൂ​ട്ടി​യി​ലു​ണ്ടാ​യി​രു​ന്ന കു​മ​ര​കം എ​സ്.​എ​ച്ച്.​ഒ കെ.​എ​സ്. ഷി​ജി​യു​ടെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്തെ​ത്തി. ഇ​തോ​ടെ ജി​ബി​ന്‍ ഓ​ടി​യെ​ങ്കി​ലും പൊ​ലീ​സ് പി​ന്തു​ട​ർ​ന്ന്​ കീ​ഴ്‌​പ്പെ​ടു​ത്തി. തു​ട​ര്‍ന്ന് ശ്യാ​മി​നെ പൊ​ലീ​സ്​ ജീ​പ്പി​ൽ സ​മീ​പ​ത്തെ സ്വ​കാ​ര്യ ആ​ശു​പ​ത്രി​യി​ലേ​ക്കു മാ​റ്റി. വാ​ഹ​ന​ത്തി​ല്‍ ക​യ​റും​മു​മ്പ് സം​സാ​രി​ച്ചി​രു​ന്ന ശ്യാം ​ആ​ശു​പ​ത്രി​യി​ലെ​ത്തും​മു​മ്പ് വാ​ഹ​ന​ത്തി​ൽ കു​ഴ​ഞ്ഞു​വീ​ണു. തു​ട​ര്‍ന്ന്​ തീ​വ്ര​പ​രി​ച​ര​ണം ന​ല്‍കി​യെ​ങ്കി​ലും തി​ങ്ക​ളാ​ഴ്ച പു​ല​ർ​ച്ച മൂ​ന്നോ​ടെ മ​രി​ച്ചു. ആ​ന്ത​രി​ക ര​ക്ത​സ്രാ​വ​മാ​ണ്​ മ​ര​ണ​കാ​ര​ണ​മെ​ന്നാ​ണ്​ ​പ്രാ​ഥ​മി​ക നി​ഗ​മ​നം.

കോ​ട്ട​യം വെ​സ്റ്റ് പൊ​ലീ​സ്​ സ്​​റ്റേ​ഷ​നി​ലെ സ്‌​റ്റേ​ഷ​ന്‍ ഹൗ​സ് ഓ​ഫി​സ​റു​ടെ ഡ്രൈ​വ​റാ​യി​രു​ന്ന ശ്യാം ​പ​രേ​ത​നാ​യ കൃ​ഷ്ണ​ന്‍കു​ട്ടി​യു​ടെ​യും ജാ​ന​കി​യു​ടെ​യും മ​ക​നാ​ണ്.

ഭാ​ര്യ അ​മ്പി​ളി, മാ​ഞ്ഞൂ​രി​ലെ സ്വ​കാ​ര്യ ഹോ​ട്ട​ൽ ജീ​വ​ന​ക്കാ​രി​യാ​ണ്. മ​ക്ക​ള്‍: ശ്രീ​ല​ക്ഷ്മി, ശ്രീ​ഹ​രി (ഇ​മ്മാ​നു​വ​ല്‍ എ​ച്ച്.​എ​സ്, കോ​ത​ന​ല്ലൂ​ര്‍), സേ​തു​ല​ക്ഷ്മി (എ​ല്‍.​പി.​എ​സ്, മാ​ഞ്ഞൂ​ര്‍).

പോ​സ്റ്റ്​​മോ​ർ​ട്ട​ത്തി​നു​ശേ​ഷം ശ്യാ​മി​ന്‍റെ മൃ​ത​ദേ​ഹം കോ​ട്ട​യം പൊ​ലീ​സ്​ ക്ല​ബി​ലും വെ​സ്റ്റ് പൊ​ലീ​സ് സ്റ്റേ​ഷ​നി​ലും പൊ​തു​ദ​ർ​ശ​ന​ത്തി​നു​വെ​ച്ചു. തി​ങ്ക​ളാ​ഴ്ച രാ​ത്രി 7.30ഓ​ടെ കു​റു​പ്പ​ന്ത​റ മാ​ഞ്ഞൂ​രി​ലെ വീ​ട്ടു​വ​ള​പ്പി​ൽ സം​സ്​​ക​രി​ച്ചു. സ​ഹ​പ്ര​വ​ർ​ത്ത​ക​ര​ട​ക്കം നൂ​റു​ക​ണ​ക്കി​നു​പേ​ർ അ​ന്തി​മോ​പ​ചാ​രം അ​ർ​പ്പി​ച്ചു.

പ്ര​തി ജി​ബി​ൻ ജോ​ർ​ജി​നെ വൈ​കീ​ട്ടോ​ടെ സം​ഭ​വ​സ്ഥ​ല​ത്തെ​ത്തി​ച്ച്​ തെ​ളി​വെ​ടു​ത്ത​ശേ​ഷം കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ്​ ചെ​യ്തു. ഏ​ഴ്​ കേ​സു​ക​ളി​ലെ പ്ര​തി​യാ​യ ജി​ബി​ൻ ക​ഞ്ചാ​വ്​ ഉ​പ​യോ​ഗി​ച്ച കേ​സി​ലും നേ​ര​ത്തേ പി​ടി​യി​ലാ​യി​ട്ടു​ണ്ട്.