വിവാഹദിവസം പൊലീസുകാരൻ തൂങ്ങി മരിച്ചനിലയിൽ

കാസര്‍കോട്: വിവാഹ ദിവസം പൊലീസുകാരനെ തൂങ്ങി മരിച്ച നിലയിൽ കണ്ടെത്തി. കാസര്‍കോട് എ.ആർ ക്യാമ്പിലെ പൊലീസുകാരനും ചീമേനി ആലന്തട്ട സ്വദേശിയുമായ വിനീഷാണ് തൂങ്ങി മരിച്ചത്.

ഞായറാഴ്ച പുലര്‍ച്ചെ വീട്ടിനുള്ളിലാണ് വിനീഷിനെ തൂങ്ങിയ നിലയില്‍ കണ്ടെത്തിയത്. ആത്മഹത്യയിലേക്ക് നയിച്ച കാരണങ്ങൾ വ്യക്തമല്ല. ഇന്ന് വിവാഹം നടക്കാനിരിക്കെയാണ് ദാരുണ സംഭവം നടന്നത്.

പൊലീസ് സ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി.