ഫോറസ്റ്റ്​​ സ്​റ്റേഷനിൽ കയറി ഭീഷണി: ജനീഷ്കുമാർ എം.എൽ.എക്കെതിരെ പൊ​ലീ​സ്​ കേ​സെ​ടു​ത്തു

കോ​ന്നി: വ​നം വ​കു​പ്പി​ന്‍റെ പാ​ടം ​ഫോ​റ​സ്റ്റ്​​ സ്​​റ്റേ​ഷ​നി​ൽ ക​യ​റി ഭീ​ഷ​ണി​​പ്പെ​ടു​ത്തി ക​സ്റ്റ​ഡി​യി​ലു​ള്ള​യാ​ളെ മോ​ചി​പ്പി​ച്ച സം​ഭ​വ​ത്തി​ൽ സി.​പി.​എം എം.​എ​ൽ.​എ കെ.​യു ജ​നീ​ഷ് കു​മാ​റി​നെ​തി​രെ കൂ​ട​ൽ പൊ​ലീ​സ്​ കേ​സെ​ടു​ത്തു. ഭാ​ര​തീ​യ ന്യാ​യ സം​ഹി​ത 132 പ്ര​കാ​രം കൃ​ത്യ​നി​ർ​വ്വ​ഹ​ണം ത​ട​സ്സ​പ്പെ​ടു​ത്ത​ൽ, 351(2) പ്ര​കാ​രം ഭീ​ഷ​ണി​പ്പെ​ടു​ത്ത​ൽ തു​ട​ങ്ങി​യ വ​കു​പ്പു​ക​ളാ​ണ് ചു​മ​ത്തി​യി​രി​ക്കു​ന്ന​ത്. വ​നം​വ​കു​പ്പ്​ ന​ടു​വ​ത്തു​മൂ​ഴി റേ​ഞ്ച് ഓ​ഫി​സ​ർ, പാ​ടം ഡെ​പ്യൂ​ട്ടി റേ​ഞ്ച് ഓ​ഫി​സ​ർ, ജീ​വ​ന​ക്കാ​ർ, എ​ന്നി​വ​ർ എം.​എ​ൽ.​എ​ക്കെ​തി​രെ മൊ​ഴി ന​ൽ​കി. ഇ​തി​നി​ടെ ഉ​ന്ന​ത വ​നം വ​കു​പ്പ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ കോ​ന്നി ഫോ​റ​സ്റ്റ് റേ​ഞ്ച് ഓ​ഫി​സി​ലും മൊ​ഴി രേ​ഖ​പ്പെ​ടു​ത്തി.

കോ​ന്നി കു​ള​ത്തു​മ​ണ്ണി​ൽ കാ​ട്ടാ​ന ഷോ​ക്കേ​റ്റ് ചെ​രി​ഞ്ഞ സം​ഭ​വ​വു​മാ​യി ബ​ന്ധ​പ്പെ​ട്ട് വ​നം വ​കു​പ്പ്​ ക​സ്റ്റ​ഡി​യി​ലെ​ടു​ത്ത ത​മി​ഴ്നാ​ട് സ്വ​ദേ​ശി രാ​ജു​വി​നെ എം.​എ​ൽ.​എ ക​ഴി​ഞ്ഞ​ദി​വ​സം പാ​ടം ഫോ​റ​സ്റ്റ് സ്റ്റേ​ഷ​നി​ലെ​ത്തി മോ​ചി​പ്പി​ച്ചി​രു​ന്നു. കോ​ന്നി ഡി​വൈ.​എ​സ്.​പി രാ​ജ​പ്പ​ൻ റാ​വു​ത്ത​റെ സ്റ്റേ​ഷ​നി​ലേ​ക്ക്​ വി​ളി​ച്ചു വ​രു​ത്തു​ക​യും ചെ​യ്തു. അ​തേ​സ​മ​യം ആ​ന ചെ​രി​ഞ്ഞ​തു​മാ​യി ബ​ന്ധ​പ്പെ​ട്ട് വ​നം വ​കു​പ്പ് നാ​ട്ടി​ലെ സാ​ധാ​ര​ണ​ക്കാ​ർ​ക്കെ​തി​രെ കേ​സെ​ടു​ക്കാ​ൻ ശ്ര​മി​ച്ച​തി​നെ​തി​രെ​യാ​ണ് താ​ൻ ഇ​ട​പെ​ട്ട​തെ​ന്നും നി​യ​മ വി​രു​ദ്ധ​മാ​യി ഒ​ന്നും ചെ​യ്തി​ട്ടി​ല്ലെ​ന്നും കെ.​യു. ജ​നീ​ഷ് കു​മാ‍ർ എം.​എ​ൽ.​എ പ​റ​ഞ്ഞു. കൈ​ത​ച്ച​ക്ക കൃ​ഷി പാ​ട്ട​ത്തി​ന് എ​ടു​ത്ത​വ​ർ സോ​ളാ​ർ വേ​ലി​യി​ലൂ​ടെ വ​ലി​യ തോ​തി​ൽ വൈ​ദ്യു​തി ക​ട​ത്തി വി​ട്ട​താ​ണ് കാ​ട്ടാ​ന​ക്ക് ഷോ​ക്കേ​ൽ​ക്കാ​ൻ കാ​ര​ണ​മെ​ന്നാ​യി​രു​ന്നു വ​നം വ​കു​പ്പി​ന്‍റെ വി​ശ​ദീ​ക​ര​ണം. വി​വ​രം പു​റ​ത്ത​റി​ഞ്ഞ​തോ​ടെ ഡി.​എ​ഫ്.​ഒ ആ​യു​ഷ് കു​മാ​ർ കോ​റി​യു​ടെ നേ​തൃ​ത്വ​ത്തി​ലു​ള്ള വ​ന​പാ​ല​ക സം​ഘം സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ആ​ന​യു​ടെ ജ​ഡ​ത്തി​ന് മൂ​ന്ന് ദി​വ​സ​ത്തെ പ​ഴ​ക്ക​മു​ണ്ടെ​ന്നാ​യി​രു​ന്നു വി​ല​യി​രു​ത്ത​ൽ. 20 വ​യ​സ്സി​ൽ താ​ഴെ പ്രാ​യ​മു​ള്ള കൊ​മ്പ​ന്റെ ജ​ഡം പോ​സ്റ്റ്മോ​ർ​ട്ടം ന​ട​പ​ടി​ക​ൾ പൂ​ർ​ത്തി​യാ​ക്കി​യ ശേ​ഷം മ​റ​വു ചെ​യ്തി​രു​ന്നു.കു​ള​ത്തു​മ​ണ്ണി​ലെ വ​ന​മേ​ഖ​ല​യോ​ട് ചേ​ർ​ന്ന മ​ണ്ണി​ൽ ബൈ​ജു​വി​ന്റെ സ്വ​കാ​ര്യ ഭൂ​മി​യി​ലാ​ണ് കാ​ട്ടാ​ന​യെ ചെ​രി​ഞ്ഞ​നി​ല​യി​ൽ ക​ണ്ടെ​ത്തി​യ​ത്. അ​ന്ന് ബൈ​ജു​വി​നെ​തി​രെ വ​നം​വ​കു​പ്പ് കേ​സെ​ടു​ത്തി​രു​ന്നു. ബൈ​ജു​വി​ന്റെ വ​സ്തു​വി​ൽ ഇ​ടു​ക്കി സ്വ​ദേ​ശി​ക​ളാ​യ ജ​യ്മോ​ൻ, ബൈ​ജു ജോ​ബ് എ​ന്നി​വ​രാ​ണ്​ പാ​ട്ട​ത്തി​ന് കൈ​ത​ച്ച​ക്ക കൃ​ഷി ചെ​യ്തി​രു​ന്ന​ത്.

ഇ​തി​നി​ടെ എം.​എ​ൽ.​എ​ക്ക്​ ​പി​ന്തു​ണ​യു​മാ​യി ക്രി​സ്​​ത്യ​ൻ സ​ഭ​ക​ളു​ടെ കൂ​ട്ടാ​യ്മ​യാ​യ കേ​ര​ളാ കൗ​ൺ​സി​ൽ ഓ​ഫ്​ ച​ർ​ച്ച​സ്​ രം​ഗ​ത്തു​വ​ന്നു. വ​ന്യ ജീ​വി ശ​ല്യ​ത്തി​ന് പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ട് സി.​പി.​എം ഇ​ന്ന് ഡി.​എ​ഫ്.​ഒ ഓ​ഫി​സ് മാ​ർ​ച്ച് ന​ട​ത്തും.