മു​ഖ്യ​മ​ന്ത്രി​യു​ടെ ഓ​ഫി​സ് ഇ​ട​പെ​ട്ടു; പൊ​ലീ​സു​കാ​രു​ടെ ഇ​ൻ​ഷു​റ​ൻ​സ് പോ​ളി​സി തു​ക തി​ര​ക്കി​ട്ട് അ​ട​ച്ചു

തൃ​ശൂ​ർ: പൊ​ലീ​സു​കാ​രു​ടെ മു​ട​ങ്ങി​ക്കി​ട​ന്ന ഇ​ൻ​ഷു​റ​ൻ​സ് പ്രീ​മി​യം ഇ​ന്ന​ലെ തി​ര​ക്കി​ട്ട് അ​ട​ച്ചു. പൊ​ലീ​സു​കാ​രു​ടെ  ശ​മ്പ​ള​ത്തി​ൽ നി​ന്ന് പി​ടി​ച്ച്​  എ​ൽ.​ഐ.​സി അ​ട​ക്ക​മു​ള്ള ഇ​ൻ​ഷു​റ​ൻ​സ് ക​മ്പ​നി​ക​ൾ​ക്ക്​ അ​ട​ക്കേ​ണ്ട ന​വം​ബ​ർ മു​ത​ലു​ള്ള പ്രീ​മി​യം   അ​ട​ച്ചി​ട്ടി​ല്ല എ​ന്ന കാ​ര്യം  ബു​ധ​നാ​ഴ്ച 'മാ​ധ്യ​മം' വെ​ളി​െ​പ്പ​ടു​ത്തി​യ​തോ​ടെ​യാ​ണ് തി​ര​ക്കി​ട്ട് പോ​ളി​സി അ​ട​ച്ച​ത്. പൊ​ലീ​സ് ഹെ​ഡ്ക്വാ​ർ​ട്ടേ​ഴ്സി​ൽ നി​ന്ന്​ മു​ഖ്യ​മ​ന്ത്രി​യു​ടെ ഓ​ഫി​സ്​ പ​ണം അ​ട​ക്കാ​ത്ത​തി​​​െൻറ വി​ശ​ദാം​ശ​ങ്ങ​ളും കാ​ര​ണ​വും തി​ര​ക്കി​യ​തോ​ടെ​യാ​ണ് അ​ടി​യ​ന്ത​ര​ന​ട​പ​ടി​യു​ണ്ടാ​യ​ത്.

ക​ഴി​ഞ്ഞ ന​വം​ബ​ർ മു​ത​ലാ​ണ് ​പ്രീ​മി​യം കു​ടി​ശ്ശി​ക​യാ​യ​ത്. ഈ ​ഫെ​ബ്രു​വ​രി വ​രെ​യു​ള്ള തു​ക​യാ​ണ് ഇ​ന്ന​ലെ അ​ട​ച്ച​ത്. സാ​ധാ​ര​ണ​യാ​യി ഉ​ത്ത​ര​വ് എ​ത്തി, അ​ത് പ​ണ​മാ​ക്കി ദി​വ​സ​ങ്ങ​ളെ​ടു​ത്ത്​ ന​ട​ക്കു​ന്ന​താ​ണ്​ ഇ​തി​​​െൻറ ന​ട​പ​ടി​ക്ര​മ​ങ്ങ​ളെ​ങ്കി​ലും  മ​ണി​ക്കൂ​റു​ക​ൾ​ക്ക​ക​മാ​ണ് പ​ണം അ​നു​വ​ദി​ച്ച​തും  അ​ട​ച്ച​തും. സാ​മ്പ​ത്തി​ക പ്ര​തി​സ​ന്ധി മ​റി​ക​ട​ക്കാ​ൻ വി​വി​ധ വ​കു​പ്പു​ക​ളി​ലെ അ​ടി​യ​ന്ത​ര പ്രാ​ധാ​ന്യ​മി​ല്ലാ​ത്ത തു​ക​ക​ൾ വ​ക​മാ​റ്റു​ന്നു​ണ്ട​േ​ത്ര. അ​ങ്ങ​നെ​യാ​ണ്​  പൊ​ലീ​സു​കാ​രു​ടെ​പ്രീ​മി​യ​വും വ​ക​മാ​റ്റി​യ​ത്​. 

അ​പ​ക​ട​ക​ര​മാ​യ സാ​ഹ​ച​ര്യ​ത്തി​ൽ തൊ​ഴി​ലെ​ടു​ക്കു​ന്ന ത​ങ്ങ​ൾ​ക്ക് എ​ന്തെ​ങ്കി​ലും സം​ഭ​വി​ച്ചാ​ൽ കു​ടും​ബ​ത്തി​ന്  പ്ര​തീ​ക്ഷ​യാ​കു​ന്ന ഇ​ൻ​ഷു​റ​ൻ​സ് പ്രീ​മി​യം അ​ട​ക്കു​ന്ന​തി​ൽ വീ​ഴ്ച​വ​രു​ത്തി​യ​തി​ൽ സേ​നാം​ഗ​ങ്ങ​ളി​ൽ വ​ലി​യ എ​തി​ർ​പ്പ് ഉ​യ​ർ​ന്ന് തു​ട​ങ്ങി​യി​രു​ന്നു. ഇ​ൻ​ഷു​റ​ൻ​സും, വാ​യ്പ​ക​ളും മ​റ്റ് പി​രി​വു​ക​ളു​മു​ൾ​പ്പെ​ടെ​യു​ള്ള​വ പി​ടി​ച്ചാ​ണ് ശ​മ്പ​ളം അ​നു​വ​ദി​ക്കു​ക.​ശ​മ്പ​ള സ്ലി​പ്പി​ൽ ഇ​ത് രേ​ഖ​പ്പെ​ടു​ത്തു​ക​യും ചെ​യ്യും.