എ.ഡി.ജി.പി സുദേഷ് കുമാറി​െൻറ വീട്ടില്‍ അടിമപ്പണി പതിവെന്ന് രഹസ്യാന്വേഷണ റിപ്പോർട്ട്

തിരുവനന്തപുരം: ആരോപണ വിധേയനായ എ.ഡി.ജി.പി  സുദേഷ് കുമാറി​​​െൻറ വീട്ടില്‍ അടിമപ്പണി പതിവെന്ന് രഹസ്യാന്വേഷണ റിപ്പോർട്ട്. എ.ഡി.ജി.പിയുടെ അറിവോടെയായിരുന്നു ജീവനക്കാരെ വീട്ടുവേല ചെയ്യിച്ചിരുന്നതെന്നും റിപ്പോർട്ടിലുണ്ട്​. ഇതിനു തയാറാകാതിരുന്ന 12 ക്യാമ്പ്​  ഫോളോവര്‍മാരെ പിരിച്ചുവിടുകയും ചെയ്തു. ഭാര്യയും മകളും ബന്ധുക്കളും ഔദ്യോഗികവാഹനം ദുരുപയോഗിക്കുന്നതായും രഹസ്യാന്വേഷണ റിപ്പോർട്ടിൽ പറയുന്നുണ്ട്.

ഒരു ബന്ധു തിരുവനന്തപുരത്തുനിന്ന് കണ്ണൂർക്ക്​  പോയത് സര്‍ക്കാര്‍ വാഹനത്തിലാണ്. ഈ പരാതികളുടെയും രഹസ്യാന്വേഷണ റിപ്പോർട്ടി​​​െൻറയും അടിസ്ഥാനത്തിലാണ് സുദേഷ് കുമാറിനെ ബറ്റാലിയൻ മേധാവി സ്​ഥാനത്തുനിന്ന്​ മാറ്റിയത്​.  മകൾക്ക്​ ഫോ​േട്ടാകോപ്പി എടുക്കാൻ ഫോ​േട്ടാകോപ്പി മെഷീൻ തന്നെ സർക്കാർ ​െചലവിൽ വാങ്ങി, സിവിൽസർവിസ്​ പരീക്ഷക്ക്​ തയാറെടുക്കുന്ന മകൾക്കു വേണ്ടി സർക്കാർ ഖജനാവിലെ പണം ഉപയോഗിച്ച്​ മാഗസിനുകളും പുസ്​തകങ്ങളും വാങ്ങിക്കൂട്ടി, ത​​​െൻറ ഇഷ്​ടക്കാർക്ക്​ ശബരിമലയിലെ പ്രസാദം എത്തിക്കാൻ പൊലീസുകാരെ നിയോഗിച്ചു തുടങ്ങിയ ആരോപണങ്ങും ഉയർന്നിട്ടുണ്ട്​. സുദേഷ്​ കുമാറി​​​െൻറ കുടുംബാംഗങ്ങളുടെ പീഡനം സഹിക്കവയ്യാതെ ജോലി ഉപേക്ഷിച്ച്​ ഒാടി രക്ഷപ്പെ​െട്ടന്ന വെളിപ്പെടുത്തലുമായി വനിതാ ക്യാമ്പ്​ ഫോളോവറും രംഗ​െത്തത്തി. 

വീട്ടുജോലിക്കെത്താൻ താമസിച്ചതി​​​െൻറ പേരിൽ എ.ഡി.ജി.പിയുടെ വീട്ടുകാർ തന്നെ മർദിക്കാൻ ശ്രമിച്ചെന്നും കുടുംബത്തെ അവഹേളിച്ചെന്നുമാണ്​ അവർ പറയുന്നത്​. ഭയന്ന്​ ജോലി ഉപേക്ഷിച്ച്​ രക്ഷപ്പെടുകയായിരുന്നു. ഇതറിഞ്ഞ എ.ഡി.ജി.പി തന്നെ പട്ടിയെകൊണ്ടു കടിപ്പിക്കണമെന്നും വീട്ടിൽ പൂട്ടിയിടാത്തത്​ എന്താണെന്ന്​ ചോദിച്ചതായും അവർ പറയുന്നു. കറുത്ത നിറമുള്ളവരെ എ.ഡി.ജി.പിക്കും വീട്ടുകാർക്കും ഇഷ്​ടമില്ലായിരു​െന്നന്നും അവർക്ക്​ വീട്ടിൽ പ്രവേശനം നിഷേധിച്ചിരുന്നതായും സേനാംഗങ്ങൾ പറയുന്നു.