രക്ഷാപ്രവർത്തനത്തിനിടെ  ലോറിയിടിച്ച് പൊലീസുകാരൻ മരിച്ചു

കൊ​ട്ടാ​ര​ക്ക​ര: എം.​സി റോ​ഡി​ൽ കൊ​ട്ടാ​ര​ക്ക​ര​ക്ക് സ​മീ​പം കു​ള​ക്ക​ട​യി​ൽ വാ​ഹ​നാ​പ​ക​ടം ന​ട​ന്ന സ്ഥ​ല​ത്ത് ര​ക്ഷാ​പ്ര​വ​ർ​ത്ത​നം ന​ട​ത്തി​യ പൊ​ലീ​സു​കാ​ർ​ക്കി​ട​യി​ലേ​ക്ക് ലോ​റി പാ​ഞ്ഞു​ക​യ​റി സി​വി​ൽ പൊ​ലീ​സ്​ ഒാ​ഫി​സ​ർ മ​രി​ച്ചു. ര​ണ്ടു​പേ​ർ​ക്ക് ഗു​രു​ത​ര പ​രി​ക്കേ​റ്റു. പൊ​ലീ​സ് ക​ൺ​ട്രോ​ൾ യൂ​നി​റ്റി​ലെ സി​വി​ൽ പൊ​ലീ​സ്​ ഒാ​ഫി​സ​ർ ഡ്രൈ​വ​ർ വ​യ​യ്ക്ക​ൽ പു​തി​യി​ടം കാ​ർ​ത്തി​ക​യി​ൽ മോ​ഹ​ന​ച​ന്ദ്ര​ക്കു​റു​പ്പി​​​െൻറ മ​ക​ൻ വി​പി​നാ​ണ് (34) മ​രി​ച്ച​ത്. ക​ൺ​ട്രോ​ൾ യൂ​നി​റ്റി​ലെ അ​ഡീ​ഷ​ന​ൽ എ​സ്.​ഐ​മാ​രാ​യ വേ​ണു​ഗോ​പാ​ൽ ദാ​സ് (54), അ​ശോ​ക​ൻ (51) എ​ന്നി​വ​ർ​ക്കാ​ണ്​ പ​രി​ക്കേ​റ്റ​ത്. 

കു​ള​ക്ക​ട ല​ക്ഷം​വീ​ട് ജ​ങ്ഷ​ന് സ​മീ​പം ഞായറാഴ്​ച പു​ല​ർ​ച്ച 5.30നാ​യി​രു​ന്നു അ​പ​ക​ടം. മി​മി​ക്രി ക​ലാ​കാ​ര​ന്മാ​ർ  സ​ഞ്ച​രി​ച്ച കാ​ർ വൈ​ദ്യു​തി പോ​സ്​​റ്റി​ലി​ടി​ച്ച് ത​ക​ർ​ന്ന​ത​റി​ഞ്ഞ് ര​ക്ഷാ​പ്ര​വ​ർ​ത്ത​ന​ത്തി​ന് എ​ത്തി​യ​താ​യി​രു​ന്നു പൊ​ലീ​സു​കാ​ർ. മ​ഹ​സ​ർ ത​യാ​റാ​ക്കു​മ്പോ​ഴാ​ണ് ലോ​റി പാ​ഞ്ഞു​ക​യ​റി​യ​ത്. ത​ണ്ണി​മ​ത്ത​നു​മാ​യി പോ​കു​ക​യാ​യി​രു​ന്നു ലോ​റി.

പ​രി​ക്കേ​റ്റ​വ​രെ തി​രു​വ​ന​ന്ത​പു​ര​ത്തെ സ്വ​കാ​ര്യ ആ​ശു​പ​ത്രി​യി​ൽ വി​ദ​ഗ്ധ ചി​കി​ത്സ​ക്കാ​യി എ​ത്തി​ച്ചെ​ങ്കി​ലും വി​പി​നെ ര​ക്ഷി​ക്കാ​നാ​യി​ല്ല. നി​ർ​ത്താ​തെ​പോ​യ ലോ​റി​യു​ടെ ഡ്രൈ​വ​ർ മ​ല​മ്പു​ഴ സ്വ​ദേ​ശി സു​രേ​ഷി​നെ പു​ത്തൂ​ർ പൊ​ലീ​സ് ക​സ്​​റ്റ​ഡി​യി​ലെ​ടു​ത്തു. തി​ങ്ക​ളാ​ഴ്​​ച വ​യ​ക്ക​ലി​ലെ വീ​ട്ടു​വ​ള​പ്പി​ൽ രാ​വി​ലെ 11ന്​ ​സം​സ്​​ക​രി​ക്കും. ഭാ​ര്യ: അ​ഞ്ജു. മ​ക​ൻ: കാ​ർ​ത്തി​ക്.