സമ്പർക്കവിലക്ക്​ വീട്ടുവരാന്തയിൽ നിന്നയാൾക്ക്​ 2000 രൂപ പിഴ

കു​റ്റ്യാ​ടി: കോ​വി​ഡ് പോ​സി​റ്റി​വാ​യ ഗൃ​ഹ​നാ​ഥ​ന് വീ​ട്ടു​വ​രാ​ന്ത​യി​ൽ​നി​ന്ന​തി​ന് പൊ​ലീ​സ് 2000 രൂ​പ പി​ഴ​യി​ട്ട​താ​യി പ​രാ​തി. കാ​വി​ലു​മ്പാ​റ പൈ​ക്ക​ള​ങ്ങാ​ടി ക​റ​പ്പ​യി​ൽ സ​ലീ​മി​നാ​ണ് (47) തൊ​ട്ടി​ൽ​പാ​ലം പൊ​ലീ​സ് പി​ഴ​യി​ട്ട​ത്.

അ​ത്യാ​വ​ശ്യ കാ​ര്യ​ത്തി​ന് മാ​സ്ക​ണി​ഞ്ഞ് കി​ട​പ്പു​മു​റി​യി​ൽ​നി​ന്ന് വീ​ട്ടു​വ​രാ​ന്ത​യി​ൽ വ​ന്നു​നി​ന്ന​പ്പോ​ൾ പൂ​ക്കാ​ട് റോ​ഡി​ലൂ​ടെ പോ​യ സി.​ഐ​യും സം​ഘ​വും കാ​ണു​ക​യും കോ​വി​ഡ് പ്രോ​ട്ടോ​കോ​ൾ ലം​ഘ​ന​മെ​ന്ന് പ​റ​ഞ്ഞ് പി​ഴ​യി​ടു​ക​യു​മാ​യി​രു​ന്നെ​ന്ന് സ​ലീം പ​റ​ഞ്ഞു.

കാ​ശി​ല്ലാ​ത്ത​തി​നാ​ൽ പി​ഴ അ​ട​ക്കാ​നാ​യി​ട്ടി​ല്ല. പി​ഴ​സം​ഖ്യ സ്​​റ്റേ​ഷ​നി​ൽ എ​ത്തി​ക്ക​ണ​മെ​ന്ന് പൊ​ലീ​സ് അ​റി​യി​ച്ചു. പി​ഴ അ​ട​ച്ചി​ല്ലെ​ങ്കി​ൽ കേ​സ് കോ​ട​തി​ക്ക് കൈ​മാ​റു​മെ​ന്നും പ​ണം അ​വി​ടെ പോ​യി അ​ട​ക്ക​ണ​മെ​ന്നും വി​ളി​ച്ച​റി​യി​ച്ച​താ​യും പ​റ​ഞ്ഞു. ഇ​തോ​ടെ ആ​കെ വി​ഷ​മ​ത്തി​ലാ​യി​രി​ക്കു​ക​യാ​ണ് സ​ലീം. ധാ​ന്യം പൊ​ടി​ക്കു​ന്ന മി​ല്ലി​ലെ തൊ​ഴി​ലാ​ളി​യാ​ണ്. എ​ന്നാ​ൽ, വീ​ട്ടി​ലെ മ​റ്റം​ഗ​ങ്ങ​ൾ​ക്ക് രോ​ഗം പ​ട​രാ​തി​രി​ക്കാ​ൻ ഇ​യാ​ൾ മു​റി​ക്ക​ക​ത്ത് സ​മ്പ​ർ​ക്ക​വി​ല​ക്കി​ൽ ഇ​രി​ക്കേ​ണ്ട​യാ​ളാ​ണെ​ന്നും സ​ന്ദ​ർ​ശ​ന സ​മ​യ​ത്ത് അ​ത് ലം​ഘി​ച്ച​താ​യി ക​ണ്ട​തി​നാ​ലാ​ണ് പി​ഴ​യി​ട്ട​തെ​ന്നും പൊ​ലീ​സ് പ​റ​ഞ്ഞു.