പൊലീസ് സഹകരണസംഘം തെരഞ്ഞെടുപ്പ്​: യു.ഡി.എഫ് അനുകൂലികൾക്ക്​ തകർപ്പൻ ജയം

തിരുവനന്തപുരം: ഹൈകോടതി ഉത്തരവ്​ പ്രകാരം നടന്ന തിരുവനന്തപുരം പൊലീസ് സഹകരണസംഘം ഭരണസമിതി തെരഞ്ഞെടുപ്പിൽ യു.ഡ ി.എഫ് അനുകൂല പാനലിന്​ തകർപ്പൻ ജയം. മുഴുവൻ സീറ്റും വിജയിച്ചാണ്​ യു.ഡി.എഫ്​ അനുകൂലികൾ ഭരണം തിരിച്ചുപിടിച്ചത്​. ഭ രണാനുകൂല സംഘടന നേതൃത്വം നൽകിയ പാനലിനെ ആയിരത്തിലേറെ വോട്ടുകളുടെ ഭൂരിപക്ഷത്തിൽ പരാജയപ്പെടുത്തി​ കേരള പൊലീസ ് അസോസിയേഷൻ മുൻ സംസ്ഥാന ജനറൽ സെക്രട്ടറി ജി.ആർ. അജിത്തി​​െൻറ നേതൃത്വത്തിലെ പാനൽ 11 സീറ്റിലും വിജയിച്ചു​. ആകെ പോൾ ചെയ്ത 4100 വോട്ടി​​െൻറ 60 ശതമാനത്തിലേറെ വോട്ടുകൾ യു.ഡി.എഫ്​ അനുകൂല പാനലിന്​ ലഭിച്ചു.

പൊലീസ് അസോസിയേഷൻ സംസ്ഥാന പ്രസിഡൻറ്​ ടി.എസ്. ബൈജു ഉൾപ്പെടെ ഭരണാനുകൂല സംഘടനയിലെ മുഴുവൻ പേരും പരാജയപ്പെട്ടു. 2421 വോട്ട്​ നേടി വിജയിച്ച ജി.ആർ. അജിത്തിനെ പ്രസിഡൻറായും ആർ.ജി. ഹരിലാലിനെ വൈസ്​ പ്രസിഡൻറായും തെരഞ്ഞെടുത്തു. പൊലീസ്​ അസോസിയേഷൻ സംസ്​ഥാന പ്രസിഡൻറ്​ ബൈജ​ുവിന്​ 1485 ​േവാട്ട്​ നേടാനേ സാധിച്ചുള്ളൂ. ജി.ആർ. അജിത്ത്, അനീഷ്.ജി, വിധുകുമാർ, ശോഭൻ പ്രസാദ് വി.പി, ഷാനവാസ്. ടി.എസ്, ഹരിലാൽ. ആർ.ജി, രഞ്ജിത്ത്.ജി.ആർ, മിനിമോൾ എസ്.എം, ഷീജ ദാസ്.ഡി.എൽ, ഷെർളി.ആർ, സുരേഷ് കുമാർ.പി എന്നിവരാണ്​ സഹകരണസംഘം ഭരണസമിതിയിലേക്ക്​ തെരഞ്ഞെടുക്കപ്പെട്ടത്​.

യു.ഡി.എഫ്​ അനുകൂലികൾ ഭരണം നടത്തിവന്ന തിരുവനന്തപുരം പൊലീസ്​ സഹകരണസംഘം ഭരണസമിതിയെ അഴിമതി ആരോപണം ഉന്നയിച്ച്​ 2017 ഡിസംബറിലാണ്​ സഹകരണവകുപ്പ് പിരിച്ചുവിട്ട് പകരം അഡ്മിനിസ്ട്രേറ്റർ ഭരണം ഏർപ്പെടുത്തിയത്​. ഇതിനെ ചോദ്യം ചെയ്​ത്​ ഭരണസമിതി ഹൈകോടതിയെ സമീപിച്ചു. എന്നാൽ, സഹകരണസംഘം തെരഞ്ഞെടുപ്പ്​ നടത്തുന്നത്​ അക്രമത്തിനുൾപ്പെടെ കാരണമാകുമെന്നുള്ള റിപ്പോർട്ട്​ സിറ്റി പൊലീസ്​ കമീഷണർ ഹൈകോടതിയിൽ സമർപ്പിച്ചു. എന്നാൽ, ഇൗ റിപ്പോർട്ട്​ ഹൈകോടതിയുടെ വിമർശനത്തിനും കാരണമായിരുന്നു. തുടർന്നാണ്​ ഇൗമാസം 27ന്​ തെരഞ്ഞെടുപ്പ്​ നടത്താൻ ഹൈകോടതി ഡി.ജി.പിയോട്​ നിർദേശിച്ചത്​. ഇതി​​െൻറ അടിസ്​ഥാനത്തിൽ തിരിച്ചറിയൽ കാർഡ്​ വിതരണം ആരംഭിച്ചെങ്കിലും അതും സംഘർഷത്തിന്​ കാരണമായി. ഇതുമായി ബന്ധപ്പെട്ട്​ ഇപ്പോൾ പ്രസിഡൻറായി തെരഞ്ഞെടുക്കപ്പെട്ട ജി.ആർ. അജിത്ത്​​ ഉൾപ്പെടെ ഇരുവിഭാഗങ്ങളിലെയും 14 പൊലീസുകാരെ സർവിസിൽനിന്ന്​ സസ്​പെൻഡ്​​ ചെയ്​തിരിക്കുകയാണ്​.