പൊലീസി​െൻറ യശസ്സിന് മങ്ങലേൽപ്പിച്ചാൽ കർശന നടപടി -മുഖ്യമന്ത്രി

മലപ്പുറം: ​പൊലീസ് സേനയുടെ യശസ്സിന്​ മങ്ങലേൽപ്പിക്കുന്നവർക്കെതിരെ കർശന നടപടി സ്വീകരിക്കുമെന്ന്​ മുഖ്യമന്ത്രി പിണറായി വിജയൻ. മാനുഷികമുഖമാണ്​ പൊലീസ്​ സൂക്ഷിക്കേണ്ടത്​. ഇൗ മുഖം വികൃതമാക്കുന്ന അപൂർവം ചില സംഭവങ്ങളുണ്ടാകുന്നുണ്ട്. അത് പാടില്ല​. നിയമത്തിൽനിന്ന്​ വ്യതിചലിക്കുന്നവർ ആരായാലും പദവി ഏതായാലും നടപടി നേരിടേണ്ടിവരുമെന്ന് എം.എസ്​.പി മൈതാനത്ത്​ പൊലീസ്​ സേനയുടെ സംയുക്ത പാസിങ്​ ഒൗട്ട്​ പരേഡ്​ അഭിവാദ്യം സ്വീകരിച്ച ശേഷം അദ്ദേഹം പറഞ്ഞു. പൊലീസി​​​െൻറ പരിശീലനരീതിയിൽ സമൂലമാറ്റം വേണമെന്ന അഭിപ്രായം ശക്തമാകുന്ന കാലമാണിത്​. കുറേ മാറ്റം വന്നു. ഇനിയും മാറണമെന്നാണ്​ സർക്കാർ നിലപാട്​​. 

ഉത്തരവാദിത്തം സത്യസന്ധമായും നിക്ഷ്​പക്ഷമായും നിർവഹിക്കുകയെന്നതാണ്​ പൊലീസി​​​െൻറ ദൗത്യം. നല്ല രീതിയിൽ പെരുമാറുകയും ജനങ്ങളെ ബുദ്ധിമുട്ടിക്കാതിരിക്കുകയും ചെയ്യണം. അതേസമയം, കുറ്റകൃത്യങ്ങളോട്​ വിട്ടുവീഴ്​ചയില്ലാത്ത സമീപനം സ്വീകരിക്കണം. 60,000 അംഗങ്ങളുള്ള സേനയിൽ കുറ്റകൃത്യങ്ങളിൽ ഏർപ്പെട്ടവരുമുണ്ടാകും. നിക്ഷ്പക്ഷമായി പ്രവർത്തിക്കുന്നതിന്​ ഒന്നും തടസ്സമല്ല. പലയിടത്തും ഒറ്റപ്പെട്ട്​ കഴിയുന്ന വയോധികരുണ്ട്​. അവരെ ലക്ഷ്യമിട്ടുള്ള​ ക്രിമിനലുകൾക്കെതി​െര നടപടി ശക്തമാക്കണ​െമന്നും മുഖ്യമന്ത്രി നിർദേശിച്ചു.